مساء الخير متابعيني الاعزاء اتمنى لكم قراءه ممتعه
البارت التاسع
🌸 يكفيك ضلمآ يازمن 🌸
🌹للكاتبه رونق 🌹
حسيت بي مرتبك وميعرف شيحجي
گل لعمو شهد ماتت وطبكه بسرعه
سالته شنو شهد ماتت تحجي صدك
لا دااشاقه وياج
شبيها ..... مگلوبه بيهم السياره ع طريق بغداد
دموعي كامت تجري ياالله خطيه شابه بعدهي اشافت من الدنيه
طلع وبقيت بوحدي اريد استوعب الموضوع
لليوم محسستني اني ضرتها لاخبثت عليه ولا تعاركنه بيوم
موقفها وياي من تمرض ابني ماانسا ابد
جانت تموت علي
ربع ساعه والبيت نترس ناس وصار الصايح
اني بس دموعي تجري
عمو حيل متاثر لان بنت اخو
گلت هذا عمو بنت اخو وهيج يعاملها واني ابويه باعني بارخص ثمن
وحتى مسال عني عدله ميته
اجه مهند وجايب مسواگ گلي ادبرين طبخ هواي
گتله لا والله مااعرف واني طبخي اصلا مو طيب
گلي اذا طبخج مو طيب لعد طبخمن الطيب
گلي صيحي امي
صحتها كال شوفي منو يطبخ غده لازم نتغده من وكت حتى نروح للنجف ندفن
اجة مريه متوسطه بالعمر وسالتني انت منو كالت خاله مرة كيان
بقت صافنه
بقت تطبخ واني اساعدها
الرياجيل بالاستقبال
والنسوان بالصاله
اجتي ملايه
وصلت غفران حماتي واجوي اهل شهد كولهم
اجت امها خطيه تكسر الخاطر
هانت عليه مصيبتي گلت اموري بعده طفل بس شهد لا
شبگتني وتبجي خطيه
تگلي ولج حتى انتي مكرهتج ودومها تسولف عنج بالطيب
وتبجي ع بجيج
كتلها خاله شلون صار الحادث
كالت خاله رحنه لبغداد وبالروحه سوينه حادث
بس هيه من الهبطه ماتت لان اساسا عندها قلب يعني مريضه من زمان
خطيه الله يرحمها
كملنه الغده والزلم راحوا يدفنون
واحنه بقينه ناس رايحه وناس جايه
أنت تقرأ
يكفيك ضلما يازمن
Mistério / Suspenseالقصه تتحدث عن فتاة جميله جدا يتيمة الام تجبرها الظروف ان تغير شكلها وتصبح كالوحش تتزوج من شخص مغرور واناني يكرهها لكن شاء القدر ان يقع بحبها لكن بعد فوات الاوان
