مساء الخير متابعيني الاعزاء اتمنى لكم قراءه ممتعه
البارت الثالث
🌸 يكفيك ضلمآ يازمن 🌸
🌹للكاتبه رونق 🌹
كعدت الصبح كتله بابا موافقه بس عندي شرط بس ابد مااتناوع بوجهه لبابا حيل ضجت منه
هو فرح كلي كولي بويه شنو شرطج
اريد ابقه بهذني العدسات ومحد يكلهم الحقيقه واريد اجيب منهن بعد خاف يضيعن لو يتلفن
گلي ع راحتج بويه بس ليش هيج تسوين
كتله مثل مهججت احمد هم راح اهججه للولد هذا واخلي يطلگني باسرع وقت
گلي بابا هو شرطه راح يمنعج من الجيه النه ولا احد من عدنه يزورج وموبايل ماكوكتله موافقه هو اني شعندي بعد اجيكم
بابا فدوه اروحلج لتگليله انت مو اخت احمد لان يتخبل علينه هو راد اله اخته كتله ميخالف
بس مستحيل ابقه اكثر من شهرين شفته دنگ وحيل ضايج
حسيت بالكول فرح لان هم راح يتخلصون مني وهم ابنهم يطلع من المشكله
گلت اشو وين مااروح اني خدامه بقت ع ذوله اهم شي محد يتحرش بيه
طلبت من البنات يشوفلي من النت بلكي اكو لزكه شي يخلوها ع الوجه يطلع مشوه مثل الحرك حتى اخلي ابد ميطيقني وجان هذا تصرفي قمة الغباء لان اتصورت مثل مكالت خاله شهر شهرين ويطلگوني كلت اتحمل عادي
وفعلا بحثن ولكن بس سعرها غالي
كالت خاله اني ابيع محبس عندي بس جبنها الها
الظاهر ان عبئ ثقيل عليها بس تريد تخلص مني
وفعلا جبتها وياها صمغ خاص ولا مبينه جذب عبالك صدك خليتها بالجها اليمنه
وطلع شكلي يخوف
للعصر كالو الولد راح يجي هو وابو واخوانه ثنين
اني گلبي كام يدك طبل
همزين مشتريه ملابس قبل لتخلص فلوسي
بس شنو من لابستهن ولا عبالك اني
هاي اذا شافني محمد اخوي مستحيل يتعرف عليه
قبل ليعقد گلولي يريد يحاجيج الولد
واني بدت الرجفه بكول جسمي دخل للصاله وهو ابد مرفع عينه وگلي
انتي موافقه ع الشروط الشرطتهن
اني ساكته رجع كرر كلامه كتله بصوت هامس اي ادري
اشو هذا عاط بيه گلي شنو طرمه ماتسمعين جاوبيني وفضيها
گتله مو كتلك ادري بكولشي واني موافقه بس ارجف
أنت تقرأ
يكفيك ضلما يازمن
Mistério / Suspenseالقصه تتحدث عن فتاة جميله جدا يتيمة الام تجبرها الظروف ان تغير شكلها وتصبح كالوحش تتزوج من شخص مغرور واناني يكرهها لكن شاء القدر ان يقع بحبها لكن بعد فوات الاوان
