خسرت طفولتي

البارت 13

سلام عليكم

كريمه

بعد مارحوا اني كمت ابجي وفاطمه تشبكني

وتهدي بيه واندعي انشالله ام ميتم تحجي

وياهم وميخذوني

وجان يجي مهند يفتح الباب وعيونه حمرررر  

مهند . لمن سمعت صديقي اج كلي

كريمه راح تروح لان اجو تبنوها
مادري

شنو حسيت جزء من حياتي راح ينفقد صح

عمري بوكتها 14 مراهق  وهيه 11 بس شعوري

تجاها جان متناقض بين شعور الاخوة والحب

مهند :رحت ركضت لغرفه كريمه

فاطمه :على ساعه انشوف الباب

انفتحت ودخل مهند ومبين من شكله هواي مقهور

لان ادري بيه اشكد يحبهه .

مهند :شفت كريمه كاعدة يم فاطمه وتبجي

عرفت ان الي سمعته صح . كريمه : اني مسحت

دموعي وكمت وكفت كدامه مهند اهي اهي اني

راح اطلع من الميتم وبعد مااشوفكم واجوا

ناس ماعرفهم يكلون احنا امج وابوج بس اني

اعرفهم امي وابويه اذكرهم كلش زين مو هجي ليش يجذبون عليه
😩😩😩😫
.

مهند :نزلت دموعي من وحدهن كريمه اني
اخوج الجبير مراح اخلي احد ياذيج افتهمتي
ومراح اطلعين منايه راح اضلين ويانه واني
لمن اكبر اشتغل اشتري بيت صغير انعيش
بيه سوة اني وانتي وفطوم
مو فاطمه ؟؟

فاطمه :جنت صافنه عليهم ودموعي تجري
اشلون راح افارقها موكافي فارقنا ناس اشو
كلمن انحبه يروح ليش هج حضنا
فاطمه،هااا اي صحيح 😢ان شاء الله 😖😖

مهند :جريت ايد كريمه يلا خلي نروح نحجي ويه عمه نوران

فاطمه اي يلا اجي وياكم

كريمه :يعني تقبل اخاف اضوج مني 😭😭هيه
متحبني اني جنت احبها هيه كرهتها ماما
بابا ليش رحتوا رجعوا اريدكم 😭😭

مهند وفاطمه :😭😭😭كافي حبابه

مهند :طلعنا من الغرفه واشوف

اصدقائي. يلعبون وجانوا يجون  شكو اشبيكم شبيه  كريمه تبجي

مهند :هسه نجي واحجيلكم

لازم ايد كريمه طبيت للمطبخ شفت ام محمد

دتعدل المطبخ

مهند ،وين عمه نوران .ها وليدي يمه شبيهه البنيه تبجي اصاير

كريمه 😭😭😭ماما راح اروح وركضت شبكتها

ام محمد :مسحت دموعي بشيلتي ااخ يمه
هيه هاي اخرتكم بهاي الميتم كلمن يروح

بطريقه الله. ينور طريقج يابتي 😢😖روحوا
صعدوا فوك بغرفتها موجودة

كريمه :انتي هم نفسهم متريديني ماحبكم اكرهكم 😭😭😭

مهند اخذتهه وصعدنا فوك فتحت الباب

نوران :هاي شكو متعرفون تستاذنون ؟!

مهند كامش ايدها وفاطمه وراهم خايفه

مهند :اسف بس اني اجيت علمود كريمه يكلون انو اجوا ناس راح يتبنوهه صحيح 😫

نوران :اي احم احم هذا الواقع لازم
تتفهمون
هذا الشي لتتوقعون انو اني اكرهكم
لا بلعكس
انو معزتكم جبيرة بقلبي الله عوضني بيكم اني
ماعندي جهال اذا تدرون اني الله يجازيني
من وراكم اني سويت هذا البيت الجبير الي ماحب
اسمي الميتم لا ابد هذا بيتكم تعرفتوا على
اصدقاء ولي صاروا اخوة الكم وخوات وام محمد الي
اعبرتوها امكم الحنونه واخلاص الي تجي مرات
اتنضف الي اعتبرتوها الاخت الجبيرة الكم
حباببي لكن كل واحد يجي بهذا البيت العائله
لابد انو يجي يوم ويطلع بس مو شلون مجان
اذا اتبنوكم ناس احنا نعرفهم واثقين منهم
لان انتوا امانه ثكيله بركبتي
علمود اتخلون مكان لغيركم انتو شايفين اشكد
ديجون ايتام ومكان مديستوعب هذا العدد
ارجوكم ساعدوني .كريمه حبيبتي لضنين
انو اني اكرهج لا والله انتي بنتي اكو ام تكره بتها جاوبيني 😩😔💔

كريمه :سمعت حجيهه وابجي وحسيت انو لازم
اضحي من اجل غيري يمكن محتاج لرعايه
اكثر مني اي عمه كلامج صح بس ماكدر اعوفكم اشلون 😭😭

فاطمه :اي هيهي اهي 😭💔مثل منال راحت ومرجعت

نوران :حبيبتي اشكد زوجت بنات من
الميتم
اله اكون متاكدة انو الشخص الي اخذها
حباب وراح يكدر يسعدها والولد الكبار اني اشغلهم
  واساعدهم يبنون حياتهم ويعتمدون على
نفسهم ماكدر ابقي بنات شابات وشباب راح يصير
انحراف ومكدر اسيطر عليكم حاولو تفهموني رجاء

مهند :ماشي اذا على المكان اني مستعد اطلع بس خليها تبقى رجاء

نوران :لا اتعب روحك لان اذا اليوم اذا ما اطلعت
احتمال عكبه 😴اسفه هاي فرصه اجتها وراح
تكمل دراستها مو كلهم يقبلون ترة وهمه ماعدهم جهال
يعني يدللوج ويعوضون حنان الي فقدتيه
كريمه نزلت يمهه ولزمت ايدها الناعمه وباوعت
بعيونها العسليه البريئه مليانه دمع ساعديني ...

كريمه:😖اني ....
.
.
.
.
.
.
(توقعاتكم راح تقبل او لا )
هل راح تكون نهايه احزانها ؟؟؟
 
للكاتبهA_H005