خسرت طفولتي

اول يوم

كريمه
كمت صبح على صوت منبه طفيته واني فرحانه

راح اروح مدرسه رحت غسلت وجهي وفرشت

اسناني واشوف الميتم هوسه البنات وام محمد

يحضرون الريوك ونصهم يغسلون وكفت

على السرة مال المغاسل والابتسامه شاكه 😂😂

حلكي زهراء من البنات الكبار الي ويانا بس

غير غرفه: ها كريمه فرحانه اليوم لان راح تداومين

كريمه .اي هوااايه

الله يوفقج حبي خلي اروح ابدل واكعد التنابل الباقيات غسلت وفرشت ورحت كعدت فاطمه

كريمه فاطمه فاطمه كومي

سحبت البطانيه هي كامت وتثاوب

فاطمه انطيني البطانيه

وطبت عمه نوران اتكعدنا :صباح الخير بناتي كاعدات اشو ؟عفيه بيكم
كريمه.اي كاعدين بس اكوم فطومه

نوران :يلا كوموميهه وروحوا تريكو مو. تتاخرون
لان الخط يجي بلسبعه ونص كريمه وحسنه البنيه الثانيه الي ويانا اي ميخالف

كريمه كووومي انروح للمدرسه

فاطمه اففففففففف كومت راحت
للحمام

فرشت وغسلت وجهي بعدين اخذت ملابسي

ورحت بدلت هي نفسي اخذت ملابسه جنا

حاطيهن معليكيهن على الكنتور قميص ابيض

وصدريه نيليه سادة عاديه خياط و ستريج

ابيض و جنط الي مشتريهن بلجمله حاطيهن

يم الجربايه عليهه صورة سندريلا

وجواريب ابيض واحذيتنا الي

امصفطيهن واحد يم الاخ رغم بساطتهن بس احسهن

فشي غالي كلش جنت فرحانه بيهن وقبل

يوم ابدل وانزع واشوف روحي كدام المرايه

واركض بلميتم علمود اراويهن للبنات وام محمد

واسئلهم شلونهه عليه وهمه يضحكون ويكلون اجننين حبيبيتي شعور
مينوصف
واركض اني والبنات واخيرا اجه هذا اليوم

بدلت ورة باب الكنتور وفاطمه ورة الباب الثانيه

وحسنه محد ميباوع عليها بلغرفه خلصنا

كريمه الللللللللللله كلش حلوه طالعه

فاطمه شكرا انتي احلا طالعه

كريمه اي حسنه همات حلوة
.شكرا بخجل امشي نشوف مهند

فاطمه ( مادري صار بيه لمن كالت مهند اكيد يطلع حلو مثل كل مره )

كريمه الووووو فاطمه وين رحتي

فاطمه هاااااا وياج