خسرت طفولتي

هروب

"هروب من الماضي والذكريات

هروب من الاشخاص والاحداث

وجديد هذه مرحله الهروب

من مستقبل"
.
.
.
.
.
.
.
رحنا للبيت صعدت فوك وقفلت الباب شفت السرير

مالته واني بجيت رحت كعدت على الجربايه

والعمليه كاعده تموتني اجيت زينه دك بلباب

زينه: كريمه كريمه افتحي الباب انتي يرادلج
عنايه مو زين افتحي الباب

كمت اااااخ رحت فتحت الباب ورجعت كعدت على جربايه

زينه: كافي تسوين بروحج هيج

باوعتلها وماحجيت شي ظليت ساكته واباوع

للسرير مالته ودموعي تنزل

ظليت شهر بالفراش وهسه يله تحسنت وطلع

وجهه زينه الاصلي جانت رايدتني اجيب

جود علمود تاخذه وتذبني بالشارع وضحكت

عليه تكول اسباب خاصه والحمدلله كمت امشي

لان لمن سويت عمليه ماااكدر اتحرك و رجعت

مثل قبل كمت صبح الساعه بالتسعه غسلت

ونزلت جوه جان ضرغام موجود جانوا كاعدين يتريكون

كريمه: صباح الخير

زينه: صباح النور

ضرغام: شوو نازله شعجب

كريمه: عجبني انزل وجنت اسحب
الكرسي واكعد كدامه

جان هو يباوعلي ويرفع حاجب واني هم رفعتله حاجب

كريمه: اكوو شي

ضرغام: لا سلامتج

كريمه: اها

زينه: كريمه شبيج صاير شي

كريمه: افففففف شبيكم كلشي ماكو عجبني
انزل اتريك عدكم مانع يعني اكوم اصعد

ضرغام: لا اكعدي اكلي براحتج

كريمه: علساس رئيك يهمني كلت ولا ماكلت
ميهمني وجنت اكوم جانت زينه تحجي بنتره وغرور

زينه: اكعدي اكلي هسه مو زين انخليج تكعدين ويانه

كريمه بعصبيه: ماريد 

وجنت اصعد فوك واضرب الباب حيل

هاي مو عيشه شنو اني اظل اهنا ويا هذا

وجه نحس لا لازم اشرد لازم اشرد مااظل

اهنا مستحيل شنو اني مخبله اظل اهنا علمود

ينعاد سيناريو لا لا اشرد اخابر انعام واشرد

ايي هي راح اساعدني بس بلاول خلي اخابرها