البارت 4
كنان:اخذتلهم العشه بعد مااجهزته فاطمه لكيت مصطفى عيونه حمر الضاهر حاجين اهواي وغالطين علينه اهواي بس هوه كاعد عيونه دم من الحركه
كنان:ها مصطفى اشو مو ع بعضك
مصطفى :خويه طلعوو من العمليات اخوهم اتوفى
كنان :كلي هيج انصدمت بسرعه كعدت حرت شحجي مصيبه وره الثانيه يربي غسان يموت ع اديهم بسبب هالعاهره هاي
اشويه واجه ابنهم ابو حيدر لزمني بحركه كلب طاحلي دك ع وجهي بوكسات كوه خلصني مصطفى من اديه
ابو حيدر :اخويه بعمر الورد راح الله ياخذكم انشاء الله (بدموع حركه كلب)
كنان:خويه هذه قدر ربك اهدئ كولشي ينحل
هشام :لك شينحل شكول لامي شكول لبويه شحجي هسه شبرر الهم احجي
كنان :دنكت راسي كولشي يحجوو حقهم دموعي تهل ع انو موقفي مو موقف اخو لو اني بمكانهم احير شسوي
هشام :شو كلك انته اخوك اعدام ينعدم مثل مامات اخويه اخوك هم يموت وغير هذه الحجي ماعندي اطلعوو بره بسرعه
كنان:مجرد شوفت عيونه وكبرهن وحمر حيل الصارحه هز الخوف بداخلي وتاكدت ذوله اكبر من انو يتنازلون بسهوله كسرت فتنه واخذت مصطفى وطلعنه احنه مدنكين
مصطفى:لك كنان راح اتصل ع سالم اخويه الكبير خلي يجي يشوف شنسوي اني وياك ماندبرهه وحدنه وباجر احتمال تعلك مو باجر يجوز حته بليل يعلكوهه ع راسك انته وختك وانتو لاحول ولاقوه
كنان:خويه خابره خلي يجي
طلعنه ننتضر اخو مصطفى رجال عمره ب39 سنه تقريبا اشويه ربع ساعه اجه حجيناله كولشي
سالم:كنان انطيني رقم اي واحد من اعمامك
كنان:هوه اني وين اعرفهم عمامي حته شوف ماشايفهم بس رقم ابنهم اعرفه لان مره التقيت بي بالصدفه كلي اني ابن عمك اسمي مرتضى بعده اصغير
سالم:هم خوش اتصل ونطينيا
كنان:اتصلت حجه وياه سالم وطلب منه يدزله رقم ابوه صدك اشويه واجه الرقم اتصل عليه كله عيب اولاد اخوكم ومن هالحجي لاتسالون لاتكولون ذاك كام يبرر حته مااعرف شكله بس صوته اسمعه عالي بالتلفون
سالم:ماشي خويه اريدكم باجر يمي هذه واجبكم كدام الناس
سالم:انشاء الله الله وياك خويه
كنان:ها اشكلك
سالم :باجر عمامك يجون حته بيتكم ميندلوو دزلهم العنوان برساله
كنان :ماشي انشوف شصير
رجعت للبيت اتشكرت من مصطفى وسالم وراحوو تلفوني ماسكت ابد اتصل عليه رقم غريب جاوبت طلعت نضال
نضال:كنان:فدوه كولي اشصار وي غسان
كنان:لج حقيرا الج عين وتتصلين بعد الي سويتي بسببج غسان راح ينعدم
نضال:يا صدك لك كنان شنو اشصار
كنان:امشي مايشرفني احجي وياج سديته بوجهه رجعت لكيت فاطمه خطيه نايمه بالصاله مكرفصه روحهه
كنان:فطومه اكعدي كومي الغرفتج
فاطمه :يا كنان لك اشصار ليش بطيت عليه لك مايدك هذه التلفون ايست منه وحته رقمك مابي احجي (عيون مورمه بجي ع غسان سامعين المثل تبجي ع الي يبجيك )
كنان:مات الولد يفاطمه الجماعه عشاير
فاطمه:(صرخت لطمت ع وجهه)يا صدك تحجي يا ولج يومه راح اخويه بيهه اصخام وجهي يربي امانتج ماحافضت عليهه يومه
كنان:اهدئي منا ناس وباجر راح يجون عمامج كلهم الصبح كعديني من وكت اروح اسوكلج افتحي غرفه غسان اخذي فلوس منهه ماعندي ولاربع
فاطمه :لا اخاف منه هاك اكلاتي بيعهه وتسوك امي عافتلي ذهب اخذهه
كنان:لاتتخبلين
فاطمه:اخذهه والصم مو وكتلك
ضليت اللصبح الوب بين افتر وبين عمامي الي مااعرفهم وبين اخويه بالسجن ختنك عندي النفس كمت اشهك الدموع والعبره اختنكت بلعومي لمجرد افكر امو غسان ينعدم
للصبح ب 7 كعدت كنان للعلم ابد ماغمضت عيني خلصتهه كوله صلاه وبجي
اتريك مايشتهي اشلون ماكان اخذ الكلاده ومشه ماتسوه يجوز تطلع ل160 الف
نضفت البيت ورتبت ومعطرات وكذا لل9 اجه كنان اشكال مسوك سويت الاكل وشويت اشكال ورتبت اني كولش شاطره بالطبخ امي علمتني الله يرحمهه رحت بدلت وسبحت طالعه لافه شعري بخاولي مبلل اريد اصعد ابدل مااحس الباب يريد ينشلع ودفرات حيل ع الباب ركضت فتحت الباب صار بوجهي ولد عيونه خضر حيل اشقر اشويه وعصبي وعيونه حمر وياه 3 زلم واكفين
فاطمه:منو انتوو
هشام:شوفي اريد اخوج هسه صيحيلي كنان التحفه كولكم نكسين
فاطمه:بالاول لاتتجاوز ثانيا اخويه ماهوه طالع
هشام :لج الج عين وترجعيلي الكلمه ولج دفنت اخويه وجيت بسبب اخوج العار
فاطمه:هذه قدر ربك لاتصيح تره بس اني هنا يجون عمامي وتعالوو الي تسوو سوو
هشام:لج اذا مااربيج ع ايدي اطلع سا....
فاطمه:نرفزني السانه زفر سديت الباب وبوجهه نص الباب دفعه ودخل لزمني من ركبتي حيل طاح الخاولي من شعري
هشام*مو مره الي تسد الباب بوجهي فهمتي اتكميلن كلامج وتسدي لو ماتعرفين الاصول اريد ابوج هسه نكثت ايدي منهه عطرهه يسطر حيل
فاطمه سحبت الخاولي حطيته ع راسي
ابويه ماهوه
هشام:لاتخليني اتجاوز كول الحدود طبي صيحي
فاطمه:روح للنجف للمكبره تلكاه وحاجي عود بالي تريده ونزلت دمعتي وي هالكلامه
هشام:ماادري ليش صفنت عليهه عيونهه يحجن الصدك عبالي اتكذب بالبدايه تركتهه وطلعت لان ابو حيدر يصيح يله مايصير تدخل ع حرمه وحدهه بالبيت طلعت رحت لبيت باسم الله يرحمه اتصلنه ع ابويه الشيخ وحجيناله اتخبل مامصدك انو ابنهم اندفن بدون علمهم ولاشافو ولاشموو اتخبل عليه وره ربع ساعه اتصلت اختي الصغيره كالت ابويه بالمستشفى صعد سكره اتخبلت كتلهم راجع اني هم اجيب عمامي واشوفهم شكولون وهم اشوف ابويه
*********💗💗
شرايكم بالاحداث استمر لولا اول لقاء بين هشام وفاطمه حينساه اولا😍😘
