البارت 11
فاطمه؛كمت فتحت الثلاجه مالتهم شفت اشكال الوان الي مااتخيلته موجوده طلعت لحم سويت لحم بعجين دااعجن اجتي يمي المره السعلوه مااعرف اسمهه لهسه وكفت يمي انتجت ع الكاونتر للعلم بيتهم كولش فخم يعني كوله منسقين ابيض اسود السيراميك والكاونتر مرتب حيل
ام حيدر؛شوفي ولج اسمعي اقل زله منج تنبسطين
فاطمه:اي خاله صار
ام حيدر :شنو خاله هازه كاروكج انه اشو ماتستحين
فاطمه؛لعد يكولج
ام حيدر :اسمي مياده بس ام حيدر اتصيحلي (بتكبر )
فاطمه:صار ام حيدر
ام حيدر:اي عفيه بس ماكتلي اشدسوين هسه انتي
فاطمه:اسوي لحم بعجين امي علمتني اشلون اسويهه
ام حيدر : اي باله انشوف ست الحسن امج اشعلمتح بعد بالايام الجايه
فاطمه:ضجت حيل من جابت سيره امي اوف يربي لازم اتحمل بجاهك الهي اريد الصبر
واكفه بالمطبخ بصايتي وشالي استحي انزعهم وهاي تتامر فوك راسي سويت العشه وكملت انطيته حطيت الطرشي كتشب الخضره وهالسوالف ورجعت للمخزن خفت اكل شي رغم ميته جوع خاف السعلوه صدك تضربني
المخزن بي ضوه اصفر اصغيرون اكو ميز خشب قديم مال تفزيون بي خانات كمت مسحته بوصله ورتبت غراضي عليه كعدت اشويه واجت السعلوه انطتني قطعه وحده من العشه الي سويته ذبت عليه فراش اسفنج من كد مامسحوك مشتعل اصفيحته وبطانه وسدت الباب وصتني مااطلع كمت فرشته وتغطيت ونمت بلا مخده كعدت بال2 اريد اجدد كولشي مااندل بيتهم بس من اجيت شفت مغاسل خارجيات احتمال يطلعون بره يغسلون فتحت الباب البيت وطلعت بعدني ماخاطيه عتبت الباب لزمني واحد من ضهري جمدت بمكاني
هشام:وين موليه ومنو انتي
فاطمه:بدون ماادور وجهي اله صوتي يرجف من الخوفه رايحه اتجدد وارجع
هشام:ههههاي 1ضحكتيني تتجددين بره البيت لو تشردين تردين
فاطمه:لا والله والله العضيم موهيج قصدي لاتضلمني فدوه
هشام:انتي الفصليه ماغيرج مو (عرفتهه من صوتهه )
فاطمه:اي (بهدوء)
هشام:لعد امشي طبي كدامي بسرعه بعد مالج طلعه باب البيت لو دره ابو حيدر يسلخ جلدج سمعتي
فاطمه:ع الاقل بس اتجدد
هشام:جوه اكو مغاسل يله كدامي (بصياح)
فاطمه:طبيت وراه ابد مارفعت راسي ولا شفت وجه الي يحجي ويايه منو ابد ضليت مدنه وارجف من الخوفه وصلني للمغاسل قفل باب البيت الخارجي بعد ماطبب جنطه وياه وفات للطابق الفوك
اني رحت اتجددت ورجعت المكاني صليت ع خبزه ماكو تربه بعدهه نمت بس جذب مانيمه اغمض عيوني حيل اريد اعرف هذه منو هيج حجه ويايه
هشام:يوم الخميس بليل الساعه 7 شفت نفسي مختنك محتاج امي وابويه قررت ارجع بليل لميت ملابسي ورجعت الطريق كلياته مشغل اغنيه اه منك اه بعد ماصوتك فكدته ونكطع حبل الوصل لابعد تشتاك الي ولابعد اشتاك الك ......)وصلت باب البيت بعدني هستوني نزلت اشوف مره فتحت الباب وطلعت عرفوهه هيه الفصليه نفسهه لان نسوانه مايطلعن خارج البيت هيج واتصل عليه اليوم اخويه ابو حيدر كلي جبت الفصليه بس الي استغربته هاي ماشالت راسهه ابد المهم ميهمني ماسمعتهه كلمه موزينه مالهه ذنب الذنب باخوهه بس هسه تطلع انكس منه صعدت كبل المجتمل مالتي فوك بدلت وكملت نزلت لجوه مااعرف ليش هالفضول يخليني ادور وين نايمه هالفصليه بس شفت ضوه المخزن مشتغل عرفت هيه نامت هناك لكيت مسوين اكله غريبه اكلتهه اتخبل اشعجب ام حيدر الماتهد الربع هيج اطبخ هههه صعدت الغرفتي غفيت
فاطمه:ماانمت ابد ضليت اتكلب اذكرت المبايل الي نطنيا قيس طلعته لكيته دازلي رسائل
ها فاطمه وصلتوو
فاطمه اذا ياذوج اتصلي عليه اجيج وربي
فاطمه :ييمته مايصير مجال اتصلي عليه تلفونج بي رصيد خليت
فاطمه:اتصلت عليه بس مااحجي ابد
قيس :فاطمه ماصدك اتصلتي كلبي يمج اشصار
فاطمه:ماصار شي
قيس :ولج سكرت من وراج دريتي
فاطمه:مامجبور عشرتنه بس يومين لاتمثل العاشق الولهان
قيس :الصمي اني احبج وراح اتوسل الهم حته يرجعوج اليه
فاطمه:راضيه بقدري لاتسوي شي
قيس :مو بكيفج
فاطمه:المهم بالك ع كنان باي
قيس:بالج ع نفسج يروحي (خايب دسكت بعت روحك بسرعه😂)
فاطمه:انشاء الله
مع السلامه
سديته منه كمت صليت صلاه الصبح ورجعت نمت لان مانمت بليل وطريق فتعبت حيل كل مره اكعد ب7 هالمره ماكعدت اسمع الباب انفتح ودفره اجتي بطني متت بين عيوني مغمضه وبين وجع من الضربه اباوع الكاهه السعلوه
ام حيدر:طكيتج حته اتاكد عبالي ميته ماتكومين ب7 ونص يست الحسن والجمال
فاطمه:بس مو هيج اضربيني كعديني واني اكوم وحدي ماكو داعي التصرفج هذه
ام حيدر:ههه لا باله تعال ابو حيدر وينك اسمع ست الحسن شدكول عيني
ابو حيدر:اشبيج ام حيدر من الصبح وي البت اصبري تره بعدهه ماتعرف طبعنه علميهه
ام حيدر :هلا هلا ليكون حاك خشمك تريدهه الك شفتهه حلوه وزغيرونه موو عيني (بصياح )
هشام:نايم واسمع ام فليس اتصيح واني تعبان حيل(ماشاء الله كل واحد مطلعلهه اسم خاص 😂)
نزلت اشوف ابو حيدر وام فليس باب المخزن واكفين رحت يمهم
هشام:صوتج مياده تره ماعدنه سوك هرج سمعتي
ام حيدر:صار خويه بس ماسمعت شدكول هاي اشرت عليهه شفتهه الفصليه سبحان السواهه العيون عسلي الشعر اسود طويل حيل جسمهه يخبل صفنت معقوله كل هالجمال اهلهه هيج فرطو بيهه مبينه اصغيره ذيج المره مانتبهت عليهه لان كنت عصبي حيل بس شفتهه تتلهوج من بطنهه
هشام:اشبيج انتي شيوجعج
فاطمه:بطني 😢😢طكتني عليهه
هشام:ام حيدر اامريهه صيحي عليهه بس ماكو حرمه تنضرب بيتي سمعتي حتلو كاتيلن اخويه بس الله فوكج خلي مو هيه الي كتلته اخوهه فعامليهه بالي تردينه بس بدون ضرب
ام حيدر:صار خويه
هشام:ام حيدر تسمع كلامي حيل اتخاف مني وتحترمني اهواي لان صح ابو حيدر هوه الكبير كان باسم مبتعد عنه الله يرحمه بس اني الي مسيطر ع كولشي بالبيت فيحسبولي احساب
مشوو عافوهه دخلت يمهه للمخزن اتلفت اشوفهه مصفطه غراضهه وهيه لهسه ع وكفتهه ووتلوه من بطنهه
اتقربت يمهه دنكت راسي اني اطول منهه اباوع بعيونهه
هشام: طلقه 🙄
فاطمه:يجوز اهون الطلقه ع هالسعلوه البلوه
هشام:ههههههه خرب طلعت مو هينه ومطلعتلهه اسم هم
فاطمه:شتسميهه هاي ملاك نازل من السمى
هشام:عدلت نفسي كتلهه عيب اكبر منج لاطلعيلهه هيج االاقاب احجي بس حاصرتني الضحكه مو بيدي 😂
فاطمهة:ركزت بوجهه هذه الولد نفسه الي خنكني ابو عيون الخضر بس احسه يستهزء بيه لبست حجابي طلع من المخزن كش خفه وراحه اشكد كرهته لان خله ركبتي زركه من الخنكه بره منكم وحوش
بارت لعيونكم وجبه دسمه وره العشى 😂😂
اشرايكم باول لقاء بينهم اكيد حلوو 😉😉
تابعوني بليل حنزل بارتين 😍😘😍😘
