مين عم المصيف ده).
ثم نظرت للأمام لأندب علي حالي وعلي فراقي للملاك.
اخذ غريب الاطوار الذي يجلس بجواري يكلم نفسه ثم يسجل في كشكوله فاستغربت ماذا يفعل هذا الشخص وبعد فتره بدأ يبتسم ثم يحزن ويسجل فتعجبت ونظرت اليه بشده.
ودار محادثه بيننا بدأها هو.
متستغربش مني.
عاوز اعرف بس بتعمل ايه.
انا بكتب شعر.
بجد.
تحب تسمع.
ياريت .
بس كل قصيده من دول ليها حكايه .
ازاي
ياعني مثلا دي:
تعجب الناس من هذه الحاله
ايعقل ان يعشق ليث غزاله.
فصرح بعشقه في عجاله.
قالت سيغدر بي لامحاله.
سأهرب بعيد عن مناله.
هاجمها الضباع والحثاله.
تستنجد بقومها اين الزماله.
فأنقذها فشعرت بالملامه.
هجرتك فنجيتني بلاإماله.
أيلام الحبيب علي أفعاله.
فأجبته
مالها دي.
دي بتحكي قصه واحده كنت بحبها اول ما اتعرفت عليها كانت خايفه مني وبتتهرب وقالت تبعد بس كان غرضي شريف كنت عاوز اتجوزها بجد بس هيا عشان متربيه ماتعرفش غير الصح بعد كده صحبتها طلعوا عليها كلام وحش عشان كانت احلي وحده فيهم وبيجلها عرسان كتير ففي ناس صدقت بس انا كنت متأكد انه كدب فخطبتها فوافقت وقدرت اني مصدقتش وانا اسعد انسان دلوقت .
ربنا يباركلك هي دي بس.
لا في قصايد كتير مثلا دي.مأم
الأسم ملك وهي أميره.
تشعر النساء منها بالغيره.
زهره طبيعيه لا عيره.
تنظر إليها تشعر الحيره.
حاله عشقي منها عسيره.
حلوه دى.
اه بس دي كتبتها لخطبتي هي اصلا اسمها ملك ودلعها اميره .
لا بجد جميله في تاني .
الكشكول مليان ومعايا علي الموبيل .
ربنا معاك ياكبير وعاوز الحاجات دي .
شكرا ياباشا هبعتهملك من عنيا .
معلش الموبيل فاصل شحن عندك صفحه علي الفيس.
ايوه اسمك ايه علي الفيس .
Hossam moh22 .
تمام كده بعتلك أد الاسم كريم سيف الدين.
شكرا ياكبير.
واخذت انظر الي الملاك وانا اتذكر قصيده قد رائيتها علي تطبيق (wattpad) وتقول:
_ جنه من الله اهداها للحياه.
_ كل من يراه يعشق لقاه .
_ ولكن في قلبي انا مرساه.
_ فهي سفينه حبي ومجراه.
واخذ قلبي يرددها وأنا التفت الي الشاعر الذي يستمتع بالكتابه في محبوبته التي يراها هي اجمل مخلوق في الكون
وهنا بدأت المحادثه بين شبيه اساحبي وحامل العود وبدأ بالسؤال اساحبي:
انت بتعزف عود.
اه بتعلم في القاهره.
اتعلمت كتير .
لا لسه في البدايه .
طب ممكن اشوفه ماتخفش.
اتفضل بس خلي بالك من الاوتار.
ماتقلقش.
وعزف نغمه انت عمري لام كلثوم تعجب منها الجميع .
ونظر الشاب حامل العود له.
دا انت طلعت مايسترو .
طبعا قلت دا فلاح هيبوظه.
هههههههه الصراحه اه.
لا انا اتعلمت زمان في المدرسه ايام ماكان في حاجه اسمها حصه موسيقي.
بجد بسم الله ماشاء الله دا انت تعلمني بقي.
من عنيا .
والله بصرف كتير عشان اتعلم .
ربنا معاك انشاء الله انت مختار اله محترمه .
وهنا كنت استرق النظرات الي ملاك الدنيا وهي تهمس في اذن اختها الصغيره حتي لايشعر بيهم احد ولكن لايعلموا انا هناك شخص يسجل في ذهنه كل الحركات ويراقبهم بصمت
ولولا ان جلست السيده التي تحمل المصحف بجوارهم لكنت انا بجوارهم الان ولكن هي مشيئه الله .
فسمعت هذه السيده توجه الخطاب الي الملاك تداعبها بابتسامه يظهر عليها التعب .
انتي عامله ايه.
الحمد لله ياطنط.
انتي من دسوق.
اه جنب مجلس المدينه.
انتي اسمك ايه .
فيروز ودي اختي فريده.
بسم الله ماشاء الله اسمين جمال جدا .
شكرا ياطنط.
انا اسمي امل مدرسه لغه عربيه.
اهلا بيك ياطنط؟
انتوا بتعملوا ايه في مصر كده لوحدكو.
كنا عند خالتو وحضرتك .
لا انا كنت بكشف.
الف سلامه عليكي خير انشاء الله.
اه الحمد لله انا عندى cancer.
ربنا يشفيكي انشاء الله .
انا عارفه اني مش هخف بس المشكله الوحيده اني عندي بنت وولد مريم واحمد توأم لسه 5 سنيين لو مت مافيش حد هياخد باله منهم باباهم ميت من سنتيين في حادثه وانا مافيش غير مامتي وهيا كبيره في السن .
ربنا يديكي طولت العمر انشاء الله وتفرحي بيهم كمان.
انا نفسي اشوفه يكبروا بس ويقدروا يخلوا بلهم من نفسهم بس دا قدر ربنا وانا مؤمنه والحمد لله.
ربنا يذيدك ايمان وانشاء الله تشوفيهم بيكبروا .
انتي كليه ايه .
لا انا خلصت السنه دي كنت فنون جميله.
وهنا قد شد انتباهي كلام السيده حامله المصحف وهي تسرد قصتها وعيونها يشوبهم قطرات الماء ولكنها تتداعي التماسك او الله اعطاها القوه من أجل أولادها فتذكرت قول الشيخ الشعراوي رضي الله عنه
(لا يقلق من له أب فكيف يقلق من كان له رب).وأيضا
(خذ الاشياء التي تؤلمك علي انها هديا من الله تذكر ان الله يحبك لهذا يبتليك ،ليطهرك من ذنوبك،ليقربك منه،فقل:الحمد لله.).
رحمه الله عليه .
