حياتي

الجزء 4

🏵🏵 #حياتي 🏵🏵

✒بقلم:#خديجة_تاج

#الصفحة_السابعة.......

كنت عاايشاا في هدوووء تاااام،حتى النهااار اللي كلشي تبدل في حياااتي،كنت في الخدمة ككل يوم حتى كاانفييق وكالقى رااسي في بييت مربووطة ،كيفااش وصلت وعلااش اناا هناا ...شكوون جااابني وااش اناا مخطوفة ولااااشنوو مااعرفتش حتى انني مااسولتش راااسي حييت فقط الشعوور بالخوف اللي كاان متملكني لدرجة كبييرة خلاني نبلل ملابسي بدوون شعوور كنت غير كاانسمع في دقاات قلبي المتساااارعة، حااولت نتحرك نفك يدي ولكن كنت مربووطة بإحكاام وحتى الجهد ماكانش عندي حتى هزييت الراية البيضاا بقيييت مدة سااعة واناا في مكااني المبلل غير كاانردد القرآن حتى سمعت البااااب كااايتحل،هنااا حسيييت بقلبي خرج من بلاصتو ورجع تخلعت بزاااف ماعرفت مااندير وااش نغوت ..نبكي ..نطلبهم ..نضربهم ...نقتلهم كااااع...كنت حاايرة وخااايفة خصووصاا واناا ماعارفاا لا من راسي ولا من رجلياااا ،مالقييت مااندير وانا نمثل باللي رااني نااعسة حااولت نتحكم في خوفي بااش مايحسووش بيااااا مااكانتش خطة مني للهرب او حتى لفهم مافي الامر ولا نعرف اش بغااو مني ولاا شنوو غايدييرو فياااا لااا انا كنت خااايفة بزااااف ..خايفة من المواااجهة ...خايفة من مصييري...خاايفة منهم ومن قسوتهم...

#الصفحة_الثامنة....

غمضت عييني واناا صدري كاايطلع وينزل بسرعة ،كانت باينااا للعمى انني فاايقة ولكن حتى وااحد ماقرب ليااا..حتى وااحد ماضربني ولا آذاااني ،ماااسمعت واااالو ولااا قدرت نفهم شنوو بغاااو مني وعلاااش اصلاا جااو لعندي إلى كاانو مااغايدييرو واالو،مااقدرتش نحل عييني نعرف اش كاااين خوفي تغلب علياااا خفت نشووف شي حاجة تصدمتي ولاا دمرني..خفت يكوونو كايختاابروني، خفت يكوونوا وااقفيين حداااايااا وكايتسنااوني نحل عييني،ماعرفتش بزااف السيناريوهاات طاااحت في باالي واناا ماكنت قاادااا على حتى وحدة فييهم،بغيتو تقولو ضعييفة قولوهااا....بغييتو تقولو خواافة قولوهااا ولكن قبل اجيو لبلااصتي ...اجيو حسوا باااش كاانحس فهااد اللحظة بالضبط واناا بعييدة على وااليديااا اللي ماعرفت باااش تلاات بييهم الاياام،ملي تجربواا إحسااسي من حقكم ديك اللحظة تنتااقدووني .

فضلت نبقى جاامدة في بلاااصتي بلااا ماانقرر نحاول حتى نقلب على شي طرييق اللي تقدر تخرجني من هااد المكااان ،باختصاااار ماقدرتش نواااجه #قدري ونبحث عن #التغيير،كنت بكل بسااطة #مستسلمة_كلياا_لمصيري_المجهول...

من بعد لحظاات كاانوا كالسنيين بالنسبة ليااا سمعت لباااب تحل حلييت عيينييي بسرعة البرق وانا في حيرة من امري ،شفت مزيااان في الغرفة مااكاان حتى شي تغيير يلاحظ ،ضمييت يدي لصدري ماافهمت واالو وخفت بزاااف مالقييت ماندير من غير نطلق العناان لدموعي.....