كعدت الصبح وجان البيت كلش هادي
دورت على امي مكانت موجودة بالبيت سمعت صوت بيبيتي بالمطبخ رحت حته اشوفها وتريك..
حجيت " صباح الخير بيبي "
" صباح النور سارة اسويلج ريوك "
" اي " رديت و صفنة الصبح بعدهة بوجهي
صبت الريوك الي وجابتة خلتة گبالي
سألتهة " اشو ماكو احد بالبيت "
" امج راحت تقدم على وضيفة و هم تشوف شگد تجيب القطعة لان تريد تبيعهة و مهند اخذ غسان حتى يشغلة وياه و هناء شفتهة ماخذة بتهة فرح و طالعة سألتهة بس ما ردت علي ولد اخوج احمد و محمد طلعو راحو للمدرسة "
سكتنا و اني ادري اكو شي مضوجهة
ورة شوي رجعت هناء جانت رايحة للسوك راحت بيبيتي تتلگاهة بشيل الغراض
بيبيتي مرة كلش كبيرة عمرة 75
ف راحت تشيل الغراض وياهة و ودنهة للمطبخ وراهة بشوي سمعت صوت صياح هناء
" انتي شبيج كلشي ما تعرفين والله تعبتيني "
حجت بيبيتي " ليش جا هو اني شسويت جا غير جاي اساعدج "
" شتساعديني شو دروحي "
و جان اكو گدر بيد بيبيتي هناء جرتة بنتر
بيبيتي مرة كبيرة بالعمر ف انهضمت من هاذ الموقف و راحت للغرفة و گعدت تبجي
انا ما تحملت فقررت اول ما تجي امي اكلهة على الي سمعتة البارحة و على الي صار اليوم بس ورة شوي صاحتني بيبيتي
" لا تگولين على الي صار اليوم و تكسرين فرحة امج بستقرارهة وية اخوج و اني ترى ما ضايجة هاي المشاكل تصير بكل بيت "
گلت 'خوش' و انا بعدني ضايجة من الموقف و طلعت العب وية كتاكيتي
رجعت امي ب12 الضهر و هية فرحانة لان لگت وضيفة و راح تبلش من الاسبوع الجاي
شافت امي الوجوه مگلوبة و من صبو غدة هناء ما گعدت ويانة ف سألتني اكو شي جاوبتهة ب لا
عدت ايام و شتغلت امي و غسان هم بس مهند كان ياخذ يومية غسان و ما ينطيهيا بحجة المصرف هواي و الفلوس ما جاي تكفي
و مرت الاشهر و امي باعت قطعة الارض بسعر كلش زين و قررت تنطي منهن لمهند حتى يوسع البيت و يرممة
گعدنة ثاني يوم و ليگينة مبلغ كبير مفقود من الفلوس
من سألتهم امي نكرو ف ما رادت امي تسوي مشاكل بس يوم بعد يوم المشاكل تزيد و البيت صار مايطاق بين مشاكل هناء و غسان الي ما عندة ربع دينار بسبب مهند الي جان ياخذ يوميتةو ما ينطي اي شي بحجة مصرف البيت بالأضافة لمهند الي كام يبيع بغراضنة بحجة البيت ما يكفي
لحد ما طفح بينة الكيل و ما نگدر نتحمل هذا الوضع اكثر ف قررنة نأجر بيت نگعد لحد ما تستقر الاوضاع بديالى و نبيع البيت هناك
و الحمدلله تحسنت الاوضاع بديالى و كدرنة نبيع البيت هناك و نشتري شقة بحي سكني زين و نسكن و نستقر
و اخيرا بعد معاناة 6اشهر كدرنة نستقر بس ما جنهن 6اشهر جنهن10 سنوات صارن على عمري
و رغم كل الي صار ماكرهت بيت اخوية صح اضوج من مرتة بس ما اكرهة و حتى من تحجي امي عليه ادافع عليه كدامهة
مرت سنة و بهاي السنة ادهورة صحت بيبيتي كلش و صار عدهة عجز بالقلب و بيوم نايمين فزيت على صريخ امي و صياحهة تحجي و تگول
" گعدو بيبيتكم ماتت......
أنت تقرأ
صفحات كتاب عمري
Romansaحين اركل كل الاشياء في طريقي كمراهقة متمردة على وصايا والدتها فأنا في حالة حنين حين تؤلمني الاشياء التافهة و اتحسس من كل الملاحظات فانا في حالة حنين حين ابحث عن صديق اتشاجر معه و اختلق الاسباب للشجار فأنا في حالة حنين حين اعبث على الاوراق بالرصاص...
