( مهاب دخل واتوجع اوي لما شاف العريس بيلبس سما الدبلة )
( الكل مصدوم هو ايه اللي جايبة طبعا معادا اهل العريس محدش يعرفة بيحسبو مجرد حد معزوم)
منة لحظت ان الكل بيبص ناحيت الباب حتي سما بتبص وفي عنيها حزن ودموع يملاء الكون
سليم بييهمس سمية : ايه اللي جاب دا هنا انا هروح اطردو
سمية بهمس :متفضحناش يا سليم استني شوفو جاي ليه
منة جريت علي مهاب : مهاب حبيبي انت ايه اللي جابك ميصحش كدا انت اعقل من كدا
مهاب في دنيا تانية عنية مش قادرة تنزل من علي سما : ،،،،،،
منة بحزن : مهاب ارجوك يالا نمشي يالا لو بتحبها متعملهاش شوشرة
جت سمية :مهاب مينفعش كدا والنظرات دي اهل العريس والعريس هياخدو بالهم
منة بتحاول تضحك : لا دا هو كان مستيني تحت عشان يوصلني ولما لقاني اتاخرت طلع ينادي عليه مش اكتر يالا يا هوبا عشان منتاخرش
مهاب بحزن : طنط ممكن اطلب طلب من حضرتك
سمية : اتفضل يا بني طبعا
مهاب : ممكن اسلم علي سما واباركلها
سمية بحزن : بس لو العريس سال مين انت هنقولة ايه
مهاب برجاء : قدميني زي ما حضرتك تحبي بس المهم اسلم عليها
سمية باستسلام : ماشي يا بني تعالي معايا
اخدت سمية مهاب وراحت علي سما وخطيبها تحت زهول سليم ومريم اللي مندهشين من اللي بيحصل
(سما في قمة الاندهاش من قرب مهاب عليهم 
:)
سمية بتوتر : تعالي يا بني سلم علي اختك و خطيبها
مهاب سلم علي سما ومش عايز يسيب ايديها واكنها المسه الاخيرة : الف مبروك يا سما
مهاب وراح علي العريس يسال علية :الف مبروك يا عريس ( وفي بالة : يا بختك فزت بيها انا اللي حلمت بس انت اللي حققت )
عادل العريس : بس قوليلي يا طنط اخوها ازاي
سمية بتوتر : اه اااه زي اخوها متربين مع بعض من صغرهم
عادل : اه اهلا بحضرتك
( سما خلاص قربت تفطس من كتر الخنقة ودموعها اللي مسكها بلعافية وعلي وشك الانفجار )
(في بيت الحديدي )
صوت صويت مالي الفيلا الحقوني الحقوني مش قادرة مش قادرة
جريت الفت علي صوت الصويت
نصر : في ايه ايه صوت الصويت دا
الفت : دي سهيلة شكلنا رجعنا تاني للجنان
(طلعت الفت علي غرفته سهيلة )
الفت :في ايه مالك
سهيلة بوجع :شكلي بولد بولد
الفت بستغراب : بتولدي ازاي انتي يادوبك لسة بدا السابع
سهيلة بوجع وعصبية : انا عارفة انا تعبانة
الفت ونصر : طيب يالا نوديكي المستشفي
(في سيارة مهاب بيسوق بي منتهي السرعة والغيظ )
منة :ممكن تسوق براحة وتهدي انا نفسي اعرف ايه اللي جابك
مهاب بخزن :كان لازم اجي واشوفها في اليوم اللي كنت بتمني انا
منة : بس انت كدا بتوجع نفسك حرام عليك كفاية مش انت اللي اختارت ليه دلوقتي بتعمل كدا ها
مهاب بحزن و دموع : عملت كدا وانتو عارفين انه غصب عني انا لو عليا عمري ما يبقي في حياتي غير سما وبس
منة بزعل علي اخوها : ايه دا يا مهاب اول مرة اشوفك بلحالة دي بتعيط عشان سما
مهاب بصوت مخنوق : اصلك متعرفيش سما دي بنسبالي ايه
منة بحب : ان شاء الله ربنا هيجمعكم اكيد الحب دا مش هيضيع كدا
(في المستشفي )
نصر : ايه يا دكتور خير
الدكتور : حالة ولادة مبكرة لازم تولد حالا لان وضع الجنين مش مظبوط
الفت بحزن : يعني ممكن يجرالو حاجة
الدكتور : باذن الله خير هو هيدخل الحضانة اول ما يتولد وباذن الله خير
الفت بخوف : يارب خلي واحمي يارب دا كل اللي بيحصل دا عشانه
( في فيلا الحديدي )
(منة ومهاب دخلو الفيلا مش لاقين حد خالص )
مهاب سال احد الخدامين : ومال فين بابا وماما
احد الخدامين :ست سهيلة تعبت وودوها المستشفي
مهاب : تعبت تاني مش هنخلص
احد الخدامين : لا لا يا سعادت البية دي شكلها بتولد
منة بستغراب : بتولد ازاي دي لسة في السابع
مهاب وغمض عينة وفي بالة :ياااااه يعني خلاص هتجوز سهيلة وهتبقي هيا مراتي ليه كدا بس ليه ياااااارب ايه اللي بيحصل دا
(اتصلت منة بي الفت وعرفت منها هما في مستشفي ايه )
( في بيت سما خلصت قريت الفاتحة والكل مشي )
والعريس بس اللي موجود وقاعد مع سما
عادل : انا مبسوط جدا انك بقيتي خطيبتي
سما بسرحان : ،،،،،،،
عادل : سما سما ايه سرحانة في ايه اتمني في يوم انك تبقي سرحانة فيا كدا
سما : ها كنت بتقول حاجة اسفة سرحت
عادل بابتسامة : بقولك اتمني في يوم تسرحي فيا كدا
سما في بالها : انا عمر ما حد هيشغل بالي ولا تفكيري غير مهاب وبس وبعدها استغفر ربنا لانها حست انها خيانة لخطيبها ) ثم ابتسمت : احم ان شاء الله
عادل : عايزين نعرف بعض اكتر نتعارف اكتر عايز اعرف يعني ارتبطي قبل كدا حبيتي قبل كدا انا طبعا الماضي بتاعك ميخصنيش في حاجة بس انا حابب اعرف مش اكتر
سمابتوتر : احم اها كنا مخطوبة مرة ومحصلش نصيب بس مش اكتر
( في المستشفي الكل اتجمع قصاد غرفة العمليات )
الدكتور خرج الكل جري عليه
الفت بلهفة : ها يا دكتور البيبي كويس
الدكتور بابتسامة : كويس جدا بس هيدخل الحضانة يومين تلاتة وهيبقي زي الفل بس ايه مش تطمنو علي الام وانت مش تطمن علي مراتك ولا اهم حاجة ابنك
مهاب بستغراب : ها انا اه اه معلش اصل الخضة وانه نازل بدري كان قلقانة عليه بس
الدكتور بضحك : الحمدلله هما الاتنين زي الفل والولد زي القمر ربنا يخليلكم
الفت في بالها بحزن : يا ريتك كنت معانا دلوقتي يا شريف
(دخلة كلهم يطمنو علي سهيلة )
مهاب : حمدلله ع السلامة
سهيلة بتعب : الله يسلمك الولد اكيد شبهي صح
الفت بغيظ : لا انا روحت شوفتو في الحضانة النسخة التانية من شريف وهو صغير
سهيلة : لا انا متاكدة انه هيبقي شبهي انا
لسة الفت هتتكلم راح اتكلم مهاب عشان يفك الاشتباك دا
مهاب : يا جماعة يا جماعة هو لسة بانلو ملامح مهو كله قد كفتة ايدي
نصر بيضحك : هو يا بني لازم يحصل الحوارات دي سيبك منهم المهم هتسمو ايه
الفت : هنسمي زين عشان هيبقي زين زي ابو
( بعد شهر من ولادتة سهيلة والبيبي طلع من الحضانة وبقي زي الفل )
( في بيت سما )
(سليم علي طاولة الفطار هو والفت )
سليم وهو بياكل :عادل كلامني امبارح وقالي خلاص الامتحانات علي الابواب ونحضر نفسنا عشان بعد الامتخانات علي طول الجواز
سمية :مش كان قايل ان مش هيستعجل لية الاستعجال دا
سليم :احنا قولنا بعد الامتحانات خلص الكلام
خارجة سما من الوضة سمعت كلام امها وابوها فعيطت وخرجت
سمية : تعالي يا بنتي افطري
سما يدموع : لا يا ماما انا متاخرة علي الجامعة سلام
(وهيا نازلة ماشية في الشارع بتعيط والشارع فاضي مفيهوش غير عربيات )
لقت واحدة بتنادي عليها انسة انسة
بصت عليها سما واول ما بصت راحت رشة في وشها مخدر واخدتها هيا واتنين في عربية
أنت تقرأ
وفراقتنا الايام للكاتبه ميمو مصطفى
Roman d'amourجميع حقوق الملكية تخص الكاتبه ميمو مصطفى صفحه الفيس بوك باسم : ميمو مصطفي_Memo Mostafa
