وفراقتنا الايام للكاتبه ميمو مصطفى

الحلقة 22

الفت بتهمس لمهاب : لا انت تاخدها لي دكتور حالا وتجيب منه اقرار بانها مريضة نفسيا عشان لو عملت اي نصيبة نعرف نلاحقها بي
مهاب : عندك حق يا ماما انا هخدها يالا يا سهيلة
سهيلة بدموع : لا انا مش مجنونة والله يا مهاب
مهاب بحنان : سهيلة مش معني انك هتروحي لدكتور نفساني انك مجنونة دي بتبقي حاله نفسيا اللي انتي مريتي بيه دا مش قليل طبعا
سهيلة باستسلام : هروح عشان بس اثبتلكم اني طبيعية
( في بيت سما )
سليم : ها يا حبيبتي جاهزة لمقابلة بعض بكرة
سما بحزن : ايوا يا بابا
سليم : هو باذن الله هيجي هو واهله ولو حصل اتفاق هيلبسك الدبل علي طول
سما : اللي انت شايفة يا بابا
سليم : ربنا يكملك بعقلك يارب
( عند الدكتور النفساني )
الدكتور : احكيلي بقي بتحسي بي ايه بتشوفي ايه
سهيلة : بشوفو هو هو والله هو
الدكتور : هو مين يا مدام سهيلة
سهيلة : شريف جوزي
الدكتور : وهو اصلا فين جوزك
سهيلة : هو مات يا دكتور بس انا بشوفة والله بشوفة
(بص الدكتور لمهاب علي اساس ان حالتها صعبة )
الدكتور : طيب ازاي ميت وازاي انتي بتشوفي
سهيلة : بشوفو والله بشوفو انتو بتحسبوني مجنونة صح
الدكتور : لا لا خالص يا مدام سهيلة
(بعد الجلسة قاعد مهاب مع الدكتور )
مهاب : ها يا دكتور شايف ايه
الدكتور : تقريبا كدا هيا عندها حالة عصبية نتيجة صدمة
مهاب : والعمل يا دكتور ودا في خطر وهيا كمان حامل
الدكتور : هديها علي ميقصرش مع الحمل ويهديها شوية و لو مهديتش عليها هضطر نعملها جلسات بعد ما تولد
مهاب : طيب ممكن بعد اذنك يا دكتور تكتبلي تقرير بحالتها عشان لقدر الله حصل اي ظرف معاها الدكتور : طبعا طبعا
( في الجامعة )
منة : سماسيمو اية قاعدة لوحدك ليه
سما :لسة جاية وقعدت استنيتك
منة : الواحد اتخنق من الجامعة امتي بقي نخلص امتحانات ونخلص من القرف دا
سما بهزار : انتي عايزة تخلصي امتحانات عشان تتجوزي يا ختي حبيب القلب
منة بهزار بدون قصد : مانتي كمان هتتج احم صح هتتجوزي امتي
سما بحزن : بعد الامتحانات المهم اوعي متجيش بعد بكرة فاهمة اعملي معايا الواجب زي منا عملت
منة وحسة بحزن سما : سما انتي بجد مبسوطة من الخطوبة دي
سما بدموع : انتي شايفة اني ممكن اتبسط وانا هبقي لحد غير مهاب تفتكري دا ممكن اكون مبسوطة لما البس دبلت حد غير مهاب او حد يلبس دبلتي غير مهاب تفتكري هبقي مبسوطة
منة بحزن : واقسم بالله كل ما اشوفكم انتو مهاب بتوجع وجع مش قادرة اوصفهولك كل واحد بيتالم في مكان ومش قادر يعمل حاجة
سما بتمسح دموعها : يالا ربنا يسعدو يارب معا غيري انا اتمنالو السعادة
(في فيلا الحديدي )
الفت : عملتو ايه يا بني
مهاب : الحمدلله كشفت واداها علاج
الفت : طيب والبيبي لاحسن ياثر عليه
مهاب : لا متقلقيش انا عرفت الدكتور واداني علاج مالوش اعراض جانبية ومياثرش علي الجنين
الفت : اهم حاجة جبت منة تقرير بلحالة
مهاب : ايوا اهو يا ماما اتفضلي
الفت بفرح : ايوا كويس انك جبتو
مهاب : بس نفسي اعرف مهتمية ليه بلتقرير دا
الفت بتوتر : احم لا مش مهتمية ولا حاجة بس يبقي معانا عشان كمان لما تولد
مهاب : صح هيا فضلها قد ايه
الفت : وتولد هيا مفروض داخل علي السابع اهي
( في شركة الحديدي )
سيف : ايه يا بني بقالك فترة مش مهتم بشركة خالص
مهاب بتعب : البركة فيك يا سيف معلش الايام دي كل حاجة فوق دماغي
سيف بهزار : طيب ممكن اطلب منك طلب يا هوبا
مهاب : ارغي
سيف : ممكن اخرج مع منة يوم الخميس
مهاب : ممكن يا عم عد الجمايل بقي
سيف ومسكو من رقبتة وعمال يبوس في : حبيبي يا ابو النسب حبيبي يا كبير حبيبي والله
مهاب بخنقة : تصدق انا غلطان مفيش خروج
سيف : لا لا خلاص انا سيبلك المكتب وخارج اهو
( في فيلا الحديدي )
الفت بتتكلم في التليفون )
الفت : ها مهنش مش خلاص بقي
....... : هانت بس فاضل حاجة واحدة والاهم طبعا
الفت : طبعا فهماك دا اهم شي
،،،،،، : دا يحصل وكل شي هينكشف ويبان
( بعد عددت ايام وفي يوم فاتحة سما )
سما بتكلم منة : ايه يا منة كل دا يالا تعالي
منة بحزن : صعبان عليه اجي بجد مش قادرة
سما بالالم : منة ارجوكي تيجي عايزاكي معايا واحس بي حاجة من ريحة مهاب حواليا في اليوم دا كان نفسي يبقي هو اللي جاي انهاردة
منة بدموع : حاضر انا جاية اهو هلبس واجيلك
(مهاب دخل غرفة سهيلة بيطمن عليها )
مهاب بابتسامة : ها يا سوسو عاملة ايه انهاردة
سهيلة بتعب : الحمدلله كويسة
مهاب : شكلك تعبان ليه كدا العلاج تعبك ولا ايه
سهيلة بتعب : لا تعبانة من الحمل تعبني اوي
مهاب : الف سلامة عليكي ارتاحي
( وهو خارج مهاب من عند سهيلة لقي منة في وشه )
مهاب : رايحة فين كدا يا جميل وانتي زي القمر كدا
منة متوترة : رايحة مشوار
مهاب : مشوار ايه دا تعالي اوصلك
منة بتوتر : لا لا دا انا رايحة خطوبة واحدة صحبتي
مهاب فهم وافتكر كلامها يوم خطوبة منة وبحزن : خطوبة سما صح
منة بحزن : اااه هيا خطوبت سما يالا عن اذنك
مهاب ويادوب منة لفت وشها : هيا نسيتني يا منة خلاص مش هتبقي ليه هتبقي لحد غيري ازاي
( منة اتسمرت مكانها ودموعها نزلت بس معرفتش ترد وسابتو وجريت )
( في بيت سما الكل متجمع ووصلو اهل العريس والعريس )
سمية دخلت تشوف سما لقيتها بتعيط : وبعدين معاكي يا بنتي الناس برة عيب كدا يقولو علينا وعلي ابوكي ايه وحدي الله واغسلي وشك قوليلها حاجة يا مريم
مريم : تعبت من كتر الكلام والله اهي جت اللي هتعرف تتصرف معاها
سما جريت في حضن منة : منة فرحت جدا انك جيتي
سمية : قوليلها حاجة بقي يا منة الناس برة وبصي شكلها عامل ايه
منة : متقلقيش يا طنط 10 دقايق وهنبقي وراكي
( في فيلا الحديدي )
( مهاب عمال يكسر في القوضة بتاعتو )
مهاب : لا لا لا يا سما استحالة تكوني لي غيري ابدا انتي بتاعتي انا وبس انا وبس مش هسيب لغيري ولا هسيبك تحبي حد تاني انتي ملكي انا انا وبس مهاب الحديدي وعمره ما هسمح لحد
انه يا خدك مني ابدا
( في بيت سما طلعت سلمت علي العريس واهل العريس )
العريس وهو اسمة عادل : الله اكبر مشاء الله احلي من الوصفةبكتير
(سما مستغربة من جراءتة وبتبص لمنة )
سليم بضحك : وانت برضو غير الوصف وكمان كان معروف عنك الخجل بس شكلة العكس
عادل بضحك : لا يا عمي والله ما مسالة جراءة دا فخر بجمالها بس ودا اقل من حقها كمان مهما اقول مش هوفي ولا هوصف جمالها ولا هديلها حقها
( في بيت الحديدي )
مهاب رايح جاي زي الاسد الهاج مش عارف يعمل ايه وتعب من كتر التفكير نفسه يشوف حبيبته عاملة ايه مع غيره فرحانة زعلانة وفي الاخر قرار يروح
( وبعد حوالي نص ساعة في بيت سما دخل مهاب )
الجميع في حالة صدمة من وجودة