........📝انـا روايــه خــانهــا كــاتــبــهــا 💔😢.........
السلام عليكم رجعت وياكم من بعد غياب طويل بقصه وحكايه انشاءالله تنال اعجابكم اوهيه حقيقه بنسه 80 •\•100
او مثل محجيت قبل القصص جنت نزلهة بأسم #دمعه_الم هيه من كتاباتي اولان الي ذكريات هوايه وي هل اسم اختاريته اسم لكل حكايه ارويهة بس هسه قررت اغير او اسمي على اسمي #بتول.... الكلابيه اغلب المواقف الي تنكتب اكون عشتهة بصوره مباشره او غير مباشره انشاءالله اشوف متابعه الهة اكثر من بقيه القصص الي نطرحت هسه نبلش وياكم 😊
في جعبتي حكايه
بقلمي #دمعه_الم
حكاياتي بعنوان
👇👇
#أنـــا_روايـــه_خـــانهــا_كــاتــبـهــا
#البارت_الأول. 1
مرحبه اسمي مريم عمري 21 ادرس خارجي مواصفاتي طويله لون بشرتي ماعرفه بضبط شنو بس اعتقد مختلط عيوني شويه وساع لونهم جوزي عائلتي متكونه من 8 نفرات 4 شباب او 4 بنات او مامه او بابه مامه ربت بيت او بابه معلم اني ثالث وحده ب البنات طبعي حساسه كلش من كلشي اتأذه او دمعتي ماسيطر عليهة او خصوصن للي احبهم او طبعي مثل مسئله الرياضيات ممفهومه نادرن الاشخاص تفهم طبعي اجتماعيه احب اختلط وكون صداقات بس متوصل لحد الثقه العمياء هسه نرجع وياكم ب زمن او نبلش من حياتي بريف
مريم اگعدي صار الضهر تأخرتي عن المدرسه موحاجيج😡😡 ليش متگومين
مريم....😳😳 اي يمه گمت لاتصيحين بس ح غسل وروح حت ريوگ ماريد بدلت بسرعه اورحت للمدرسه اني صف سادس مستواي موشي بدراسه لان محد يهتم بينه او حت بنات قليل تكمل دراسه عدنه شي غريب اذا بنت كملت اوراحت متوسطه احنه جنه بس 6 طالبات بصف السادس من هل عدد وتخيلو امل انو البنت تكمل دراسته بس اني جنت اتمنه اكمل دراسه حاول على گد استطاعتي مرات تحلم اونتخيل هوايه اشياء اوكل ضنه تتحقق ماجنه نعرف شي اسمه قدر او موكلشي يتحقق تبقه احلام طفوله دگ الجرس او رجعنه للبيت ساعه 12 او صار دوامي الثاني😭😭 ماقصد المدرسه صار لازم اخذ المواشي { الحيوانات } مالتنه للزرع حت يرعون او مثل متتسمه ب الريف تسرح الحيوانات اكيد محد سمعان بهل اسم غير اهل الريف😁😁 ناخذهم للزرع لحد المغرب نرجع اكلنه من الي نزرعه مثل خيار والبطيخ والرگي والمي نشرب من النهر ماكو قبل شي اسمه مي ارو ارجع المغرب اتعشه اقرأ شويه اواطلع العب وي الجهال اومثل هل روتين ينعاد يوميه من تصير جمعه اوسبت همين ماكو راحه اطلع من صبح للزرع وي الحلال مالتنه ارجع بليل اكل هناك اكل بزرع او حت اكل منشبع اهالينه يشتعلون هوايه يزرعون اومهاتنه متلحك تسوي اكل هوايه يادوب على گد الغده ميضل شي لان لازم تسوي اكل بسرعه حت يرجعون يشتغلون بزرع لهاذ امي جانت تطبخ قليل متلحك حت خبز ماكو فوگ تعب كله ميتين جوع 😢😢 الحمدالله على كل حال خل احجي شويه عن عمامي اني ماعدي عمات بيبيتي مخلفه بنت اوميته هيه وصغيره بس عمام عدي 3 بس اكرهم اوموكره لان گلبي مواسود والكره يخرب الگلوب بس ح گول مااااحبهم ابد ابد او مااعتبر نفسي عدي عمام اصلن مابيهم حنيه الله زارع بيهم الخبث والطمع الدجل حسودين كلشي جان يجيبه بابه عينهم بيه رغم همه حالتهم كلش زينه اهل ابويه يشتغلون ب الألات الزراعيه المكاين والحواصيد اوالات الحراثه الزراعيه كلهة بس جانت الفلوس عد عمام الكبار والصغير ابويه ماله دخل همه يستلمون ويحسبون اويتصرفون بكلشي ماعرف ليش مااله دخل ابويه قبل اذكر جانو يجيبون الفلوس الوارد مالت الزرع والي يشتغلون بيه مالت المكاين الزراعيه مخلينه بجياس شلون مالت الطحين يجيبون 3 او4 كل وحده بيهة بنص يمكن جان بزمن صدام هل شي لان الفلوس هوايه متجمع يعني اذكر راتب بابه مالت شهر 3 الاف دينار اوهسه ال3 الاف متجيب كيلو طماطه 😅😅😅 لهاذ جان يجيبون فلوس كوومه بس بخيلين ماذكر اشترولنه شي بحياتهم من هل فلوس جانو يشترون الات زراعيه ،صار وقت الامتحانات نهايه السنه او بلشت امتحن او خلصت الامتحانات استلمت النتيجه واگعه بدرس واحد 😢😢 طبعن الوالده طبختني طبخ هههههههههه بس حيل نقرت اتمنيت انجح بس موبيدي ماجانت متوفره وسائل مساعده اولا اهلنه مهتمين بينه
يتبع.....🌠
#أنـــا_روايـــه_خـــانهــا_كــاتــبـهــا
#بقلمي_دمعه_الم
#البارت_الثاني. 2
مرت 4او5 اشهر من خلصت المدرسه اوجنت متأمله امتحن الدرس اواكمل المهم ماصارت عطله طلعت من عيوني😤😤 شغل 24 ساعه مااذكر تهنيت بطفولتي اولا عشت طفوله حلووه جبته هم ابهم بابه جان كلش قاسي ماعرف ليش دائمن جان يضربني اذكر مره رجعت من الزرع المغرب او صادف الدنيه تمطر فصرت كلي طين شافني بابه لزمني ب الصونده او على رجليه اذكر اجت بنت عمي اوكلتة عوفهة خطيه شبعني كتل هسه من اذكر هل اشگد اشوف نفسي مضلومه بطفولتي جنت اروح على خوالي امووت عليهم همه اعز شي عندي جانت بيبيتي مريضه اروح اخدمهة ماجنت اضوج من هل شي لاني احبهة مرات ابات يمهم يومين لان همه قريبين علينه اجت فتره اتمرضت فد مره بيبيتي لهسه اذكر هل يوم الصبح ساعه 11اونص الصبح طلعنه بيبيتي للحديقه وتخربطت فد مره صاحت بسم امي او خالاتي او ماعرف ليش ركضت على امي اصيحه حت تجي بسرعه رغم ماعرف شنو موت اولاجنت اعرف بيبيتي هاي كلماته الاخيره الي ح اسمعهة رحت ركض بين البيوت حت اصيح امي لگيته تنضف او مثل منسميه {تغربل } عباد الشمس او{ اوزهره الشمس } حجيتلهة على بيبيتي او كتلهة تريدج بس ماراحت ماعرف ليش وره فتره كلش بعيده حجينه بهل موضوع بصدفه اوگالت بابه ممخليهة تروح بذاك الوقت نرجع للحدث وره كم ساعه رحنه شفت الناس ملتمه يم خوالي او نسوان تتباجه او تتعايط امي شفته بليش تبجي بصوت كلش عالي دخلت للغرفه شفت شخص نايم او مغطينه هذا كل الي فهمته بهذاك الوقت بعدين عرفت بيبيتي ماتت بس شنو يعني موت والشخص من يموت وين يودوه ماعرف عبالي اينام فتره ويرجع ضليت انتضر ايام حت ترجع بيبيتي بس ماكوو خلصت الفاتحه او مرت شهور بس ليش مارجعت بيبيتي رحت سئلت بنات خالي شلون الميت ايموت بوقته اذكر ضحكن على سؤالي بس اني حجيته بجديه فگللي بعد ميتنفس اويموت خلني اوراحن بس اني مافهمت شنو يعني حبست نفسي اريد اشوف شلون يصير الموت او والله كل ضني هيج اجوز ح تگولون ماكو هيج شي بس لااكو لان احنه قبل ماعدنه معرفه اوطلاع مثل اطفال هسه حت الموت كلش قليل بسنه نسمع ، شخص مات اشوف الناس تتعجب مومثل هسه ندفن الصبح. والعصر ضليت احاول افهم الغز الموت شنو وشلون بس جان اكبر من انو استوعبه مرت سنه اورجعت حياتنه الطبيعته بس مارجعت للدراسه حاولت بس اخويه مقبل 😢😢 ، مرت 4 سنوات صديقاتي قسم منهن كملن رداسه او اني بقيت ب الزرع والتعب جنت اعشق المدرسه اومن اسمع طاريهة اموت من القهر اواضل اتحلم بيهة اواذكر مواقفي وي طلاب وي معلميني بس ماجن مسموحلي ارجع اكمل اوضلت حياتي على هل روتين
يتبع......
#ملاحضه القصه راح تنزل كلهة بأسم دمعه الم فماريد تصير عدكم خربطه لان وضحتلكم انو اني غيرت من دمعه الم. الى بتول الكلابيه👉
