#انــا_روايـــه_خــانــهــا_كـــاتـــبــهــا
#بقلمي_دمعه_الم
#البارت_الثالث
مرت السنين او اني على وضعي اتمنه ارجع الدراستي بس ميقبلون برغم ما ابويه معلم بس يتخبل من المره الموضفه مادري ليش يشوفه شي موزين ماعرف شلون يفكر اني من اشوف بابه هيج اضوج منه بس مابيدي شي اسويه الخاطر ارجع او بين فاقده الامل انو ارجع للدراسه بين متمسكه بهل حلم اجه نقل ابويه المنطقه ب المدينه صاريروح يوميه ويرجع اومصاريف قرر ننتقل كلنه هناك ونعيش ب المدينه اوفعل. عام2008 يمكن انتقلنه للمدينه اخذو اغراض بيتنه او احنه اجيته وي خالي دخلنه منطقه الي بيهة بيتنه اذكر شفت وايرات كهرباء هوايه متنعد اشگد فكرنه نعرف هاي شنو مشايفه هل گد وايرات كهرباء بعدين عرفت هاي مالت خطوط السحب المولدات بعده دخلنه للفرع مالتنه شفت مره ترش مي گدام المحل بدون عبايه هنا الله يشهد من شفته اتعجبت شلون هيج طالعه او بدون العبايه احس كئنما جايه الغير عالم دخلنه البيتنه بنائه موكامل بيه 3 غرف الاستقبال او غرفه الگعده اوغرفه ثالثه والطابق الثاني بيه غرفتين مجان مرمم گاعيته صبه بس اوحياطينه همين بس لبخ بيه حديقه صغيره هنا صار استقرار عائلتي اتعرفت على بنت جيرانه حبابه بس ماعرفت اتأقلم وي هل مكان جنت احس نفسي طير مذبوح اخذوني من بيتي اوحياتي اوجابوني للسجن صادف وقتهة زارعين باميه او لوبيه رجعت يم خوالي لحد ميخلص موسمهم ضليت اشتغل بيهم لحد مخلصن وره شهر اوهمين رجعت للسجن ابقه سبوعين ورجع على خوالي مااتحمل بدون الزرع
يتبع......
