#أنـــا_روايـــه_خـــانهــا_كــاتــبـهــا
#بقلمي_دمعه_الم
#البارت_العشرون. 20
#يافرح مالك فخر لمن تمر #بينه
#مادام جوة اللحد نامت #غوالينه
بقيت لليل على نفس نومتي متحركت انقلبت حياتي كلهة مجنت اشوف احد احس روحي تايهة بهل دنيه روحي الضاله حنت الحسن ايجوز تگولون موقت تفكرين بيه بس لا من نوكع اول منحتاج يمنه الناس الي نحبهة والي نرتاح بوجودهة ضعيفه اومكسوره اوجان بس حسن دواي او للاسف اول من تركني هوه رغم كميه الألم الجنت بيه حسن زاده عليه اضعاف مضاعفه جنت بحاله اشوف نفسي خلص اني نتهيت والجنت اضنه سندي خذلني اول الناس بگد مابجيت على اخويه بجيت اكثر على حسن هو جان كل دنيتي اشكد مااحجي عنه مجي ذره يم حبي اله بس هوه وين تركني احترك اواتعذب وحيدي راح يصير سبوع اعرف هبه هسه قلقه عليه فتحت نت اوحاجيته خليت حداد جنت مشااقه الكلامه جنت كلش محتاجه احد اشكيله اتمنيت حسن هذا الشخص بس جنت متوهمه حوطتني هبه بحجاياتهة الحنينه الي جنت محتاجتهم من حسن او ضلينه نحجي او اني دموعي ماوگفت ابد بقت تصبر بيه او وصتني على نفسي الي ماتعرف هيه خلص التهمتهة النار اوصارت رماد اوسديت النت اورجعت للحزن والالم دمعه بسبب حسن او دمعه لفراك اخويه مراح اگدر انسه هل شي بحياتي اولا راح انسه خذلان حسن الي بوقتهة صار كلبي شي محطم او دخلت منعطف كلش قاسي بهل حياه الي ماعرف شنو جنيت وياه صار الصبح او رحنه الخوالي اليوم السبعه مالت الفاتحه مر على فراكه اوغيابه سبوع اشوف خوالي بس اجسام تمشي اختفت كل الفرحه من بيتهم ليش هيج ليش ياخويه هيج كسرتنه رحت يم خالتي او بقينه نبجي بس شفيد البجي للراحو اوضلت بس صورهم طلعت روحي مفرفحه مخنوكه رحت گعدت بنفس مكاني كل مره او اتخيل التابوت مقابيلي او ازيد ب البجي ابقه اعاتب بيه او اتمنه يرد عليه بس ماكو منه اي جواب رحت اساعدهم او احاول اواسي بكلشي جانت الگعده تزيد المي اوتخنگني احاول انهك جسمي ب الشغل يمكن جنت اعاقب بيه لسبب ماعرفه لحد ماانتهي من التعب او صارت الختمه بجينه او لطمنه للحد الي عيونه مصفه بيه دمع بدت خالتي تناشد الصوره الي مفاركت ايده
ييمه ييسوري شلونك ييمه ليش رحت ماكلت امي خطيه متتحمل فاركي يمه يبو ضحكه الحلوه شلونك يمه رحت جوعان او مريض شلون حالك هسه يممه
يمه شلونك يبعد امك شلونك يمه بعدك حلو لوخرب لونك يبو طول الحلو يايمه احاجيك اريد اوياك اصير. اومااخليك اريد اوياك اشيلآ ثكل التراب
تعالت اصوات البجي الي بقت اليومي هذا صور مطبوعه بالي صور حزينه تعلن عن انكساري اوخساره اعز ناسي 😢😢
اتمنه لو اكو شي يمحي هل الألم بس هيج الام بس الزمن كفيل انو يمحيهة ويخفف وجعهة بس بوقتهة ماعدي طاقه انتضر الزمن حت انسه حزني او بده جسمي يبين عليه اثار المرض والتعب والحزن صرت مثل عجوز صاحبه 90 عام من الداخل اما شكلي الخارجي صار يوحي ب التعب
ودعنه خالتي اورجعنه البيتنه بس روحي بقت هناك بكل زاويه بيتهم هناك يم مكان التابوت الي ميروح من بالي منضره او تركنه خالتي تنعي او تنحب ياسر الي اخذ ديار النجف مستقره اوتركنه نتألم وراه
دللول الولد يبني دللول شگل الربعك ييمه من يسئلون دللول دللول اجاوبهم ييمه بدمع العيون الراحو ماضنهم يرجعون 😢💔
يتبع....🌠
