انا روايه خانها كاتبها

البارت الثامن عشر

#أنـــا_روايـــه_خـــانهــا_كــاتــبـهــا

#بقلمي_دمعه_الم

#البارت_الثامن_عشر.  18

اتألـم جـداً بهـذه الفتـره,تغيـرت بكـل شـي اختلـق لنفسـي ضحكـه مزيفـه يظنونهـا فـرح,لسـتُ هكـذا ابـداً متعبه مـن الداخـل بحجـم كـل شـي...
.....................................

"27....7.......2016

بعمري مراح انسه هل تاريخ لانه من اقسه الايام بحياتي خل نرجع شويه قبل حادث اني اواولاد خوالي اكثر من الخوان درسنه سوه او لعبنه اوضحكنه كلهم سوه علاقتي بيهم كلش قويه تختلف عن بقيه اخواتي ابينه شقه او ميانه هوايه وي الكبار والصغار همه روحي ب الدنيه من اشوفهم جن يوم العيد اواحله من اني وصغيره لحد مكبرت اني اشوف خوالي الدنيه اومابيه  اذكر من اروح عليهم اوخالتي تنطيني حلويات اوهمه متنطيهم يغارون مني اويكتلوني ويطردوني 😅😅😅😅😅😅 اضل ابجي لان ماريد اروح اوابقه بس ميلعبون وياي كلمن يسوي مجموعه اواني ميخلوني العب وياهم لحد ماازهك منهم اوازعل اوارجع البيتنه الي جان يبعد عنهم مسافه من جنه ب الريف. اخذ يومين اكثر شي مزاعلين اونرجع سوه مثل مجنه بعد منقلنه للمدينه بقت علاقتنه قويه متغير بيه شي سوه احنه كبرنه ب العمر بس الشقه والضحك الطفولي بقه نفسه اومن يزعلوني
اركض وراهم لحد ماالزمهم من اذنهم اونضل نضارب او نضحك اونصالح بنفس الحضه اجه العيد اورحنه على خوالي اول يوم لان اخواتي يجن ثاني يوم العيد علينه بدلنه او طلعنه الصبح عليهم يمهم الاجواء كلش حلوه البنات والامهات كلهة تتجمع ابيت او يبدن يطلعن ايعايدن اقاربهم كلهم من 8 صبح لحد 12 الضهر واذا بقه ناس ممعايديهم يروحن العصر عليهم المهم وصلنه خوالي يمهم ناس كلش هوايه كون جدي رجال معروف اومبخوت الناس تحترمه وتعزه او همين شلون شيخ العشره الناس تجي بكلشي ك فصول او اذا عركه دين عزه عرس گعده صلح بذن كلهم اواكثر ياخذو ف الناس تجي تعايده دخلنه عليهم او عايدناهم اوبدت طقوس العيد الكليجه والعصير طبعن كليجه بيت لان هاي من اهم العادات الي لحد هسه موجوده طلعنه على بقيه بيوت خوالي لازم كلهم ندخل بيوتهم صار وقت الغده شفت خوالي كلهم ماعده واحد الي هوه {{يسوري  }}بقيت اسئل ودور عنه البيت كله او مالكليته سئلت خالتي عليه وينه هذا ابو كفشه😈😈راح نروح اوهوه مشفته ضحكت خالتي او جاوبتني اخته ماضلت كفشه زينهة صفر  اني انصدمت ليش😱😱والج لعد واذا ليش ميجي انسلم عليه شنو يستحي  😒😒😒. وبگلبي اگول يعرفني راح انصب عليه 😂😂 ابو كرعه وينك صيحو الي اريد اسلم عليه او فعلن مشفته اولا اجه خلصت غده اوطلعت للمطبخ اغسل او جان اشوفه😲😲😵😵 صحت عليه لگيتك وين جنت هااا وليش متجي نسلم عليك هوه طفر من مكانه راد يشرد بس ملحك ههههههه عايدته  او سلمت عليه اوسئلته عن دراسته جان صف خامس علمي مدري ادبي ماعرف جنت حيل فرحنه بيه لان هوه الوحيد الي جان واصل الهل مرحله بخوالي  شويه او راح كلش رتاحيت من شفته لان جان بس هوه الوحيدالي  مشايفته من خوالي اوهيج عايدتهم كلهم او بعد مشفته  حت من طلعنه لهلنه مشفته كلت لختي شفته او صاير گروع هههههه مزين شعره اختي تعجبت لان مشافته اوهيج رجعنه الطريق كله نحجي  شنو شفنه او وين طلعنه احله شي ب العيد خوالي اوهيج عدت الايام   او بعد مرحت على خوالي من يوم العيد مر شهر يمكن   

....................................

27......7 ساعه 12 اونص الضهر اتوضيت اورحت اصلي صليت فرض الضهر او مااذكر اذا صليت فرض العصر اولا دگ تلفون امي المتصل اخويه امي بسرعه خلت ايدهة على گلبه اوردتت بسم الله الرحمان الرحيم جن علامات الوجع والخوف من هل الأتصال برغم ما يمكن يطلع  اتصال طبيعي او مجرد شي روتيني بس خوف امي بهل لحضه خوفنه كلنه فتحت خط اوحاجت اخويه او صاحت شبيه ياسر انتم وين هسه  بلحضته حسيت شخص جر روحي من جسمي فجئه الم ماعرف شلون اوصفه بسرعه نزلن دموعي برغم ماسمعت اكثر من الي حجيته ركضنه على امي هااا شكو  شبيه ياسر وكفت يم الباب جنت خايفه اتقرب على امي اكثر سمعته كالت ياسر مدعوم او ماخذينه للمستشفه لدقايق حسيت جنت گلبي حاجاني مابيه شي  مطول هل امر غير دقايق معدودات اواحنه على نفس وگفتنه او خوفتنه اوصدمتنه من الامر رجع اخويه اتصل على امي اوكللهة اسوء او اقسه خبر بحياتي جان مثل الصدمه او مثل جبل او وگع على متنوني بين ماامي فتحت خط اني احس گلبي راح يوگف من الخوف والألم مثل الي اعرف شنو راح يكون الكلام  او صاحت امي بخويه شلون مااااات اونته وين نسد التلفون بقينه بصدمه اوبس الدموع اتكفلت تعبر عن حالتنه ركضت امي اخذت عبايته اوصحت اخذيني وياج اني اروح اخذت عبايتي لگينه اخويه واكف ب الباب صعدنه اني اوامي اوابويه بس شنو ماحس بروحي بجسمي اسولف وي نفسي لا يجذبون لاممات اي هس اشوفه والطريق كله اواني بس دموعي تجري على خدي،منطقت بحرف اولا احد حجه شي يمكن اذكر بابه سئل اخويه شلون صار الحداث حت ماسمعت رده شنو صرت ابين عالمين لاني ب الگاع اولاني ب السمه صار الطريق كلش طويل  وصلنه نزله خوالي او بين بيتهم من بعيد هوايه سيار والناس اكثر اوكثر زادت دموعي بس جنت بحاله صدمه نزلنه اوبدت امي تركض اتدور عليهم ماكووو. بعد فتره سمعنه صوت بجي كلش قوي ب طارمه الحديقه دخلنه وتعالت الاصوات اوامي بدت تصيح عليهم شلون هيج وتصيح بسمه والك عمه اگعد ثواني اواخذو التابوت مخلونه انشوفه لهل لحضه مااذكر حجيت شي بس دموعي كفيله تحجي ابمكاني شالو اوطلعو  طلعو من البيت او خلو ع السياره اوطلعت السياره مسافه عنه لحضته تيقنت انو هل شي فعلن حقيقه انهاريت بلحضته هوايه توسلت بس رجعو خل اشوفه من زمان مشايفته بقيت ابجي بعلو صوتي اواتوسل بس محد رجع اولا خلوني اشوفه زين شلون صار هل شي فهمونه او بده من شاف الحادث يحجيلنه او الحادث صار تصادم هوه ع الدراجه رايح على صديقه عدهم لعبه اورايح يتفقون عليهة او ملاكيته سياره تمشي سريع كلش او ضاربته بلحضه متوفي او حجلونه عنه اضلاعه متكسره او جمجمته متهشمه او هوايه اشياء 😭😭😭😭😭  اجن اختي اخذتني بحضنه ضليت اشهگ اوابجي حت من التعب والبجي احس اعيوني خلص نشفت او التمت الناس كلهة اوبدت رحله عذابي اوحزني الي دمرت حياتي احس گلبي تحطم اوروحي مسلوبه من جسمي بقيت من الألم اون حت صوتي اختفه اتيقنت هوه راح ساعه اتوسل ب الأمام علي ايرجعه او ساعه اتوسله ينتبه عليه او ساعه اوصي بيبي اواكللهة اجاج ابن ابنج ديري بالج عليه اليله ليله وحشه روحي يمه اه ياكلبي الي صار يدگ بس وجع اوالألم

رده والك رده يادفان صاح الله بيك😢😢

لاتگلي اليندفن معناهة ماااات😭💔

يتبع.......🌠