#ورده
الحلقه9
ذهبت بيري لزوجها
وليد:كنتي فين ياهانم
بيري:وانت مالك
وليد:نعم ياختي جاك مله علي جنابك ماتتعدلي يابت وانتي بتكلميني انتي ناسيه اني جوزك
بيري:وانت مالك بيا مش قلت مغصوب عشان تستر عليا ونكتب البيبي باسمك خلاص سترت والبيبي هيتكتب باسمك يبقي مالكش لزوم خلاص عملت اللي عليك وكل واحد مالوش دعوه بالتاني يعمل اللي عاوزه
وليد:وحياه .... ليه مجوزه طرطور ولا شورابه خرج
اسيبك دايره علي حل شعرك ويجزبها من يدها والله لو ماتعدلتي معايا يابيري لاديكي قلمين يعدلوكي
بيري:مش ده اللي انت عاوزه انت عاوز مني ايه بالظبط
وليد:مش عاوز منك حاجه ويتركها
بيري:خلاص يبقي مالكش دعوه بيا وتجري تحرج قبل ان يتعصب عليها
ونزلت لورده مره اخري التي كانت عبايتها بها شحم وتريد تنظيفها ببنزين
ورده:اني كنت باخد من العربيات اللي بتركن حدانا جار الدوار شويه بنزين بالخرطوم ادور علي خرطوم واخد من عربيه سي مهاب شويه
وفعلا وجدت جزء مقطوع
ورده:باينه مخروم والجنايني قاطعه اخد شويه ف الصفيحه دي ولا من شاف ولا من دري واركنهم ف جمب لما ابقي اعوز تاني
وفعلا جاءتها بيري وهي تفعل ذلك
بيري :بتعملي ايه
ورده:باخد حبه بنزين انظف الشحم ده اللي ف العبايه من يوم ماجيت واني ركناها ولا عارفه البسها ولا غسلها قبل ماانظفها بالبنزين عشان الشحم مايثبتش فيها
بيري:طب شوفي اللي غرق الدنيا
ورده:يالهو بالي دااني خدت كتير لخمتيني انتي جايه ليه
بيري بفرحه :وليد شخط فيا وزعقلي
ورده :ايه الهبله دي ومالك فرحانه كده ليه امال لو باسك هتعملي قاعده ف دار المناسبات
عمري ماشوفت واحده تفرح بالغم
بيري:مش قصدي افهمي مش خناق يعني خناق لا دا خناق
ورده:لا والله تصدقي انا كده فهمت البت لسعت ولا ايه الهي تتوكس ياوليد البت ضربت من تاني يوم
بيري:اووو افهمك ازاي
ورده:لا هو انا كده اللي مابفهمش دا انتي لو مدرسه العيال يسقطو ويملو المدرسه كحك وقرص كمان
بيري:انتي عارفه الخناق اللي فيه غيره كده
ورده:فهمتك ايوه كده الفجل اشتغل مش تفضلي متنحنحاله ولا هيعبر اهلك كده بقي تشعوطيه وتتجننيه
بيري:اه انا نفسي يتجنن
ورده:الهي ربنا يجنه كمان وكمان مايلاقي مستشفي تلمه
بيري:لا مش تدعي عليه
ورده:امشي يابت من هنا ابوكي علي امه عشان ابوه يبقي عمي كامل انما امه فريده
بيري:والله انطي فريده طيبه خالص
ورده:تغور دي مابطقنيش
اني هداري اثار الجريمه دي ازاي والبنزين اللي ع الارض ده
الصفيحه نشيلها ف حته مخفيه لكن الارض
بيري:هتنشف كمان شويه هو اكيد مش هينزل تاني انهارده
ورده:يارب عشان مايشوفهاش
اما اعمل العبايه بقي وانظفها عشان اغسلها
بيري :مع نفسك بقي اما اروح اتخانق بقي مع وليد
ورده:روحي ياختي ربنا يقويكي ويعينك
ويقدرنا علي فعل الخير احنا بنهدي النفوس
بيري:باااي
ورده:بالسلامه والقلب داعيلك ياختي
لم يخرج مهاب هذا اليوم لان لديه سفريه للاسكندريه غدا لاتمام صفقه وسوف يدرسها مع ابيه في مكتب الفيلا
أنت تقرأ
ورده
Romansaفتاه ريفيه خفيفه الظل هل بعفويتها ستسحر هذا المتعجرف وتذيب جبل الجليد من عليه وتجعله يخر راكعا لها
