مساء الخير
نوافذ الأمل
بقلمي Wasan Alsaad
البارت ٢٧
على غفلة من الزمن
ميساء..... بعد مرور اشهر من سجن. شهاب وقريب يكمل السنة ....
كاعده. بغرفتي وحيده احاول. اشغل. ايدي باي شي.
النهار كله. اطلع. شغل. من جوه الكاع. حتى بالليل. ينگضني التعب. وأنام. بلا
تفكير.....
كنّت ارتب. بالملابس اللي بالكنتور واللي. مرتبتها. من البارحه وقبل بيوم هم رتبتها
خلي اكول صار روتين. يومي. ترتيب. الملابس.
جهتي و جهة ملابس. شهاب. اللي. يوميه اطلع. وجبه. واغسلها واكويها. كأنه هو موجود. ولا بسها
غير. اللي أحضرهن ياخذهن العريف. صبر. حمه صديقتي. ايناس. كل. اسبوع من. ينزل. لاهله. ويرجع لواجبه. احمله. بأكل ومعجنات. ومسواك. وملابس. واشحن التلفون رصيد. حتى. يكفيه.
من نتصل بيه. بأيام. وجود. صبر. هناك ... ومكالماتنه وياه. هي اللي مصربتنه اني. وامه.
على الفراگ ...
امه. من يوم. اللي الصار. وكعت. وصحتها. على كدها. احسها كبرت. وشيبت وكل
اهتمامها. بنفسها. ودلالها. راح. الشعور. بالزهو. انكسر. بداخلها
وانطفى. احساس حب الحياة عندها. حتى. ادارتها للبيت. تنازلت
عنها. لبان. مراه عبد الله. قبل كل شي بعلمها وتنظيمها
محد يشگ إبرة بخيط. بالبيت. بدون علمها. هسه. احسها
ماعاد. يهمها شي. زهدت. بالحياة. ودائما بغرفتها. يا. نايمه. بفراشها
وتشكي من ضغطها لو على سجاده صلاتها ...
واني. اصبحت. رفيقتها وأنيستها ساعه. اللي يخلص شغل البيت. اروح يمها
اخدمها. واونسها. صارت. شغلي. الشاغل. يمكن لانها. كانت تعاملني.
معامله. الام لبنتها مو العمه والچنه ، او. لان اعرف شكد شهاب. يحبها ومتعلق. بيها
حبيتها من حبه فيها وهو كان. بالتلفون يوصيني. عليها. دايما ....
خلصت. طوي. اخر. قطعه وخليتها بالكنتور وسديته بابه.
باب الكنتور كان فيه. مرايه. من. دحكت. على صورتي. اللي انعكست.
ما عرفت. روحي. هاي. منو ظليت أتلمس. بملامح. وجهي
احس روحي من جوه. شيبت. رغم. عمري ما. عبر. ٢٢ سنه
من يوم. سجن شهاب وطرد ابوي اليه. حسّيت نفسي ماعندي
اي اهتمام. لا بنفسي ولا بشكلي.
سجنت. روحي. بزنزانة. مثل ماهو مسجون. الظاهر. كنت. اريد. أشاركه. كل شي
احس بعذابه وبمعاناته حتى من يشكي. اكوله حاسه بيك
أنت تقرأ
نوافذ الامل
ChickLitاجتماعيه ... حقيقة ... تتناول جوانب. مهمه من حياتنا وتلامس واقعنا الاجتماعي. عن. الاختلاف. بالتربيه بين. الذكور والإناث سندخل. من الأبواب. الى البيوت. المغلقه. ونرى. مصير اهلها. ... والعلاقات العائلية. التي. تتراوح بين الحب. والكره والاخوه...
