نوافذ الامل

البارت. الرابع

نوافذ الامل

مساء الخير

بقلمي Wasan Alsaad

البارت الرابع

متيم بالهوا

سهر

مدثرة بفراشي و أرعش مو من البرد لا من الخوف.
والخوف هالمرة صار.  خوفين.

خوف من منظر. الجلاب المسعوره وهي. تهجَّم. عليه  كل ما اغمض. عين.  اشوفهن چدامي

وخوفي من اخوي جميل اللي.  فوك خوفي و رجلي اللي التوت. زادها عليه بالصياح

شلون اجيت. من درب الساحه. .... ما اعرف  شنو  اللي يريده. او اللي يعجبه
ما عنده تفاهم. كله. تكفخ ورزاله ولو. هو ما يكدر يمد أيدو عليه
يا ويله وَيَا سواد ليله من ابوي ان سمع بيه.  ضرب. وحده منا حنه البنات

ودايم يكلوه
"  لا  تفرض حالك على خواتك بالصياح. ... اكسبهن.  الك. وصير وياهن  ماهو عليهن تذكر. 
وصية نبينا عليه. الصلاة والسلام رفقاً بالقوارير "

بس جميل وينو وين هذا  الحجي. ما يصرفلو
متعب حالو ومتعبنا معه وخصوصا انا

يعني هو اللي. موصيني. ما. اروح  صوب الشارع العام
يكول. لان الشباب تجمع هناك. وتعالي من الساحه
وانا أگلو ياخوي  ترى درب. الساحه كلو. جلاب.
يجاوبني.  " بالنهار. مافي. الجلاب يلفن بالليل "

ويوم سمع. من. بنت عمة ابوي.  عن اللي صار. والرجل  اللي. ساعدني
ترك كل شي. وچلب. بالزلمه منهو. وكم عمرو   وشلون. واصافوا

هو انا بذيج الساعه  كنت  اكدر. اشوف كدامي حتى. اوچد شكل 
الزلمه.
بس الله لا يخيبني كان طول بعرض  و احمراني.

لا ويسال كم عمرو. احد. كايلوه دفتر نفوسه.  طاح يم رجلي.
لا بس العلم عند الله هو كصة اخوي. شاكر.  فديت طاريه وطوله. وعمره
اخوي  الجبير. بيه حنان. الدنيا. هو  بس شافني اتراجف أخذني  بين ايديه

ويمسح على راسي. يحفظه الله. ابو محمود الغالي.  سندي   بعد ابوي
الله لا يخليني منهم.  حتى جميل. ادري بيه هو يحبني. بس من خوفه عليه هيج يتصرف
وهو مو بيدو ما خذ   الحمقيه و الاعصاب. من خوالي

هو فاهم. ان البنيه لازم. ينشد عليها والا يفلت عيارها 
بس  هو حنون. والدليل سمعتو بالليل.   يحجي لأبوي. انه رايح للمركز. ومقدم طلب
  يخلصون  المنطقه من الجلاب السايبه

انفتح الباب. ودخلت امي وبايدها كوب حليب وعلى وجه ادفى ابتسامه

" ها يسهيره كعدتي صباحج خير.  ان شاء الله  اليوم
زينه  بله  دا ادحج رجلج.  بعدها توجعج "

كعدت. يمي وخلت ايدها الحنونه على كصتي
" هلا يمه.  الحمد لله. بس الرجفه. بعدها بعظامي "