مساء الخير
اسفه على التاخير. بس متابعاتي. اللي ويايه بالكروب. يعرفون يوم السبت والاحد عليه يوم عبوس قمطرير
بالكوه اكدر الزم التلفون. لان ابو الشباب. كاعد بالبيت
واتخيلوا
ما حبيت. اخليكم على الشحن تقبلوا مني هذا البارت.
نوافذ الامل
بقلمي Wasan Alsaad
البارت الرابع عش
دخيل بقلبي (٢)
وتحتلين ما بين الضلع والضلع
أضيق مسافه. في الكون
وأرحب مكان بالإحساس
أيا ليتگِ معذبتي
تفهمين. ان العمر
لا يُقاس بالسنوات
فقلب لم يَذُق صاحبه العشق
ليس على قائمة الأحياء
( من خواطري)
........................................................
بقيت دقائق على نفس حيرتي اللي. زادت. بعد ما سمعت صوته ، شلون عرفني تقدمت. منه. و وكفت. قريب. منه بموازاته.
بس ما كدرت اباوع بوجه. اثنينه واكفين. يم السياج. خشبي. متوسط الارتفاع يوصل لنص جسم. بني ادم. مصمم على شكل. معين. متداخله. او سبعه. ثمانيه متعاكسات. ومرتبطات وحده بالثانيه. ويمشي عليه.شتله من النبات المتسلق. ما اعرف نوعه بس من يورد. وردته صغيرة لونها. بنفسجي أظن. سمعت ابوي. يكول. اسمها. الجهنمية ....
هو. عينو ليكدام. ما شوف منو شي. لان. الدنيا ليل. وضوه الحديقة. مطفي بس احس بأنفاسه. اللي يطلع. مع دخان. الجكارة
صراعي. مع. نفسي وصل ذروته التردد والاصرار خاضوا بداخلي حرب طاحنة الى ان. من دون. تركيز مني حسّيت لساني ينطق. ويسترسل
بالاعتذار
" اني اسفه حاتم. ... امممم .. ماكان. قصدي اكذب عليكم بس ما اعرف. ليش هيج سويت بطبعي اموت من التحكم حسيتگ ردت تمشيني
على كيفك. لكن. سمعت كلامك. وفكرت بيه. عرفت اني غلطانه وانت. على حق ... ما يهون عليه تزعل. وماتحجي ويايه ومقاطعني ... عفيه حباب ..."
وقطعت كلامي. بعد ما استوعبت. كلمتي الاخيرة ونصيت راسي فشلانه
من اندفاعي
ماكدرت. اشوف. ردة فعله. وانعكاس. اعتذاري على. ملامحه.
واحجي ويه. روحي. هذني البنات. شلون. يكبلن. ويكدرن. يسولفن بكل اريحيه. شو اني. احس روحي اذا اطول. لو يغمى عليه لو قلبي. يوكف
يمكن. لان. الشباب. شخصيتهم ابسط. من هالصخرة الواكف بصفي
حسّيت بيه. طفى جكارته وشالها ومشى خطوتين. باتجاه. حاويه. النفايات. اللي. بطرف السياج وهاي من. الصفات اللي. عجبتني بيه وتعجبت. انها موجوده بشخصيته جدا نظيف. ويحب يحافظ على. نظافة المكان. الموجود بيه
أنت تقرأ
نوافذ الامل
Literatura Kobiecaاجتماعيه ... حقيقة ... تتناول جوانب. مهمه من حياتنا وتلامس واقعنا الاجتماعي. عن. الاختلاف. بالتربيه بين. الذكور والإناث سندخل. من الأبواب. الى البيوت. المغلقه. ونرى. مصير اهلها. ... والعلاقات العائلية. التي. تتراوح بين الحب. والكره والاخوه...
