مساء الخير
نوافذ الامل
بقلمي Wasan Alsaad
البارت. ٢٨
على غفلة من الزمن (٢)
ميساء ....
شهر آذار ٢٠١٥
احساس. السعاده. ،. شعور. لا يوصف مثل ولاده طفل. يولد. من رحم الالم والمعاناة. لكن النتيجه. تكون مذهلة كأنك ماسك. الكون. كله بين ايديك مكتفي. بهاي. اللحظات. عن العالم كله ...
الفرح. اللي. غامر. روحي وقلبي. وراسم الضحكة والبهجة على وجهي لا يمكن احد. يقدرها
الا اللي. عاش. ظروفي وشاف. كل اللي شفته. كأني. طالب. استلم. نتيجه الامتحان
ناجح. بتفوق. وبعد. ايام تخرجه هذا. كان شعوري بالايام القليله. الفاصلة. بينه اني وشهاب
اللي. يوصف. روحه نولد من جديد
يمكن. حتى. بتجهيزات عرسي. ما اهتميت ولا. فرحت. من كل قلبي مثل هسه
رغم الظروف وصعوبة. الطلعه للسوگ. حاولت. ما اقصر. على نفسي. وأحاول. استقبل
الفصل الجديد من حياتي. بروح. جديده ومتجدده. بالاماكانيات. الموجودة. خيطت.
فستان. لان ما كدرت الكه. اللي بالي. وعدت. صبغ الخصل الحمر.
ورتبت نفسي. وغرفتي. لا ستقباله
الكل. كان. فرحان. ويستعد. لرجعته وكلهم. ينهون بيه. ويثنون على صبري. وياه
البيت. من. اول. ساعات الصبح. انهرج. بالناس. أخواته القريبات. وأطفالهم
أقاربهم. واني. قلبي. ما. اكدر. الحگ على دكاته. التوتر على. شويه خوف. على. شوق.
كلها مخلوطه بداخلي. غير. شعور الاحراج. من نظرات اللي حواليه
لان. شافوني. مهتمه بنفسي. ومغيرة من شكلي.
راحو. اخوانه. وأصدقائه. يجيبوه من السجن. واني. ساعه. يم البنات. بالمطبخ
اللي. ما خلوني. الزم شي. يصيحن بان. وهبه. طلعي. اليوم انت ِ عروس
فساعدتهم. بتقديم الضيافه. للنسوان اللي يم. عمتي
اليوم اشوفها رجعت. دب. بيها النشاط والضحكة ما فاركتها من ايام
من شافتني. اگبلت عليهم كامت. تهلي. و ترحب بيه. وتمدحني. كدام الموجودات
اللي تباينت. نظراتهم بين المحبه. والحسوده. خليت. الصينيه
وطلعت. قريب على باب الهول. دگ تلفوني اللي. بايدي
دحكته رقم. عبد الله فتحت الخط
" الو"
" يا حي الله. الصوت. وراعيته .. .. توني شفت. ضوه الشمس. و شميت الهوا كلت. اكملها. واسمع. صوتج
وَعَبَد الله. يريد. يأكلني. يكلي. كافي عيب. كدام. اصدقائك واهلنا. توصل للبيت. وتشبع منها
أنت تقرأ
نوافذ الامل
Chick-Litاجتماعيه ... حقيقة ... تتناول جوانب. مهمه من حياتنا وتلامس واقعنا الاجتماعي. عن. الاختلاف. بالتربيه بين. الذكور والإناث سندخل. من الأبواب. الى البيوت. المغلقه. ونرى. مصير اهلها. ... والعلاقات العائلية. التي. تتراوح بين الحب. والكره والاخوه...
