لأجل امي اصبحت خادمه

جزء 4

  البارت الرابع


~~||~~

ضرب جسمها الصغير بصدره العريض
توسعت عينها بصدمه ورجعت ع ورا
احمد تنهد وحس بشعور غريب
طالعها وكتف ايده : انتي للأن م خلصتي ؟؟
براءه كانت منزله عيونها
عرف انها م تسمعه اشر لها وهي جات بتطلع بس مسك كفها
طالعته
احمد : لما ااشر لك تطالعيني
صدت عنه
تنهد احمد : الملك لله الحين كيف بفهمها الغبيه ذي
مسك فكها ورفع فيسها وجات عينه بعينها
احمد : قميصي الي ع السرير اغسليه ابغاه قبل خمس دقايق
نزلت عينها وحركت فيسها ب طيب
خلاها تخرج وتنهد دخل التواليت وقفل الباب
طالع المرايا الي قدامها -العيون هاذي مو غريبه علي- تشطف ع السريع
وهي حطت ايدها ع قلبها بعد م حست ان نبضاته زادت
اخذت شفيق وزفير سحبت القميص وطلعت من الغرفه
كانت تمشي وهي متضايقه
وبيدها سلة الغسيل وبنفسها -الله يشيلك-
دخلت غرفة الغسيل وغسلتهم ع النضام السريع وبسرعه شغلت عليهم الحراره عشان تكويها
اخذت قميصه وطلعت للغرفه
طقت الباب ودخلت
كان جالس بجينزه والمنشفه ع رقبته نزلت عيونها ومدت القميص له بدون م تطالعه
ومشيت سمعت صوته يوم تكلم
احمد : يعني مرا مؤدبه م تطالعيني ههه
لبس قميصه وهي كملت طريقها
طلعت وهي معصبه من كلامه نزلت مع الدرج وشافت ام احمد قدامها
ام احمد : خلصتي
براءه اشرت ع غرفة احمد وقالت لها ايوا
ام احمد : انا خارجه
وطلعت
اشتغلت بالمجالس وضلت تمسح فيهم طول الصباح وبعدها
دخلت غرفتها وجلست تاخذ لها نفس
دخلت سيمارا وشافتها معصبه
سيمارا : شوبك؟؟
براءه : كتموني احمد وعزام
سيمارا ضحكت : اي راح تتعودي اي والله انتي العين تحرسك اخدتي لي ئلبي شلون الصبيان
براءه : واحد يتحكم فيني والثاني يتفصخ قدامي شنو يعني صراحه شي يخجلني
سيمارا : اي م عليك انتي بس تتزكري انك بدك تعالجي امك بتنسي كل الي صار
براءه : كلمتي هنادي !
سيمارا : ايه بتئول هلا راح تروح لأمك
براءه : كويس
سيمارا : اي يالله كالا راحت مشوار ونيبار بتسوي الاكل انتي روحي رتبي طاولت الطعام ووزعي المي وهيك
براءه : اوك
طلعت براءه وراحت للطاولة الطعام وجلست توزع المناديل دخلت رغد ووراها اسيل
اسيل : وريني هي
رغد : اي هاذي هي الي عند الطاوله
براءه كانت تسمعهم ومسويه انها مو منتبهه
رغد : شلونك ؟
براءه طالعتهم وابتسمت
اسيل : الله كيوت
رغد : ترا تفهم حركة الشفايف
اسيل : يالله الله اعطاها جمال واخذ منها الصوت
رغد : وشغاله
اسيل : والله انا وانتي الي وجيهنا شغالات ولا هاذي باربي
رغد : وين امي ؟
باري اشرت انها خرجت
رغد : اوك طلعولي الغداء انا واسيل
مسكت رغد يد اسيل وسحبتها واسيل كانت تطالع براءه ب اعجاب
براءه جاتها الضحكه بس كتمتها وجلست تتهزز كتوفها
دخل فهد وعزام وجلسو وانتبهو لإبتسامتها
وتذكرت كلام اسيل -مفروض انا وانتي الشغالات-
وابتسمت
فهد اشر لها وطالعته
فهد : ضحكينا
براءه ابتسمت ابتسامتها الي تسحر كل شخص واشرت ب مافي شي
طلعت وهم يراقبون خطاواتها
عزام تنهد
فهد : ي شيخ اروح ضحكه
عزام : هيه انت خلاص
فهد : بسم الله شفييككك؟
عزام : ترا بعدين يمكن تحس عليك وتتغلى
فهد ضحك : خدامه لا راحت ولا جات
عزام : ممكن بعدين م تحس ع نفسك وتحبها
فهد : مسسستحيل تخيل احب خدامه
شافوها جايه ومعاه العربيه الي فيها الاكل وجلست توزع الاكل
عزام : والله ترا في اشخاص يحبون خدم يعني يعشقها وممكن
استغربت من كلامهم
فهد : الله يبعدهم عنا المهم اليوم الشباب جايين؟
عزام : اي كلمني النايف
فهد : سهره صباحيه
عزام : ايه وممكن نطلع غرفتي فوق
فهد : اجل كلم الخدم يجهزون الجلسه فوق
عزام :صح ذكرتني
جات بتمشي براءه بس مسكها عزام من يدها وبسرعه سحبتها انحرج عزام من نفسه واستغرب فهد
لانهم هم منفتحين مع الخدم الي يجونهم يسولفون معاهم ويضحكون
بس م اتوقع ان ردت فعلها كذا
طالعته ؟
عزام : استغفرالله اسمعي باري اليوم الشباب بيجون عندنا بالبيت وبيطلعون غرفتي نضفيها الحين وابغى اكل طيب ؟
براءه اشرت ب اوك
ومشيت بسرعه
فهد : غريبه يعني اشوف كالا ونيبار عادي يوم نسولف معاهم ونتكي ع اكتافهم
عزام : هي مسلمه ترا
فهد : اها عشان كذا تتوتر
عزام :ممكن
قطع عليهم صوت ابوهم واحمد
بدخولهم وجلسو يتغدون

~~||~~

تاكدت هنادي ان ام براءه نامت
واخذت الادويه طالعت الساعه
2:00م
لبست العبايه والطرحه وغطت ام البراءه وطلعت
سكرت الباب وراها وتفاجئت بالسياره الفخمه الي قدامها
استغربت وراحت تركب مع السواق
بس صدمه الشاب الي ناداها
****| لو سمحتي اختي؟؟
طالعته هنادي وانصدمت من جماله اول مرا تشوفه
هنادي : هلا؟
انصدم ب ان مو هي نفس البنت الي شافها
****| انا اسمي وسيم
هنادي : اها طيب؟
وسيم : ابغى اعرف فين البنت الي تسكن هنا؟
هنادي : قصدك براءه؟؟؟
وسيم : ايه؟؟ يعني انا مرا ساعدتها وكم مرا جيت م الاقي احد
هنادي : امم هي تشتغل يعني من ع شق الضوء لين الساعه 10 بالليل بس اليوم راح تتأخر
وسيم بصدمه : ايش هالشغل الي يخليها كذا؟
هنادي : عفواً اخوي ؟؟
وسيم : طيب امها شلونها اذكر اخر مرا كانت مريضه
هنادي : ادعي لها رجل بالدنيا ورجل بالقبر
وسيم : الله يكون بعونها طيب هاذا مبلغ اديه براءه؟
هنادي : لا براءه م راح تقبل اي صدقه من يوم ورايح اعتذر
وسيم : طيب ابي رقم اكلمها فيه
هنادي : امم م ادري اسألها اذا تقبل او لا
وسيم : اوك اجي بكرا مثل هالوقت
هنادي : اوك
وسيم ركب سيارته وقفل الباب ومشي
هنادي : يالله من وين جايب هالجمال مشاءالله
ركبت السياره وتوجهت للبيتها
اخذت فونها واتصلت ع براءه

~~||~~

طلعت دار عزام وجلست ترتبه وتطالع صوره الي بكل مكان
بس انتبهت للشخص كان معاه بالصور ركزت ب ملامحه
-وين شايفه هالشخص وجهه مو غريب علي-
تنهدت وحست بالشي الي جنبها ويطالعها
لفت له وحطت الصوره ع الابجوره
عزام : امم هاذا ولد عمي الي معاي بالصوره
براءه اشرت ب اها
عزام : اشوف تطالعين الصوره وتبتسمين ! عجبكِ؟
براءه سوت نفسها مو فاهمته ومشيت
عزام : ناس وناس تحبينهم هههه صراحه مو فاهمك
جلس ع الكرسي وهي تسمع كلامه وتمسح الارضيه ع انها م تسمعه
عزام : اي وسيم مز شدها اكيد بس اكيد مو اجمل مني ههه انا ولد الراشد
تنهد وتضايق شاف اتصال
رفع جواله ورد
عزام : هلا فرحِ
فرح بغنج :شلونك حبيبي
عزام يتضاهر انه العاشق : زين ي روحي وانتي
فرح: من يوم سمعت صوتك وانا بخير
عزام : عيون عزام انتي والله
فرح : وين ياقاطع من زمان عنك ولا لقيت لك ناس
عزام : انتي كلك لي ومستحيل الاقي وحدا مثلك وانتي حبيبتي الي محد يعوض مكانها
فرح : واحشنييي حييلل
عزام جلس يدلعها بكلاماته وغزله له وهي تضحك بدلع
براءه كانت مصدومه من كلامه لها وكانها زوجته تقشعر بدنها وتحاول م تسمع بس هو صوته عالي
طلعت من الغرفه وسكرت الباب وراها وهي حرانه
اخذت نفس طويل
شافها احمد الي طالع مع الدرج ومنصدم من شكلها
وقف قدامها ونزل راسه لها وهي نزلت عيونها
احمد : شفيك؟؟
براءه اشرت ب ولا شي
احمد م يعرف ايش سبب انها م تطالع فيه ودايم عيونها بالارض ملاحظ عليها
تنهد
احمد : هاذي شفيها منزله عيونها كانها عروس بليلة دخلتها
توسعت عيونها بصدمه ورجعت نفسها للوضع الطبيعي
احمد اشر لها تروح : خلاص روحي
مشيت براءه وهي خلاص بتموت
قابلها ابو احمد بطريقه
براءه بنفسها -هاذا الي ناقصني -
مشيت من جنبه ولا كانه تشوفه
طلع لداره
نزلت براءه وشافت ان البيت نضيف ومافيه احد
حطت راسها ع الطاوله
ونامت من التعب
بدون م تحس ع نفسها غفت
من التعب الي اغلب شغل البيت عليها وفوق هاذا وقاحة عزام واحمد معاها
صحيت من صوت الباب
جات بتفتحه بس جاء فهد وقالها تروح
راحت للمطبخ وطالعت الساعه
انصدمت كم لها نايمه الحين مغرب
تنهدت وطلعت تشوف رغد
دخلت غرفت رغد وشافت عندها بنات
رغد تأشر لها وينك: من اول انتضرك
براءه اشرت ب انها نامت بحزن
رغد : اوك م عليه بس نبغى قهوه وحللا كذا شكلي لنا
براءه اشرت ب اوك وخرجت
الاء : اروح ربطه
ولاء تضربها : اسكتي بس
الاء: يمه كيوووت بصير صحبتها
رغد ضحكت : تصدقين اخواني خاقين عليها
الاء: م ينلامون والله جميله
رغد : مرا كيوتت
ولاء : لاتعطونها اكبر من حجمها ترا الشغالات هالايام يخوفون
رغد : هههههه تخيلي تتزوج واحد من اخواني يوه عشان ابوي يطير رقابهم
اسيل : والله لو انها سعوديه ع طول زوجتها وسيم
رغد : للأسف
وكملو سوالفهم

~~||~~

عند الشباب الكل كان متواجد فغرفة عزام الا احمد بدوامه
عزام وفهد والنايف وإياد ووسيم
فهد : اف وين القهوه
عزام : بقوم اشوفهم
طلع وسابهم بالغرفه
نزل للمطبخ وما شاف فيه احد
تنهد
جات سيمارا : شو بدك استاز عزام
عزام : وين القهوه ي سيمارا طولو علينا الشباب ينتضرون
سيمارا : هلا باري بتجيبها ليكن
عزام : اي قولي لها سريع لاتطوول
سيمارا : تكرم عيييينك
عزام يحك راسه : وين باري
سيمارا : م بتطول راحت تبعت الاكل للبنات
عزام : اها زين
سيمارا استغربت من سؤاله عن براءه تنهدت يوم راح : الله يبعد عنك اولاد الحرام ي حق اي والله اني غلطت من البدايه مكان يصير هالشي اي والله م بنام ليلي من خوفي عليها اي انا بنت انجزبت إلها عاد كيف الصبيان
نزلت باري وشافت عزام بطريقها طالع طنشته ومشيت ع طول
مشي عزام ولا كان صار شي
طلع داره وراح للشباب
سيمارا : قهوة الشباب جاهزه بس وديها لهم
براءه اشرت ب طيب ومشيت
شالت الصينيه الي كانت فوق طاقتها بس حاولت ترفعهم
ثقيلها فيها كوفي تركي وقطع حلى
وصلت للغرفه ونفسها مقطوع
حطت الصينيه ع الارض واخذت نفس
دقت الباب وفتحتو
والغرفه كانت ضلام وفيها بلاك لايت والاضاءه ع اللون الازرق معطي الغرفه جماليه الغرفه بارده
اياد فهد يلعبون سوني
والباقي كل واحد ع فونه الي جالس ع السرير والي ع الاريكه
وشكلهم مبعثر
دخلت الغرفه بس م كان احد منتبه لها
حطت الصينيه وطالعوها كلهم بنضره وحدا
النايف : اما
اشر لها عزام عشان تنتبه له: باري وزعي قطع الحلا بالصحن ووزعيهم ع الشباب
فهد : النايف عيونك لا تطلع من مكانها
النايف : اوص لاتسمعك بعدين تخق علي وتطفشني
فهد : اصلاً بكمه لا تسمع ولا تتكلم
هي كانت سامعه كلامهم
إياد : والله صاروووخ هه
كان نفسها تقوم تفقع عيونهم الي تاكلها من رجولها لا راسها بلعت ريقها وهي مصدومه منهم
وقفت بعد م وزعت الحلا بالصحن
وجلست تدور لهم وهم ياخذون القهوه والحلا وعيونهم عليها
بهاللحضه وصلت لوسيم الي كان ع السرير
جات عينه بعينها
بهاللحضه توسعت عيون براءه بصدمه شالت عينها عنه
وسيم -وين شايفك ويين- ضل يطالعها ولاحضه عزام
عزام نغزه : شفيك انت
وسيم : شفتها بس مدري وين
عزام : يتهيألك
وسيم : وقسم بالله وجهها مو غريب علي عيونها كل شي
عزام : غريب
النايف : والله ي فهد شغالتكم حريقه بخطفها
اياد ضحك : اثقل بس
فهد ؛ والله لو انها تسمعكم يمديها جلدتكم
عزام : تراها مسلمه
النايف : حسافه
وسيم ضل يطالعها
وقفت عند عزام واشرت تبي شي!
عزام : خلاص روحي
شالت الصينيه ولفت وصدمت بالي كان وراها
احمد تألم من ايده الي ضربت بطرف الصينيه الحاده
انصدمت براءه وتوسعت عينها
وبنفسها -احسن تستاهل-
ضحكو الشباب ع شكله
احمد بصراخ ويطالعها وعيونه كل شرار : مجننوونه م تشوفين قلنا صمخه وبكمه مشيناها اما انك م تشوفي هنا بكسر راسك
وقفو الشباب ضحكهم بصدمه
اما براءه بهاللحضه حست بالسكين الي دخلت بصدرها
وسيم : خلاص احمد بسيطه ماله داعي هالكلام
فهد : تراها تفهم حركة الشفايف
لاحظها عزام كيف منزله راسها وكانها تخفي شي
عزام تنهد وراح لها واشر لها تطالعه كانت رافضه تطالعها بس لاحظ ع انفها الي حمر وخدودها نفس الشي
عرف انها بككيت.
جلس احمد ولحقه عزام
وبراءه طلعت
راحت للمطبخ الي كان فاضي جلست ع الطاوله
وبكت بدون م تحس
بهاللحضه انذلت بس تداركت شعور الالم الي بداخلها مسحت دموعها بسرعه
وراحت غرفتها تريح
طالعت الساعه 1الليل
تأخرت ع امها الدواء الي لازم تواضب عليه
تنهدت طلعت فونها واتصلت ع هنادي بس م جاها الرد كررت ونفس الشي
توترت حيل لبست عبايتها وجات بتخرج بس خافت ان احد يشوفها
نزلت الربطه وجلست تهز رجولها تنتضر سيمارا
لاحضت الباب الي انطق توقعت انها سيمارا قامت وفتحته
اول مرا يشوفها بدون ربطه وشعرها مفتوح ولابسه العبايه
توسعت عينه بصدمه من جمالها
احمد : وين رايحه!!!
توترت ولاحظ توترها
اشرت ب لا
احمد : اجل ليش لابسه العبايه !
اشرت ب انه تصلي
احمد : اها اوك الشباب راحو اطلعي نضفي الغرفه
تنهدت واشرت انها بتنام
احمد : كلامي م بعيده عزام فوق تعبان بسرعه اطلعي رتبي الغرفه وبعدين نامي
دخلت سيمارا وشافتهم
سيمارا : شو استاز احمد؟
احمد : اقولها تطلع ترتب غرفة عزام
سيمارا : ووين كالا ونيبار؟
احمد : هالسؤال اسأله انا لك
سيمارا ضربت راسها : اليوم اشتغلو كتير وامك ئالت يرتاحو
احمد : زين خلي باري تنظف
سيمارا : اطلع انت هلا وانا بحاكيها
احمد تنهد وطلع
سيمارا : باري انا لازم اروح الاولاد عئدو ابوهن بعتزر منك ممكن م حتروحي لأمك!!
براءه بصوت هامس : دواء امي وقته راح
سميارا : ياربي شو بدي اعمل وحياة الله م بئدر انا بحاول شئ عليها ؟!تمام
براءه : اوك
طلعت سيمارا وهي بحسره بس بتروح تشوف الاولاد بعدين تروح لأم براءه
براءه نزلت العبايه ورفعت شعرها كوكينه وربطت الربطه واخذت المنضفات وطلعت للغرفة عزام
شافتها بارده وهو منسدح واضح انه تعبان
احمد : بسرعه خلصيها بخمس دقايق
تنهدت وهي ترتب بسرعه وتمسح الارضيه
بعد م خلصت طلعت

~~||~~

طفش وهو واقف ينتضر احد يخرج او احد يجي
طالع الساعه 2ص
جاء بيحرك بس لاحظ السياره الي جات ووقفت
عرف انها هي الي جايه
نزلت وحدا وفتح الشباك وانصدم من الي شافه
وسيم : مسسستحيييل !!



~~||~~

نهــايةة البارت توقعاتكم للبارت الجاي