لأجل امي اصبحت خادمه

جزء 2

  البارت الثاني


~~||~~

وقفت وهي ترجف
وبنفسها -صار لي شي والا انا مت وم احس؟؟؟-
فتحت عيونها وجسمها يرجف
تجاهلت السياره والضوء الي ع عيونها
جلست عند امها ومسكت يدها
براءه بخوف : اميي فيك حاجه؟؟؟
ام البراءه بصوت يرجف : يمه انا بخير انتي فيك شي
البراءه اشرت بلا
طالعت السياره الي باقي واقفه والضوه مجهر ع عيونها حطت ايدها ع ضوء تحاول تشوف فيه احد واقف يمينها او يسارها
البراءه : وين م شوف فيه احد لايكون صاحب السياره صار له شي
ام البراءه : روحي شوفيه يمه
راحت البراءه وهي ناسيه انها بدون طرحه
وقفت قدام الشباك وتحاول تفتح الباب الي مقفل
السياره كانت فخمه من براا
ضربت الشباك وفتح الشباك
شاب
وسيم الملامح.
نزل الشباك كله وتكه ع السياره وطالعها
براءه : اخوي فيك شي!!
بصوته المبحوح : نو وانتو
براءه مستغربه من بروده اشرت بفيسها ب لا
براءه وهي متوتره : زين اعتذر والله كنت سرحانه
الشاب مد ايده لها : اسمي وسيم
براءه تنهدت وجات بتمشي بس نزل من السياره ووقف
وسيم : لحضه
راحت براءه لأمها ومسكت العربيه بتدفها بس طالعته ؟
وسيم : شنو مطلعكم هالوقت احنا اخر الليل وانتي كاشفه ومعاك مريض يعني خوف ؟؟
براءه بحزن : امي طلعوها من المستشفى وانا راجعه للبيت
وسيم : وين اهلك اخوك ابوك
براءه بحزن وبضيق : م عندي!
وسيم طالع المكان كان فاضي : والله خوف عليكم وين بيتك
براءه : مو الشارع هاذا الي بعده ب اخره
وسيم : حي ال***
براءه اشرت ب ايه
وسيم طالع شكلها الذبلان وبدون جاكت يغطيها ع الاقل من البرد ودرجة الحراره 2 وهي تنتفض حزن ع حالها
وسيم : طيب اوك عادي اوصلك بس دليني بيتك
براءه بخوف : لالا
وسيم لاحظ خوفها ورجفتها الي زات ً
نزل البالطو الي عليه ومده لها : انتي وجهك محمر وجالسه ترجفين من ساعه انا عند اختي وما ارضى عليه وانتي بحسبتها والله اني بوصلكم البيت وبرد للفله
ام البراءه : يمه حطي ع راسك
البراءه : اخوي م ابي اكلف عليك وجاكتك خليه لك انا مو بردانه
وسيم طنشها وراح عند ام البراءه : اسمعي خالتي واضح عليك انك تعبانه وبردانه انتي بعد ووبنتك بعد شكلها متجمد وبدون جاكت ووجها ذبل من البرد ووقفتك انتي وبنت بهالمكان وبهالوقت خطيره يمكن يجي ولد حرام ياخذ بنتك ويروح ويسيبك هنا تموتين بحرتك ع بنتك والبرد
ام البراءه اقتنعت بكلامه : طيب اوعدني يمه انك توديني بيتي ؟
وسيم : وعد مني اني م بسوي لكم شي وبوديك بيتكم
ام البراءه اشرت ب اوك
والبراءه متوتره وبردانه دف العربيه ووقفها عند باب السياره جات البراءه ورفعت امها ودخلتها بداخل السياره الي من جواتها كبيييره واضأتها هاديه
شال العربيه وسيم وحطها بالشنطه سكرت براءه باب امها وجات بتركب من الجهه الثانيه بس صدمها يوم حط الجاكت ع كتف البراءه وركب السياره
ابتسمت براءه حست بالامان
ركبت السياره وقلبها يدق ريحة السياره
دخان وعطر ودافيه
طالعت امها الي غفت بسرعه وقطع عليها صوت الجوال رفعت السماعه وجلست تتكلم بصوت هادي مسموع للوسيم
هنادي : وينك انتي شوفي كم اتصال خوفتيني عليك
براءه : هنادي والله انشغلت شوي والحين راده.
هنادي : طيب انا افكر فيك من اول شنو بتسوين
براءه : انا بدور لي شغل عشان امي
هنادي : كيف ي براءه وانتي دوبك طالبه
براءه : واذا طالبه م يهمني بفصل من المدرسه عشانها ي هنادي امي اهم شي تعيش ولا انا مين بيكون لي بعدها
هنادي : اتحدى اذا لقيتي اصلاً ممنوع وانتي م معاك شهادة ثناويه
براءه : ي هنادي انا انكسرت اليوم كثير من كلامه لي والله مو قادره استوعب الي يصير لي انا حتى يدوب اوفر الاكل لأمي انا تمر ايام م اكل فيها شلون تبيني اضل اشوف امي تموت قدام عيني
هنادي : طيب انا بعد بدور معاك
براءه : من بكرا الصباح بدور
هنادي : والمدرسه
براءه : خلاص بنساها م عاد بداوم
هنادي : م اقدر اداوم بدونك وانتي مجتهده اصبري سنتين ع الاقل
براءه : من هاللحضه انا جالسه اضيع وقت مفروض اني دورت لي شغل من زمان
هنادي تنهدت : ردي البيت واكلمك
براءه : اوك باي ونامي عشان المدرسه
سكرت الخط وهي حزنانه ع حال امها الي جنبها
شدت البالطو ع جسمها ودفنت راسها جواته شمت ريحة عطره الي بالبالطو استنشقتها وغمضت عيونها ثواني وفتحت ع صوته
وسيم سمع كل الي دار بينهم وحزن حيل عليها
وسيم بحزن : ليش توقفين دراستك اكيد امك م بترضى
براءه انصدمت -شكله قاط اذنه معاي-: اخوي لو انت بمكاني بتسوي الي بسويه
وسيم : وصلنا الحي دليني ع بيتك
براءه وصفت له لين م وصلو
حطت اللثمه ع انفها ونزلت نزل معاها وراح يطلع العربيه
راحت فتحت باب السياره
شافت امها نايمه بتعب
غمضت عيونها بحزن ع حالها وتشوف كيف جسمها ثقيل م تقدر له عشان النايم جسمه يصير ثقيل بحيث ان كل اعضائه مرتخيه
حاولت تشيلها هو شاف كيف ضعفها
وسيم : اساعدك؟
براءه اشرت ب لا : قرب العربيه بس
قربها منها ورفعت امها بكل قوتها الي حست ان انفاسها انقطعت وحطتها ع العربيه بهدوء عشان م اتحس وتصحى امها
وقفت وحست بالدوخه الي اجتاحت جسمها
وخر عن العربيه عشان هي تمسكها بس لاحظ ان ايدها كانها ضايعه تدور مسكت العربيه
استغرب منها شاف عيونها الي مغمضتها
وسيم : ليش مسكره عيونك
براءه وحست بنبضات قلبها الي زادت عرفت ان جاها هبوط
براءه وبصوت تعبان : دايخه شوي لا يهمك
جات بتنزل البالطو بس طالعها
وسيم : لا م احتاجه خليه عندك
براءه : مستحييل
وسيم : والله مراح اخذه خليه معاك
براءه : شكراً ع الي سويته معاي لو غيرك كان استغل هالفرصه
وسيم : م سويت الا الواجب وانتي مثل اختي
براءه سحبت العربيه بصعوبه
وسيم : وخري انا بدفها انتي يالله تشيلي نفسك
براءه : لا
وسيم : خلاص دليني وين بيتك
اشرت له براءه ع بيتها الي كان من البيوت الشعبيه القديمه
دف امها وهي فتحت الباب بالمفتاح دخل وحط العربيه وطالعها
شاف عيونها الناعسه المحمره الي واضح انها كانت تبكي بس بالخفى ضل سرحان فيها
براءه توترت من نضرته لها هو حس ع نفسه
وسيم : اسف
مد ايده وحطها بجيب البالطو وطلع وهي مستغربه من تصرفه سكرت الباب وراه وطالعت البالطو الي فيه ضرف
طلعت الضرف ب استغراب
ومكتوب ع خارج الضرف رقمه وتحت
-اذا احتجتي اي حاجه انا موجود-
فتحت الضرف وكان بداخله 2000 ريال
م قبلتها منه
طلعت برا تدوره بس سيارته اختفت تنهدت بضيق
ودعت له بضهر الغيب

~~||~~

الصباح
بالتحديد
ف قصر الراشد
الكبييير
دخلت سيمارا وسلمت عليهم وطلعت تشرف ع الخدم

نوصف لكم
الراشد كبير بعمره عنده شريكات معروفه ب اسمه
عمره 56 سنه
طيب وحبوب مع عياله بس هيبته قدام الناس كل شي
عند 3 عيال وبنت
زوجته هند
عمرها 53سنه
طيبه مع عيالها وشخصيتها قويه قدام الكل

عيالهم
احمد 26 دكتور برونزي البشره شعره اسود مخففه مع الاطراف وطويل من قدام اي شبه سبايكي معضل ملامحه حاده عيونه وساع سوداء اللون رموشه كثيفه وطويله انفه حاد شفايفه صغيره ودقنه سكسوكه جماله مخرفن الكل
عزام 23سنه يدرس جامعه معضل بشرته فاتحه شوي ملامحه حاده عيونه وساع وانفه حد السيف وشفايفه شوي كبار معطيته جاذبيه شعرها سبايكي ويلمه واحد عنده شنب خفيف جميل بس مو مثل وسامة احمد
فهد 20سنه مخلص ثانوي ويدرس تحضيري شوي مهمل بالدراسه وم يداوم كثير يشبه كثير ل عزام بس هو مو معضل مثله
رغد 19 س تدرس اخر سنه ثانوي بمدرسه خاصه دلوعة البيت ملامحها ناعمه كيوت بيبي فيس عيونها وساع ورموشها كثيفه بشرتها فاتحه مثل عزام انفها نحيف مراا وصغير شفايفها منفوخه بس مو مرا ورديه

سيمارا مشرفت الخدم سورية الاصل عايشه بالرياض وتشتغل مشرفه ع الخدم الي تجيبهم والي تسفرهم لو شافت منهم غلط حنونه تعذرهم احيان وتحب تساعد الناس الي محتاجين مع انها هي بعد محتاجه بس شغلتها ف بيت الراشد انعمة ع نفسها وعيالها محجبه ويحبونها كل الي بالبيت لانها طيبه وتساعدهم لو احتاجوها وساعات عملها متى م انتهى شغل الخدم تخرج للبيتها الي ساكنه فيه مع اولادها


~~||~~
مرو يومين كانت تبحث فيهم براءه عن شغل يناسبها
بس الكل رفضها بحجة انها باقي طالبه وممنوع
تداركو اهمية قد ايش انها محتاجه للشغل عشان امها وانها لو تكرف ليل نهار عادي اهم شي تسرع بالموضوع عشان سلامة امها وقيدها ع هالحياة

جالسين ع طاولة الطعام الساعه 9:30ص
فطورهم يوم الجمعه يكون متأخر عشان ويكند
مو نفس اوقات الدراسه الساعه 6:30 الكل ع الفطور
منضمين ب اوقاتهم
بس مو كل يوم يعني احيان

رغد : لو خليتوني انام مثل احمد
ام احمد : احمد امس كان عنده طوارئ عشان كذا طول بالمستشفى اما انتي ليش سهرتي
رغد : البنات كانو عندي عشان كذا طولت بالسهره
ام احمد : تستاهلي
عزام : يمه مشتهي سمك اليوم
ام احمد : من عيوني يمه انت امر بس وانا اكلم سيمارا تكلم الطباخين
عزام : يخليلي ياك يمه
ام احمد : يمكن يجوني حريم عمانك اليوم
رغد : اي يمه قالت لي اسيل
ام احمد : يعني المغرب نكون جاهزين وذكريني احاكي سيمارا تجهز الحلويات
رغد : يمه سيمارا لها يومين م تطلع الا اخر الليل والله تحزن
ام احمد : اي والله من زمان م اعطيتها اجازه
رغد : خلاص من بكرا لاتجي واديها لو يومين تراها عاشت سنين هنا
ام احمد : ان شاءالله ذكريني بعد بهاذي
رغد : يمه كل شي اذكره فيك
ام احمد : عند اليوم توزيعات للعمل الخيري في جمعية ال***** وانا كلمت السواق يجهز الحافلع الي فيها توزيعات وتبرعات للمحتاجين
فهد : الله يكتب لك الاجر يمه
ام احمد : اكيد هاليوم من كل سنه لازم اتصدق فيه
فهد : ومازلت م اعرف الاجابه ليش تسوين كل سنه كذا
ام احمد : سالفه قديمه يولدي عشان كدا انا اسوي هالعمل ولحد يسأل كل سنه بقولك لا تسأل ولا بتضايق
رغد : لالا كلش ولا ضيقة ام احمد
ام احمد ابتسمت ووقفت : انا شبعت يالله طالعه للداري
رغد وفهد وعزام : الله يحميك
طلعت امهم

~~||~~

حط راسه ع سريره من كثر م اشغلت باله
تنهد تنهيده طويله
-كيف ناس عايشين بهاذي الحاله وم عندهم اهل يساعدونهم كيف هالوجه الناعم الجميل الي حتى بالضلام باينه ملامحها الجميله م فيه احد فكر يساعدهم وين اهلها اعمامها اخوانها اهخ شغلت بالي هالبنت الي يحميها ويعونها
قطع سرحانه صوت الباب الي انطق
وسيم : ادخلِ
*****| هاي
وسيم : هلا اسيل شنو تبين
اسيل : شفيه اخوي له يومين يتضايق حيل
وسيم : مشغول بالي والله
اسيل : بسم الله بشنو؟

لحضه نعرفكم عليهم
عائلة هلال
هلال يصير اخو الراشد الوسطاني
عمره 54س شريك اخوه ب شركاتهم الي معروفه
عند ولدين وبنتين
زوجته هيفاء عمرها 53 س حبوبه حيل
وسيم : 25س اسم ع مسمى جميل برونزي البشره معضل دارس ادارة اعمال ومع ابوه واعمامه بالشركه عيونه حاده مثل الصقر عدساته بنيه حواجبه كثيفه انفه حد السيف شفايفه صغيره شعره اسود طويل لنهاية رقبته لحيته عنده شارب وسكسوكه بنيت جسمه شوي ضخمه ينافس احمد بجماله
النايف 22سنه يدرس جامعه يشبه للوسيم بس بشرته بيضه جسمه شبه معضل طويل وشعره قزع سبايكي يحب ستايله والخرفنه باقي يدرس بالجامعه بس مهمل شوي
رهف : 24سنه متزوجه من ولد خالتها حمد جميله ومعاها بنت صغيره اسمها شهد عمرها سنتين
اسيل 19س يشبهوها برغد حيل بس بشرتها فاتحه شعرها لتحت اذنها وناعم لونه تدرس اخر سنه ثناويه مع رغد بمدرسه خاصه وطيوبه حيل وخوافه وحساسه

وسيم : وهاذي هي السالفه كلها
اسيل مسحت دمعتها : يحرام يعني هي بتترك دراستها ؟ عشان امها
وسيم : الي فهمته انها تبي تعالج امها
اسيل : ي حبيبتي شنو اسمها !
وسيم : م اعرف عنها شي بس واضح انها صغيره مرا نتفه
اسيل : الله يكون بعونها
وسيم : عادي اعطيتها مبلغ تساعد نفسها فيه بس مدري شنو صار عليها
اسيل : والله الناس الي كذا يبكوني
وسيم : بالليل لحالهم يمشون يويلي خفت عليهم من عيال الحرام
اسيل : طيب اهلها وين
وسيم : مو هاذا الي محيرني
اسيل : انزين خلاص ادعي ان الله يلطف بحالهم
وسيم : مرا صغيره ي اسيل تحزن
اسيل : خلاص تبكيني بعدين
وسيم : خلاص بسكت
اسيل : بنروح اليوم عند عمي الراشد
وسيم : كويس اقطعي الشارع تلاقينهم قدامك
اسيل : يعني تساعد المسكينه ذي وماتوديني لهم
وسيم : عندك السواق
اسيل : افف بروح معاك ياخي
وسيم : اذا كنت موجود ان شاءالله
اسيل تنهدت وضلت تطالعه
وسيم : شفيك تطالعيني اطلعي بنام تعبت من التفكير لي يومين
اسيل : مالت عليك
وقفت وطلعت من الغرفه
شافت النايف خارج من جناحه
اسيل : وين بتروح
النايف جاء لعندها ومسكها مع اذنها : كم مرا اقول م احب احد يسألني وين تروح ومنين جاي
اسيل تنهدت وبألم : ي غبي انا طفشانه رهف سافرت مع زوجها وامي راحت للجمعيه الخيريه ووسيم نام وانت بتخرج
النايف : وشايفتني ترفيه عندك
اسيل بدلع : نيوف وديني لرغد
النايف : اعطيك كف امسي كنتي عندها
اسيل : طيب شنو اسوي
النايف : م كثر الله غير الطوف الي ف بيتنا اختاري لك طوفه وسولفي وياها
اسيل : اخوان مو مستفيده منهم واحد طايش والثاني بس سرحان ومهموم والثالثه عايشه مع زوجها وامي بالجمعيات والعزايم وابوي بالشركه وانا تراب هنا جالسه م عندي شي
طنشها النايف وطلع
ركب سيارة عزام الي من ساعه ينتضره
عزام : لا بدري مرا
النايف : امانه حدي مصدع اسيل ذبحتني بحلطمتها
عزام ضحك : ليش شفيها
النايف : بس طفشانه هاذي شغلتها بالحياه
عزام : اي م تنلام انت اربع وعشرين ساعه داشر برا واخوك بالشركه واختك رهف متزوجه وعمتي مشغوله وعمي بالشركه وهي احسها بس تداوم م عندها فله
النايف : ي ليل اروح انتحر عشان افتك منكم ومن حنتكم
عزام : اي عادي انتحر ودعي ادعس واحد اصلاً انا ب اسرع وانت نط ع السياره وموت كذا يكون عليك الغلط
النايف : اص اص اص خلاص مر الصيدليه جيب بنادول
عزام : اشتغل عند اهلك انا انت انزل بيتكم وخذ بنادول ولا اقول روح للاحمد دكتور يعالجك من الصداع وكذا وبعدين انت لك ساعه داخل ليش م تطلع بسرعه
النايف : راديو راديو لوك لوك ولا. كلجه
عزام يضربه : قول مشاءالله حسبي الله عليك بموت بسبتك او تنقطع الاحبال الصوتيه
النايف : يارب انها تنقطع احبالك الصوتيه انت واسيل عشان ارتاح
عزام : ان شاءالله تتفجر اذونك عشان م تسمع
النايف : اقول بتمشي ولا اركب سيارتي
عزام ضحك ومشي : وين نروح
النايف : نقز شوي
عزام : ي ليل وان طبو علينا الدوريات