لأجل امي اصبحت خادمه

جزء 13

البارت الثالث عشر

~~||~~

جالسه بالمطبخ المساء
حاطه ايدها ع راسها
لها سبع شهور تشتغل بهالبيت
ولا قدرت تطلع شي يخص امها
يعني بنسبة 90٪ ابوها مو الراشد
تقسم الاحتمال بين ابو وسيم وابو إياد
اليوم كان دور نيبار ب الاكل وبكرا دورها
طفشت من جلستها ووقفت بتروح تجلس مع كالا ونيبار الي هم بعد طفشانين
جات بتدخل الغرفه بس شافت الباب مفتوح
واصوتهم واضحه
كالا : والله انتي خطير كمان يبقى خلي احمد يحوب انتا
نيبار : ايوا انا ابغى احمد يعشق انا يبوس رجول انا يكره كل شخص يصير خدام عند رجول انا بعدين زواج انا
كالا : انا ابغى ازام (عزام)
نيبار : انتي اسبر انا خلي احمد حقي بعدين انتي دور
كالا : هادا شوغل فهد انتي خلاس م يفكي
نيبار : لا لا انا خلي فهد كذا لين م يموت انا اكره فهد
كالا : ههههه مسكين فهد بيبي صغير موت شوي شوي
نيبار : انا بيبي يهاوشني انا سوي عمل خلي فهد يموت
توسعت عيون براءه بصدمه
حطت ايدها ع فمها وراحت للغرفتها وسكرت الباب
(شلون يعني نسيت ان نيبار وكالا كانو متفقين يسحرونه شلون راحت عن بالي ليش ي براءه نسيتي الحين وين ادور العمل اهه ضلمتك ي فهد سامحني خليتهم يسوون الي ببالهم بس مو قادره حتى انطق لازم ابحث وراهم ي براءه لازم مهما صار انتي تنقذين حياة شخص مو حياة الي ممكن يكون اخوك او ولد عمك)
طلعت للمطبخ سوت لها كوب نسكافه وجلست ع الطاوله
حست بدموعها الي امتلت بعيونها
دخل عزام وشافها جالسه لحالها وتبكي
عزام طالع يمين ويسار تأكد ان م فيه احد
عزام بصوت هامس : ليش تبكين!
براءه وعينها ع كوبها : تذكرت امي
عزام : الله يرحمها ادعي لها
براءه : وحشتني حيل الله يغفرلها ذنبها
عزام : انتي كم باقي لك وينتهي شغلك هنا؟
براءه : سنه وخمسه شهور؟
عزام مسك ايدها : بتزوجك بعدها هذا عهد قطعته ع حالي
سحبت ايدها واعطته ضهرها : مستحيل
عزام : شلون يعني مستحيل شنو براءه انا شخص م يتشرف فيني
براءه : الف بنت تتمناك بس انا لا
عزام : يعني انتي م تتمنيني مثل م اتمناك كشريكة لحياتي
براءه : الحين انت م راح تفهمني ؟؟
عزام : يعني شنوو م افهمكك اشرحيلي سبب رفضك لي عندك حبيب
براءه : لا
عزام : احد مانعك مني!
براءه : لا
عزام : اجل زواجنا بيكون ع سنة الله ورسوله
براءه : مستحيل
عزام طالعها: كمان مستحيل ب اي ديانه تبيني اتزوجك
براءه : فهمتني غلططط
عزام بهمس : شلون فهمتك غلط انتي خايفه من شي ؟
براءه : م اقدر اقولك بس ممكن زواجي منك .
عزام : اي ممكن زواجي منك ايش !! مثلاً حرام هههه
براءه : اي ممكن حرام
عزام : استغفرالله ليش انتي اخت لي او امي او خالتي او عمتي !
براءه : ممكن
عزام : ههههههه شتقولين ي مجنونه
براءه : ارخي صوتك لحد يسمعك بس ممكن زواجنا يكون حرام
جات بتمشي بس مسك يدها وسحبها
عزام : كيف يعني حراام؟
براءه : لاتضغط علي م ابي اقولك بعدين تعرف
عزام : ابي اعرف الحين ووعد بساعدك
براءه : عزام خلاص روح
سحبت ايدها ودخلت دارها وسكرت البااب
عزام : هاذي شتقول والله م فهمت كل الي تقوله
سحب نفسه وخرج من المطبخ