في جحر شيطان

بارت_ 3

👑 Sõfî brada
#بارت_3
اسحاق: (😤شنق عليه)  واش دينمك انا كنتسناك تهجا عليا هنا...طلق سربي قول شنو كاين قبل ماطلع روحك في يدي....
الطبيب: كح... كح...كح.... الحالة ديال الاخت ديالكم نفسية ماشي عضوية... البقاء ديالها هنا في المستشفى ماغايزيدها ماينقصها ممكن جاااع يزيد يأزم حالتها الصحية... من الاحسن تحاولو معاها باش ترجع لطبيعتها.... و من الضروري تبع مع شي بسيكولوج باش تخرج ديك الطاقة و داك الحزن لي خازنة في الداخل ديالها.... 
اسحاق: ممممممم اوك انا غانتكلف.. 
الطبيب: اوك نخليك انا دابا.... نمشي نشوف مادموزيل جنينة كيف بقات... 
(شير ليه بيديه 😠👈 زعما غبر من خليقتي.... وهو يغبررررر 😂😂😂 الهروب رجلة....) 
اسحاق: الو وي.... خاصك دابا تجي
....: مايمكنش عندي شي شغال ضروري مانقدرش نخليهم.... 
اسحاق: خلي اي حاجة في يديك و جيني دابا.... انا في استراليا 😡 😡
....: شنووووووو... جنينة بيخير؟؟؟ 
اسحاق: جنينة في الصبيطار حالتها النفسية مدمرة... و كنضن انت الوحيد اللي غتعرف تخرجها من الاكتئاب لي هي فيه.... 
....: شنو و امتى طرا هادشي؟  و علاش ماعلمتينيش من الاول 😤....
اسحاق: ماشي وقت هاد الهضرة دابا... حتى تكون عندي و نهضرو... 
(قطع الشخص الخط و عيط للمساعد دياله وجد ليه طائرته الخاصة و قلع... و الوجهة اكييييد استراليا...
دازت تقريبا شي 12 ساعة بالحساب لقاتو وصل و هز التليفون كيعيط على اسحاق كيعلمو بالوصول دياله و كيطلب منو عنوان المشفى باش يمشي ديريكت.... 
اسحاق: الو...  وصلتي
...:وي اشنو سميت الكلينيك فين راكم؟؟؟ 
اسحاق: مايحتاجش راه تاصلت بستيف يدوز يجيبك.... 
...:😡 عطيني العنوان انا مامحتاج لا ستيف ولا غيرو.... 
اسحاق: باراكة من هاد نشوفية الراس لي فيييك... و زايدون ماعنديش ليك المورال باش نتصادع معاك 2 min غتلقا ستيف عندك point final....
(كيما قال نيييت ماكاملاش جوج دقايق حتى كانت واحد لالة مولاتي مرسيدس كحلة كيف ضلام الليل يلاه خارجة من la maison... واقفة ليه حدا رجليه... تم نازل منها داك ستيف قدم عهود الولاء و الطاعة و هو حادر الراس... ركب معاه الشخص اللور و هو القدام صايج... جهد شي ساعة تاع الطريق كانو قدام الكلينيك... نزل بكل هيبة و جبروت كيقول يا ارض تهدي ما عليكي قدي 😍😍😍....و لكن بيناتنا خلا الطايح كثر من النايض و الفرمليات يتغامزو عليه... كولشي كيسول شكون هاد الشخص لي داخل بدون مايدير اعتبار لحتى حد....ماوقف حتى وصل قدام البيت تاع جنينة لقاها  ناعسة 😴... غير شافها في ديك الحالة قلبو تهز من بلاصته...
....: شنو وقع ليها؟؟؟ 
اسحاق: (بلا مايشوف فيه)..... عاود ليه القصة لي طرات من a حتى z...
و دابا جاها انهيار عصبي حاد 😕😕