في جحر شيطان

بارت_4

#بأنامل_من_ذهب:
👑#Sõfî_Brada & #Titima👑
# البارت_4

غير كمل إسحاق هدرتو ...مشى عزالعرب طاير ، يشوف ختو جنينة ..وردة عائلة أورتييييغا ...لي لا مقام يعلى علييها...،
سبق إسحاق ومشى كيطير للغرفة ليفيها جنينة ، ودخل بلا إستئذان ...
كانت الممرضة كتقيس ليها الضغط و الحرارة ديالها ...،
وداز من قدامها ....للجنينة  لي جالسة وفعينيها جمود ،
شد فيديها ...بقلق ..وتسنى الممرضة تخرج يسول ختو مالها.غير هيا لي كيتيق فييها حتى دكتور فالعالم ميتيق فيه من غير جنينة هيا تعرف حالها حسن من الأطباء ...
دخل وراه إسحاق متبعهم بعينيه..وعلامات القلق عليه حتى هوا ...حاول بخرج جنينة من هاد الحالة لي لا يرثى لها ومقدرش ...، عليها عيط على عزالعرب ...يعرف ليها حسن منو ومبغاش إسحاق يعلم ماماه منال لي جاها السكار ويقولها هاد الخباررر  هتجيها جلطة ...فضل يتستر على الأمر حتى يدوز كلشي على خير ....
عزالعرب : جنينة شوفييي فيييا، قوليلي مالك ..شنو واقع ليييك ..!
جنينة : (الصمت ..المطلق, رافضة تكلم أما مابيها حتى حاجة عضوية )
عزالعرب :(بدى كيستنفذ صبرو ) جنيييينة ..أناعزالعرب ..
قوليلي مالك ...متجنينيش ...
(فقد السيطرة على أعصابو وجمعها معاها بطرشة ...،حتى مال حنكها ونزلو خصلات من شعرررها الحريري ..على عينيها...
وكانت الضربة فيقاتها نييييت من شرودها العمييق....،
شافت فعزالعرب ...وبدات تبكي بالجهدددد ...، قرب وعنقها كيطبطب على ظهرها ...بحنان بالغ ...)
عزالعرب : شششششش ...
جنينة : (خرجت راسها من حضنو كتهشق بالبكى) هئ هئ هئ هئ .....عز.....صاحبتي ماتتتت بين يديا ومقدرت ندير ليها واللللو ...هئ هئ هئ هئ ...مقدرتش خليتها تموت قدام عينيا ....
عزالعرب :(مسح دموعها بصبعانو ) عارفها كانت قريبة ليك بزاف بحال ختك لكن جنينة متكرهيش راسك ،نتي درتي لي عليييك ولكن ربي بغاها حداه ...
وإلا ربي بغى شي حاجة كتكون ...ماعندكي ماديري .
دعي ليها بمغفرة الذنوب ..ياك هدرتي على صح !
جنينة : (نيفها حمر وعيوناتها لي زروق بحال شي بركة دموع صافية) أه ....
(إسحاق من وراهم ...صفق للعزالعرب )
إسحاق : باز ياختي باز عييت معاك تهدري بكل الطرق الحبية ونتي منخلاني ،  ههه كون حسابني تفييقي بطرشة كوني عطيتك وحدة وزدتك الثانييي ...
عاد فهمت علاششس البنات كيتسطاو عليييك ...يديك سباقاك ههه ...
(ضحكو كاملين ...وداز خوها  إسحاق كمل كاع الإجرائات دالسبيطار وخرجوها ...منو ...تحت طلب جنينة ...
مابغاتش تزيد  تبقى  دقيقة أخرى ..تما ...
وفالطريق علمت إسحاق وعزالعرب بلي متقدرش تمشي للداك الدار لي كانت ساكنة فييها مع صاحبتها نورة ...
متقدرش تزيد تجلس تما من بعد ما شافتها تما جثة هامدة
منين هيجيها النعاس وراحة البال ....
بزوج خوتها تافقو معاها على هاد النقطة ..وداوها للوطيل ،
وخرجوها النهار كلو وهما كدورو بيها..من هنا للهيه ......
حمقتهم على ماواقفت على واحد البرطمة بزوج طبقات راقية جدا ..فعمارة بالسيكوريطي ...والباب البرانية بالكود كتحل ..يعني البناية أمنة بدرجة كبيرة ...
قبل مايودعها ...عزالعرب وإسحاق ..فرشو ليها الدار من طاق حتى للسلام عليكم ..كلشي من لاميزو دالأثات للدارها ..كلشي جديد ...دوزو معاها اكثر من سيمانة ..وجى وقت الرحيل ...

بأنامل_من_ذهب:
👑#Sõfî_Brada & #Titima👑
#تتمة_البارت_4

عزالعرب : (جبد كومسة دالفلوس ) شدي هذي إلا حتاجيتي شي حاجة ....
جنينة : أفففف أعز ..فين هنديرهم راني عندي لي كارت ديالي ...
عزالعرب : وإلا خسرات ديك لاكرت ولا طاحت ليك ، تبقاي معلقة ....
إسحاق : شدي ولا مهيتحركشش  ليك من هنا عارفاه كيف داير ....
عزالعرب : كيف ...داير !? كنفكر للمصلحتها ...ماشي بحالك ...ما تنفع ماضر ...شد  خربتك عندك !
إسحاق : هاهوا شادها ...غير طلقنا ...للفراجة ..، راني مخلي كاع شغالي واقفة ...
جنينة : (شدت من عزالعرب الفلوس غير باش تسكتو) هاني خديتها ...شكرا يأحلى وأبگس  أخ فالعالم ...
إسحاق : ياك للمك ونا .عدوك ، مخلي شغالي وجيت  كنجري على سعدي ووعدي ...وهوا عطاك طرشة ولا عندك أحسن أخ فالعالم ...نتوما النسى فالشكل ...
جنينة : هههههه ...إسحاق نتا الكل فالكل ..ميبقاش فيك الحال ....
عزالعرب :(قطع هدرتهم بصرامة ) ديري عقلككك ..كلنا خليناك كتقراي بعييييدة ..حيث تايقين فيييك ...
ماديريش شي حاجة تندمي عليييها وأي حاجة ضراتك بإتصال واحد نجي عندك انا ولا هاد  راس السطل ...
أما ميخيل ..مكتحمليه ما كيحملك ...
جنينة :(تنفست منزلة عينيها) كون هانيييي ..غير متقول والو للماما ، مبغيتش نشغلها على حاجة تافهة ...
(إسحاق وعزالعرب فنفس الوقت) : نووووو وووو بغيتيها تسخط سخطة ما بعدها سخطة حيث خبينا علييها
(باسها عزالعرب راسها ...وعنقها إسحاق كيطبطب على كتفها، ومشاو بحالهم  ..يشدو طيارة الرجوع كلا واحد .غادي للقنت أخر ...من العالم ...
تنهدت جنينة براحة ملي مشششاو وجرت الكمبيوتر ديالها وبدات كتقلب على سمية ...عصابة ..بلاك ...، وهوا يطلع لييها الوحش لي كتقلب عليه بشحمو ولحمو ...فيوتوب ..
حلات عينيها فيه بصدمة ...، قلدة و عامر وشام فيديه وفعنقو ...لابس غير سوفيطمة بالسماطي وجيلي دالجلد ..
وداير نظاظر فوق راسسو وكيضضحك فالفيديو ...
مكانش شي زين ...مي قوة وجاذبية ...وشي حاجة فيه كتخليك تبقى حال فمك فيه والطريقة باش كيضحك ..كتشد العينين ليييه بشرود ...
،نفضت جنينة راسسسها ...ودازت للنقطة التانية .من بعد ماعرفاتو كيف داير فشكلو ، هتقلب عليه  " canberra"
..زنقة زنقة حتى تلقاه ...و بإتصال واحد ...اتصلت بمفتش خاص ..
وخلصاتو أونلاين  عطاتو غير السمية ...فقط ...
عطاها مدة نهار هيكون عندها كلشي فوق الطبلة وداكشي لي كان بكل سرية وصلها طرد للدار ...ديالها فالبريد ...
بالتصاور وكل العناوييين لي كيكون فيه وفيه كيسكن ...
لكن لي ثار إنتباهها طوف مع ختو الصغيرة علييه ...لي سميتها "علياء" ،حطت جنينة صبعها على تصوريتها بتصميم شدييد وقفزت "لقيييتها....لقيت منين ندوز لييييك أبلاك ڤالگوري  ،،،، لقيت منين ندخل فوسطكم وننتقم للموت نورة لي  كنتي سباب رئيسي فموتها ...هننتقم منك وخا يكون داك النهار أخر يوم فعمري ..."