The Faded Spark | TID #1

Chapter 11

Chapter 11

"Hay kapagod!" lupaypay na saad ni Pat.

Malapit nang pumatak ang oras sa alas dose ng tanghali. Nauna nang mananghalian ang instructors at admins kaya kaming tatlo na lang ang natira dito sa Dean's office para magpahinga muna.

Naupo ako sa tabi ni Pat samantalang nasa tapat naman namin si Jo.

"Pero mas pagod na siya kaya nga iniwan na niya ako," madramang sabi ni Jo dahilan para bigla siyang sabunutan ni Pat. Napadaing sa sakit si Joanna samantalang nabigla naman ako sa bilis ng pangyayari.

Hindi ko akalain na may ganitong side pala si Jo. Mas mukha kasi siyang matino kaysa kay Pat. Not that I'm saying Pat is a bad person!

"Bruha ka! Akala mo naman may jowa, eh NBSB ka nga! Vaklang twoh!" Natawa ako sa kanilang dalawa. It is true na masayang kasama ang mga uhm . . . bakla kahit na minsa'y may kasamang pananakit. They're like vibrance in friendship--making it alive and exciting.

"Masama bang mag-emote? Ikaw Renae? Nagkajowa ka na ba?"

Nakangiting aso na sa akin ang dalawa, kinakabahan naman ako roon. Medyo naninibago pa rin ako sa kanila kahit na may kaingayan at maligalig si Alliah. Iba pa rin naman kasi siya sa kanila.

Parehas silang ahead sa akin ng two years. Hindi ko lang tuloy alam if nakaabot ba sa kanila ang nangyari last July--noong sinagot ko si Xander sa gymnasium. Pero siguro naman ay hindi? Kasi kung oo, I'm sure they'll fish some information with me.

I bit my lip whe I remembered Jo's question. Bakit ang hirap para sa akin na sagutin ang tanong niya? Oo lang naman ang sagot pero hirap na hirap akong banggitin. Para naman akong nasa Who Wants To Be A Millionaire at pang one million na ang question sa hirap!

"Ah, e--"

"Ano ba yan Jo! Syempre may jowa 'yan! Sa ganda ba naman nito?" sabat ni Pat at mahinang kinurot ang pisngi ko.

"Ano kasi . . . oo nagka-boyfriend na ako," aniko habang hinihimas ang pisnging pinisil ni Pat. Ang sakit!

Napasipol si Jo sa sinabi ko, "Nag na bakla! Ibig sabihin wala na! Care to share us why and sino 'yang mukhang mushroom na tinubuan ng mukha ang nakipag-break sa 'yo?"

"Pero okay lang din naman kung ayaw mo i-share, 'day! Tsimosa lang talaga itong si Jo! Pero sinetch ba itey?"

Hilaw akong ngumiti sa kanila. Ayoko pa sanang i-open up ang nangyari lalo na't varsity player siya. Baka kung ano pa ang mangyari. Hindi naman sa wala akong tiwala sa kanila, pero gusto ko muna ng privacy at mainam nang mag-ingat muna. Isa pa, sumasagi sa isipan ko na paano kung may alam nga sila sa nangyari at gusto lang kumpirmahin sa akin mismo?

I need to save myself from the drama.

"Ay, by the way, bakla! Nakalimutan kong sabihin sa 'yo na may tune-up ang Team A and B ng Men's Basketball Team ngayon! Ah! Ang dami naman kasing pinagawa sa atin ni madrasta Mendoza!" isterikong biglang sambit ni Joanna.

Napahinga ako nang maluwag doon. Nawala na ang mapang-usisang mga mata nila kanina. Samatalang napalitan na ng gulat ang nanlalaking mga mata Patrick, "Walang hiya ka, sis! Bakit ngayon mo lang sinabi?! Tara na, bakla at magpapawasak pa ako kay papa Xander, ugh!" malanding saad ni Patrick at kinagat pa ang pang-ibabang labi niya.

"As if naman na papayag si papa Xander mo, e napaka-loyal no'n kay Andrea! Grabe 'yong pictures nila sa IG! Nakakakilig! Lakas maka-relationship goals!"

"Malantod lang kasi 'yang si Andrea kaya niya nabingwit si papa Xander!"

My heart sank when I heard that. It stung because he'd never done that when we were still together. 'Yomg i-post ang mga litrato namin sa social media niya. Palaging nasa camera roll ko lang ang mga kuha sa monthsarry namin at tuwing magkasama kami. He also didn't allow me to post them on my account--mahirap na raw at medyo kilalang basket player siya ng college league at baka madamay raw ako sa magulong mundo niya. Isang beses niya lang yata ako naipagmalaki biglang girlfriend niya, at iyon ay noong sinagot ko siya. Kaso sa story lang at hindi pa kita ang mukha ko.