هحكيلكم حاجه
كان فيه بنت الناس شايفينها حاجه كبيره كتلة محبه رؤيتها سعاده ،واحيانا كائن محبوب جدا ولطيف بجانب انها ملتزمه .
لكن هي من جواها حد ناقصه كتير ،حد قلبه فيه جزء مفقود مع فقدانه لبعض عبادته وعلاقاته وشخصيته .
حد بيخاف يفرح عشان ميتعودش ،حد بيخاف يتعلق علشان ميتعبش زياده ،حد بيخسر بارادته خوفا من ان يتخسر في يوم ويعيش الاحساس ده .
كانت حد مغفل حرفيا وبسيطه شكليا وجميله روحيا ،جواها بنوته نفسها تفرح وتعيش احساس الخطوبه والزواج والمشاعر الحلال اللي يسترق بها القلب ،وف نفس الوقت جواها بنوته جبانه خوافه مش عاوزه تخوض تجارب اعتقادا منها لفشلها رغم الكل عارف قوتها وتحملها وصبرها وانها قدها وزياده بس برده لا .
هي حد شاعري جداا وبيعرف يجبر خاطر اللي حواليه ،تقدر تسعد اي حد مهما كانت حالتها ،قلبها جميل اوي بس هش جدا وضعيف ومبيتحملش اقل حاجه بتترك بصمه وبتخلي قلبها مسجون بغبار الحريق اللي وقعت فيه .
هي حد متردد اوي وثقتها بنفسها مش بالقدر الكافي ،نفسها توصل لكل حلم رسمته ولسه متلونش واتعاش تفتكروا هتعيشه ؟
تفتكروا هتقوي في يوم ؟
تفتكروا هتسمح لنفسها تجرب ؟
تفتكروا هتقدر تحافظ ع الناس اللي ف حياتها ؟
#بقلم/مروة الغريب .
