صنعت من حبك تاج مرصع..باجمل الحلي.
وانت ماذا صنعت....
فقط جعلتني عبيدة..ذلك التاج..
( تحت ظلال الخريف)...
قصة حقيقية
⚘⚘⚘⚘⚘⚘⚘
#حروفٌ_مبعثرة#
البارت الاول.
احلامنا الجميلة تزين مخيلتنا حين نغوص فيها.
فمن منا لا تحلم ان تعيش حياة الاميرة السعيدة .
في ذلك القصر الجميل .
تحت ضل ذالك الفارس الشجاع الوسيم ..
تتوسد ذراعيه ..لتغفوا ..بامان وسعادة .
من منا لا تحلم بذالك الفستان الابيض
ذالك الفستان المزين بالآلئي.والحلي ..
ذالك الفستان الذي تحبه الطفلة ببرائتها
ويبهر الرجل حين يراه على جسد عروسه الجميلة .
ذالك الفستان الذي لطالما كان حلم كل فتاة ..
فهل ياترى هو مجرد فستان ..
كلا ...بل هو .يخبأ عالم باسرهِ خلفهُ
اليوم .٢٣/ ١١
الساعة ٧:١٥ صباحا
حسيت على صوت امي تكعدني .كوثر .كوثر.
كومي وكعدي اختج وياج .
فركت عيوني .وبتثاؤب .سلمى
كومي خلي نروح للمدرسة..
.كعدت وتريكت وبدلت .وتوجهنا للمدرسة
واليوم هو عيد الطالب ..
اني كوثر .طالبة بالصف الاول المتوسط
اتاخرت سنة عن الدراسة
.يعني عمري صار ٧ سنوات
الا سجلوني .عمري ١٤ سنة .
طولي متوسط .وجسمي متوسط .
شوية مدبدبة مو هواي 😊
بيضة وحمرة .وعيوني خضر .
يشبهوني بالالمانيات.
واختي سلمى اصغر مني بسنة .دائما تشبهني بالطماطة .واني اضوج
..اختي سلمى وياية بنفس الصف
وطبعي خجولة بشكل ..
عائلتي تتكون من ابوي وامي
واخوية الجبير صالح اكبر مني ب 6سنوات
واختي نجاة اكبر مني ب٣ سنوات.
وسلمى اصغر مني بسنة .
ومن بعدها موسى وهو اصغر من سلمى بسنتين
واخر العنقود حياة .الي اصغر من موسى بسنتين
اعيش باحدى المحافظات الحدودية...
ابوية يشتغل سائق لدى احدى دوائر الدولة
حالتنة المادية تحت الوسط...
🍁🍁🍁🍁🍁🍁🍁🍁🍁🍁
مثل كل يوم عادي رحت للمدرسة..
وجان الاحتفال درس واحد .
كملنا بقية الدروس .ورجعنا. اني واختي سلمى
وصديقتي المفضلة طيبة ..
واول ما دخلت. للبيت سمعت صوت ناس
بالاستقبال..فدخلت من باب المطبخ .ولكيت
اختي نجاة .دتطبخ. طبعا نجاة متزوجة وكاعدة يم
عيالها.بس قريبة علينة.وعدهاولد وبنية
من دخلت سلمت على نجاة
جانت..دتطبخ..بمكان امي
.وسالتها منو خطارنة.
كالت بيت عمي شاكر .
عمي شاكر الجبير
وبعدين ابوية.حسن.
وبورا عمتي نشمية .
وبعدها عمتي بدرية .
واخرهم..عمي.محمود.
عمتي نشمية متزوجة وتسكن بغداد
وعمتي بدرية. بيتها قريب على بيت جدي.
بيت جدي بمركز المحافظة
يعني يبعد عن بيتنا نصف ساعة.
عمي محمود بالعطلة الصيفية تزوج
..وساكن وية جدي..
بدلت هدومي ورحت سلمت جان عمي شاكر .
وزوجتة .وامي وابوية.كاعدين يمهم ..
طبعا بيت عمي شاكر .بغير محافظة ..
وبس بالعطل يجون ..لبيت جدي.
وبعدالسلام...كعدت شوية..
وبعدين رحت للغرفة..اقرة.
صبو..الغدة..واجت امي..
كوثر..اريد احجي وياج..
تدرين ليش جايين بيت عمج.
_لا...
بيت عمج جايين يخطبوج لكرار...
.ويكولون.لحد مايخلص
كلية..ويتخرج الا تتزوجون..
يعني بعد اربع سنين..
وذاك الوكت انتي هم عمرج ايصير ١٨
فكري زين وانطينا جواب..
اني عن نفسي ماعندي اعتراض
وابوج هم..بس يبقى الراي رايج.
عافتني وراحت...
واتذكرت..بعرس عمي.
من يسرى بنت عمتي نشمية.
كالت كرار يريدج.
من شايفج بالمهر..ومن يومها..
كايل لامة هو يريدج.
واني بوكتها جاوبتها..
هو مو راح يداوم كلية ..
وهناك اكيد اشكال راح يشوف..
بعد ليش اجة علية..
وجاوبتني غير عجبتي..بنت عمة
وحلوة وزغيرة...ومؤدبة..
بوكتها..كتلها لاعيني.بعدني زغيره
خل يشوف غيري.
يعني سواها صدك ودز اهلة..
ضليت بالغرفة..لي ماراحوا.
لبيت جدي..
متت جوع والتفكير بالخطبة
شغلني عن تحضير واجباتي
بالليل.ابوية صاحني..
رحت..هايابة..
يابة كوثر اكيد امج حاجتج.
بموضوع كرار ابن عمج
سكتت..
شوفي بنتي الولد ميتعيب..
كشكل...وتحصيل دراسي..
ماشاءالله
انقبل هندسة كهرباء.بالبصرة..
وابن عمج يعني القريب احسن
من الغريب الي ما نعرف عنة شي
ومراح تتزوجون لحد مايتخرج.
يعني انتي هم راح يصير عمرج مناسب للزواج.
اني موافق علي وامج هم..
أنت تقرأ
تحت ظلال الخريف
Poetryمنقوله للكاتبة.. حروف مبعثرة.. صنعت من حبك تاج مرصع ب الماس.. وانت ؟؟ ماذا صنعت.. فقط جعلتني عبيدة لذلك التاج.
