#تحت_ظلال_الخريف
البارت العاشر
#بقلمي_حروفٌ_مبعثرة
طلعت...امشي بالشارع وابجي
ابجي على جهالي ..
شراح .ايصير بيهم ..ابوهم قاسي..هسة ياذيهم
بالكلام ..بالضرب ..
لو عمهم مصطفى ..اووف هذا وحدة مصيبة
محد يكدرلة بالبيت ..وكلها تخاف منة ومن جسارتة .
..هسة يستغل الفرصة اني مو بالبيت
راح يأذي سيف اكثر من قبل...
راح يشغل بناتي جوة ايدة مثل الخدم
بس الله يعرف بنار كلبي ..
سيف ..وجدان ..رقية ...فاطمة ..
صورهم كبالي
اتخيلهم من بعدي ..شراح يصير بيهم
..من كثر ما نزلن دموعي
عيوني كامت تغوش كعدت على الرصيف ..
ابجي على حالي .هاي تالي صبري وتعبي
انطرد ..
وعلى شنو ..شنو الذنب الي سويتة ..
يربي ...لاعندي احد ..لا اب
لا ام .....لا اخ ...حتى بيبيتي واكعة بالفراش ..
خواتي كلمن وضيمها ...
احنة ..قليلات الحظ ...
اخوي موسى ..بغرفة فوك ..حالة حال النزل ..
اني وين اروح ...
رجال ..ميريدني ...وطردني ..
وين ..اروح ..وحتى فلوس مشايلة ..
ضليت افكر ..اخر شي قررت اروح ..
لموسى ابن جعفر عليه السلام ...
اذب همي على اهل البيت ..وانام بحوش الامام..
لحد ما الكة ..حل ..
كمت مشيت ..وصلت الشارع العام ..
والسيارات مال السوك ...واكفة ..
زين كروة منين اجيب ..فلس احمر ..
ماعندي ...كرار .خال فلوسة .بالكنتور وقافل الباب ..
والمفتاح ..يمة ..يضمة ..وحتى لو موجود ..
كرامتي تمنعني امد ايدي واخذ من فلوسة ..
باوعت ..على الناس ..تروح وتجي ..
سيارات ..تنزل عالم ..
وسيارات تقبط وتطلع للسوك ...
والتكسيات ..على صفحة ..للكراج ..
اخر شي ..رحت على محل نداف براس الفرع
كتلة السلام عليكم حجي ..
جان بالشطبة مالتة ...يندف الكطن ...
شال راسة ...وعليكم السلام ..
حجي ..محتاجة فلوس ..كروة ..
باوعلي ..احجي ويا ..وامسح عيوني ..
الي شبه انعدمت الرؤيا بيهن ...
كال ....
عمو انتي بنت منو .
..وليش هيج عيونج وارمة
كتلة عمو مايهم بنت منو ...
اني زوجي طاردني ..وماعندي كروة ..
هز بايدة ...وكال ...
دروحي عمو رجعي لبيتج ..
اشفتيني مفتح سبيل للناس الزعلانة ..
ورجع يندف الكطن ...
فشلني ...وهو الثاني ضربني بسهم ..
فوك السهام ..الي بصدري ...
رحت تمشيت ...وبعدين تذكرت ليش ما اروح
لبيت ابو عباس ..
عيال طيبة صديقتي ..همة بغير حي ..
اروح لطيبة ...بلكي تنطيني فلوس ..
ورحت اباوع اذا اركب سيارة السوك ..
متذبني يم بيتهم ...والسايق يريد كروة ..
خل اخذ سيارة اجرة .
بعدين ..كلت عزة ..
كوثر تركبين .
.اجرة ..شمدريج وين ايوديج ..
انتي ..بحياتج ما راكبة بسيارة اجرة وحدج ..
لعد شسوي ..مجبورة ...
بيت عيال طيبة بعيد ...
الشمس صارت حارة ..
دنيا صيف ...والشمس ..تصكع الراس ..
باوعت ..كلت بلكي ..
اشوف رجال جبير بالعمر استأجرة ..
ضليت ..اباوع ...شفت رجال جبير بالعمر ..
رحت ..جان واكف بالفي .يسولف وية
السواق ...
كتلة عمو ...اندار علية ...
والي جانو ويا يسولفون ..
كامو يباوعون ..علية ..
كال تفضلي بنتي ..
كتلة عمو ..اريد اروح للحي الفلاني ..
كال ..اي صعدي بنتي ..
بذيج البرازيلي ..الي بالركن ..مال الساحة
أنت تقرأ
تحت ظلال الخريف
Poetryمنقوله للكاتبة.. حروف مبعثرة.. صنعت من حبك تاج مرصع ب الماس.. وانت ؟؟ ماذا صنعت.. فقط جعلتني عبيدة لذلك التاج.
