#تحت_ظلال_الخريف#
البارت السادس
بقلمي #حورفٌ_مبعثرة#
وبهل اثناء دخلت عمتي وكالت ليش
هيج صاعدين على ظهرج كوثر ...
صاحت عليهم نزلوا ..
نزلوا ..كعدت على السرير ..
كوثر شنو سالفتج .حامل مو .
تدرين عرفت بيج حامل من لون وجهج ..
بجيت ..اي عمة حامل ..واريد اوكعة
الطفل ما اريدة .سيوفي بعده صغير
وكرار عسكري ..
لا يمة كوثر ..لتكولين هيج حرام عليج
كلمن رزقة وياا...
يمة حرام تذبين طفل هذا روح وربج يحاسبج
والله ..كوثر لو ما شايلة رحمي جان هسة
اجيبلي فد ثنين ..يمة ترة ماكو احلى من .
الويلاد ...شحلاتهم ..وهمة ..يلعبون ..ويصيحولج
يمة ...ومن تكبرين يسندوج ..ويشيلوج ..
ويعوضون تعبج عليهم ..
بس عمة كرار ..ما يحب ..
ما عليج من كرار...اني اكلج خلفي ..
وترسي حضنة ويلاد ..وبنوات ...يفيدوكم
بكبركم ...واياني واياج ..اشوفج ..لو اسمع منج
تريدين توكعي ...اكولة لعمج ..وانتي تعرفين
عمج من يعصب ...هذا رزق وكولي الحمدلله ..
كامت وطلعت ...
واني بقيت ..كاعدة ابجي ..اني شسويت
بروحي ..اني ردت اقتل نفس ..
وليش ...علمود كرار ...ربي يحاسبني ..
وادخل جهنم ...علمود زوجي ميريد ..
لا ياكوثر ...انتي غلطتي ...وطلبي السماح
من ربج ..صرت امشي ايدي علة بطني ..
وابجي بحركة ...وادعي ...ربي سامحني
ربي غفرانك ...ربي .اني ندمانة ..ربي
رحمتك ..ولطفك ورضوانك ...
بجيت ..لحد ما تعبت ...وتوبت بعد ما اعيد
الي ارتكبتة ...
مشت الايام ..وصار موعد نزول كرار ...
ورحت سبحت ..ولبست ..احلى ثيابي .
البيتية ...وسويت شعري ضفيرة دفن ..
وتكحلت ..مجنت اخلي حمرة بس بالليل
من ادخل لغرفتي ..لان استحي من حمويني
اجة كرار ...واني بداخلي ...شوق الة ..
وخوف منة ...
وبعد السلام ..راح للغرفة يبدل ..
رحت ورا..الله يساعدك ابو سيف ..
هلو ..كوكو ..لج شنو هاي شكد محلوة ..
ضحكت ...وبكلبي اكول الله يستر ...
رد كال تعبان اريد انام ..لتكعدوني ..
واني هم .طلعت اكمل شغل وية عمتي ..
ومرن الساعات ..الى ان صارت بالتسعة
بالليل كعد كرار ... وراد عشة ..
حميتلة واكل ..ودا اغسل مواعين ..
اجة يمي ..كال ..كوثر ..سمنانة ..ومحلوة ..
عفية هيج اريدج ..روحي نومي سيوفي ..
واني اكعد شوية يم امي واجيج ..
وغمزلي ...
كملت المواعين ولملمت المطبخ ...
ورحت ..شوية كعدت ..وسيوفي نعس .
اخذتة ..ونومتة ...ومكيجت ..وكمت ..
افكر ...يربي ...شلون اكولة حامل ..
يفرح لو لا ...ضليت انتظر ...الا ان صارت
ب ١٢...اجة ..وجهة مكلوب ...
كعد ..كال كوثر ...
نعم ....
حامل مو ...
اي ..عمة كلتلك ...
اي ...كوثر اني مو كايلج ما اريد طفل ..
ومو انتي تسوين مانع ...
اي صح ..اسوي ..بس والله مدري شلون وخربطت ..بالجدول ..كرا ر ..مصيبة اخوية
منسيتني ..حتى ايام الاسبوع ..
كوثر ...لج ..منين اصرف عليكم متشوفيني
عسكري ..وابوية يساعدني ...لج شنو انتي
هاا ...لو باقي بالمعسكر ..ولا جاي وسامع
بهل خبر ...
كرار والله شكد حاولت اسقط ..لكن ..ربك
كاتبلة .لهل الطفل حياة ...
كافي كوثر كافي ..ما اريد اسمع منج بعد ..
كام واخذ مخدتة ..ونام بالكاع ..
ودار وجه على الحايط ...
هو كام يشوخر ...
واني ضليت الوب بفراشي ...واندب حظي ..
وصار ثاني يوم ..وهو ما مزين ولا سابح ..
وجهة ما يفشخة الطبر
أنت تقرأ
تحت ظلال الخريف
Poetryمنقوله للكاتبة.. حروف مبعثرة.. صنعت من حبك تاج مرصع ب الماس.. وانت ؟؟ ماذا صنعت.. فقط جعلتني عبيدة لذلك التاج.
