فردوس الشياطين ..للكاتبه مريم غريب

مريم غريب

مساء الخــير يا حبايبي 😂 بقالي كتير ما أتكلمتش معاكوا بس أنا دلوقتي قدرت أخد نفسي الحمدلله بعد ما أنتهت الرواية علي خير 😂😂

أنا عارفة أنه مش خير أوي ، و أنها تعبت أعصابكوا زي ما تعبت أعصابي و يمكن أكتر لأنكوا متعودين علي النهايات الوردية إللي أختتمت بيها أغلب رواياتي فيما مضي ، ماكنتوش متوقعين إني هخيب آمالكوا في وضع نهاية سعيدة صح ؟

أنا حاولت من أول الرواية أبعدكوا تماما عن جو الرومانسية و الحب العنيف إللي إحنا متعودين عليه ، هدفي أصلا ماكنش أني أخليكوا تحبوا الشخصيات الشريرة إللي في الرواية زي ( سفيان / سامح / وفاء / ميرا ) و لو تفتكروا أنا بدأت الرواية إزاي هتلاقوني بدأتها بجريمة ، لما "سفيان" راح ينتقم من عمه مش بس قتل عمه ، قتل ولاده إللي هما تقريبا إخواته من مامته كمان

فهل من المنصف أو من المنطق أصلا أنكوا تحبوا شخص زي ده ؟ أي إنسان عاقل إستحالة يحب شخص بالجحود ده ، سفيان قلبه كان في إيد بنته و بس ، حبها بجنون يمكن لأنها حتة منه ، أو حصاده الوحيد من الدنيا زي ما كان بيقول و ملخص سنين عمره

هدفي الأساسي من الرواية دي و الرسالة إللي حبيت أوصلها هي ... أن الشر أقوي بكتيييير في واقعنا ده ، الخير من النادر أنه ينتصر و ده بان في مواقف كتير مرت علي التاريخ البشري و يمكن في حياة أشخاص يقربوا ليكوا ، الشر موجود و هيفضل موجود و الآذي عمره ما هينتهي

الرواية و نهايتها
بتحمل العنوان إللي حطيته (( فردوس الشياطين )) ، إنتوا كنتوا متوقعين إيه لما قرأتوا العنوان في البداية 😂

عموما زي ما قلت في جزء تاني بس مش دلوقتي خآاااااالص .. لما أصالحكوا برواية لذيذة كده الأول 😂😂

إستنوا خبر قريب عن #إنذار_بالعشق ❤

#مريم_غريب