Setting: Casa ng Cuore, limang oras, bagong taon na. Nakasilong ang lahat sa loob dahil sa panaka-nakang buhos ng ulan sa labas. Nag-aayos ng prutas sa kusina si Zei. Lalapitan ng mahal na interviewer.
I: Abalang-abala ka yata
Sei : Aba, syempre. Magbabagong-taon na. Kakauntin oras na lang, makukumpleto na ito. (ipinapatong ang mga mansanas at ubas sa pakwan) Pangsiyam ang ubas, Sampu. Mansanas. Pakwan? Hayan!
O diba?
I: Labindalawang prutas ba ang binubuo mo?
Sei: Tumpak! Labindalawa. Labindalawang bilog na prutas para suwerte. Siguro naman, tataas na ang ranggo ko sa lagay na ito.
I: Labing-isa lang iyan, di ba dapat labindalawa?
Sei: Ay! Naku. (Magkakamot at tatawa) Pasensya, di marunog magbilang, e. Hehe.
I : Tulungan na kita
Sei: Ay, huwag. Ako na, ako nang maghahanap sa panglabindalawa.
I: Ako na.
(lalapit si Interbyuwer kay Lea na abalang nagsasara ng mga bintana)
I: Anong ginagawa mo diyan?
Lea : Nagsasara ng mga bintana, hindi mo ba nakikita?
I: Para saan naman iyan.
Lea: Para hindi makapasok ang masamang elemento.
I: Naniniwala ka rin pala sa pamahiin.
Lea: Hmm, mapupuno kasi ng amoy ng pulbura mamaya dahil sa mga paingay at paputok. Nakakairita lang.
I: Iyon ang masamang elemento?
Lea: Masamang-masamang elemento. Nakasasama sa kalusugan itong kalokohan nila.
I: Sige, mauuna na ako.
(lalapit si Interbyuwer kay Sal na nakadungaw sa balkonahe, malayo ang tingin)
I: Ang lalim yata ng iniisip mo.
Sal: Ang sabi ni Sei, tatangkad daw ako kapag tumalon ako sa Bagong Taon. (dudungaw sa lupa)
I: Pero nako, huwag diyan. Mababali ang buto mo kapag tumalon ka dito mula sa ikalawang palapag.
Sal: Tapos ay tatangkad ako dahil gagamit ako ng saklay.
I: (bubuntonghininga) Basta huwag kang tatalon dito.
Sal: Para saan ba itong mga pamahiin?
I: Aywan, nakaugalian na, e.
Sal: Kung ganon, hindi laging tama ang nakaugalian.
I: Bakit naman?
Sal: (ngingiti na lang)
(masusulyapan ni Interbyuwer si Ren na nakasandal sa poste at nanonood sa kanila)
I: Ikaw, naniniwala ka ba sa pamahiin?
Ren: Oo, tulad nito. Suwerte para sa mga panauhin at sa may-ari ng bahay ang magkabit ng patalim sa pinto. Makulay na buhay naman ang dulot ng paglalagay ng arseniko sa kusina.
I: Ay, teka. May ganiyang mga pamahiin?
Ren: ( ngingisi ) Palagay mo?
I: O, sige. Alis na muna ako.
(Lalapit si Interbyuwer sa silid ng Signor Cuore.Abalang-abala ang Signor sa mga papeles sa kaniyang negosyo)
I: Hindi yata kayo magdiriwang ng bagong taon?
Sgr. : Ang bagong taon na iyan, sa kalaban iyan. Walang maidudulot na mabuti ang ganiyang mga kalokohan lalo na't ang mga ganiyang kapritso, galing iyan sa mga pirata.
I: O, sige.
(Mababagot si Interbyuwer, uupo. Maya-maya may sisigaw)
Oleon: Ate Sal! Bitawan mo iyan, Hindi espasol iyang paputok!
( Magugulantang lahat. Tatakbo palabas ng Casa sina Sei at Lea. Tatayo rin ang Signor Cuore. )
Ren: (tatawa nang mahina) Maligayang Bagong Taon sa inyong lahat...
YOU ARE READING
Character interviews
RandomSomething to do while waiting for inspiration to strike, kind of like an exercise. Interviews with characters mostly from Glassed.