يعني أنا لمن اكون دايره زول وهو مادايرني و لما يرجع ويقول دايرني يظهر لي غيرو ، ما أنا من زمان قاعده بايره حبكت هسي تحبوني كلكم يعني😒👋 عوارض بس غايتو .. وأنا بتكلم مع هاجر جا دكتور طارق طالع بره قال لينا العمليه خلصت بس هو لسه مخدر ساعتين ويفك ربنا يكتب سلامتو قلتا ليهو تسلم كتير وماقصرتا يادكتور ومشى بعد البنج فكا قلتا لي هاجر ادخلي ليهو انتي قالت لي لأ أدخلي إنتي انا عارفاهو هسي بكون داير يشوفك ح يتطمن لمن يشوفك اول زول ، اتشجعتا غايتو ودخلتا كان راقد وحالتو تحنن شديد مورم كلو 😿💔 قعدتا بعيد شويه في الكرسي و قلت ليهو الف سلامه عليك ما تشوف شر إن شاء الله قال لي الله يسلمك حتى كلامو كان تقيل وما قادر يعمل شي ، قعدتا زي ساعه كده جوه ساااكته بعاين ليهو بس لما جات هاجر داخله وسلمت عليهو و قعدت جنبو في السرير بقت بتسأل فيهو إنت حاسي بشنو ، أنا كنت بعاين ليهم الإتنين من بعيد وماسكه تلفوني في يدي بتكلم في الواتساب مع أسمر ، هاجر كانت سايقه عربيه بعد عبد الله صح صح كويس اتجهزنا و نزلنا تحت انا ركبتا معاها قدام وهو ورا في العربيه ، كنت كل ما اعاين ليهو بالمرايه بلقاهو بعاين لي بس ببتسم ليهو وقلبي بقول ليهو عليك الله ما تحبني💔 لحدي ما وصلنا البيت و نزلتا معاهم ودخل غرفتو وارتاح لقيت خالتو بتبكي خليت هاجر دخلت معاهو الغرفه و انا قعدت مع خالتو قلتا ليها ما تبكي وهو الفتره دي محتاج عنايه و انو عيونكم تكون عليهو وتحاوطوهو ، قالت لي بقدر ! انا خايفاهو يرجع تاني قلت ليها بقدر لو كلنا وقفنا جنبو ياخالتو ، هاجر لما طلعت ولقتنا بنتكلم قالت لي سندس الفتره دي ياريت تكوني قريبه مننا ، أنا مقدره وضعك الإتكلمنا عنو في المستشفى بس لو سمحتي ما تتغيري اتجاه عبد الله عشان الموضوع ده إعتبري انك ماعرفتيهو وهو ماصارحك بحاجه ما تحسسيهو انك عارفه ، قلت ليها أنا مستحيل أخليهو في الوضع الهسي دي عبد الله محتاج لينا كلنا محتاج يحس بالأسره و بي الاهتمام والرعايه محتاج يحس إنو حولينو أصحاب وحياه طبيعيه .. قمتا من مكاني ودخلت الغرفه ليهو اول ماشافني ابتسم بطريقه طالعه من جووه قلبو الفرحه قعدتا في الكرسي وقلتا ليهو انت ح تدلع كتير كده 😒 قال لي المشكله وين أنا في بيتي ما اتدلع ،، قلت ليهو وانا ذنبي شنو ادلعك كمان 😒👋 قال لي برااك الجاريه وراي و لاحقاني قلت ليهو هههاي أذكرك الرسايل بتاعت سندس انتي زعلانه سندس ردي علي ياكلب😂😂 بقينا بنضحك عشان انا بحاكي فيهو ، قال لي سندس انا عايز اعمل ليك توكيل قلت ليهو عايز تورثني البيت قبل ما تموت😍قال لي الحمد لله داخله على طمع مش😂😂 قلت ليهو عايز شنو ! قال لي اعمامي أنا عايز استرد منهم الورثه الشالوها الورثه تتوزع بالشرع بس واملاكي ترجع لي كلها الفتره دي أنا كويس جدا حتى لو حاولوا يستغلوا حكاية المخدرات ح يعملوا فحص و ما حيلقوا شي ، قلت ليهو عبد الله قصدك شنو بالفتره دي ؟ قال لي يعني عشان طالع من العمليه؛ قلتا ليهو لا عبد الله قصدك انو ممكن ترجع تاني؟ قال لي ما ح ارجع قصدي بس عشان جسمي مافيهو ذرة كحول حاليا ، قلت ليهو حاليا! قال لي بتعصب سندس ما تزهجيني انتي كان ما واثقه فيني مشيتي معاي العمليه ليه ؟ قلت ليهو انت الخليتني هسي ابدا اشك فيك ، قال لي اعملي القلتو ليك بس قلتا ليهو تمام ح امسك القضيه بتاعتك لي محامي اشطر مني بكتير عشان اعمامك ديل خبيثين داير راجل ، قال لي طيب شوفي اللازم بس وما تخافي حأحاسبك بعدين 😂😂 قلت ليهو وان شاء الله قايلني بضيع ليك حقي يا فالح 😂👋 .. قدامو شلتا التلفون و اتصلت على محامي شاطر اسمو محمد كان معروف خصوصا في قضايا الميراث دي .. اتكلمت معاهو قدام عبد الله و شرحتا ليهو الحاله بتاعتنا قال لي ماعندو مانع يمسكها و حاله عبد الله لاقتو كتير كل العلينا نجيب تقارير الطب الشرعي ونرفع عليهم دعوى من اول جلستين الميراث حيتقسم من اول وجديد الموضوع مافيهو جرجره طالما الولد ما مدمن ومافي حاجه تثبت انو مدمن وطالما هو الولد الوحيد ف من نصيبو كل حاجه ، عبد الله كان سامع كلام المحامي قلت ليهو الاقيك وين يا مولانا؟ قال لي بعد العصر كده بجي ماري عليك في المكتب بعدين انتي زوله شااطره وماشاء الله عليك ياسندس ليه ما عايزة تمسكيها قلت ليهو لأنو كلهم اعمام فما عايزة يستغلوا حكاية اني محاميه بنت وما حابه اظهر قدامهم ، قال لي تمام ، قلت لي عبد الله انا حاطلع عشان امشي البيت ارتاح شويه وبعدها حامشي المكتب الاقيهو ، قال لي ما تطلعي هسي خليك❤️ قلتا ليهو اممم لكن طبعا اتوتررتا لانو كلام هاجر في راسي للآن قلتا ليهو عشان الزمن مابكفي خليني امشي يلا مع السلامه ، زغتا طلعتا الشارع كلو ماشه وبفكر أسمر كان بي وراي في العربيه وبضرب لي بوري وانا ما سامعه لاني شااارده لما قرب وفتح القزاز قال لي الحلو ماشي وين! افتكرتو واحد قليل ادب بشاغل اتلفتا اشاكلوا لما لقيتو هو ضحكتا وركبتا معاهو قلت ليهو لافي وين انت ! ارح وصلني البيت قال لي لا انا عايز اخطفك ياخ اشتقت اقعد معاك مشغوله في شنو ده كلو! قلتا ليهو اسمر وصلني البيت .. انا بتجادل معاهو وهو لافي لما وصلنا الرياض نزلنا اوزون طلب لينا اكل و قعدنا ، كنت مرهقه شديد اليوم داك قلت ليهو ارتحتا كده انا عندي مشوار وكان نفسي انوم ياخ قال لي وبالنسبه لي ما اشوفك يعني ، التلفون ضرب وكان المحامي محمد رديت عليهو قال لي سندس كدي رسلي لي رقم الولد عبد الله قلت ليهو تمام و قمتا رسلتو ليهو ، اسمر قال لي في شنو ؟ قلت ليهو عبد الله بس عندو قضيه قال لي تاااني عبد الله ده ! قلت ليهو عبد الله عمل غسيل و هو حاليا بتعافى من الادمان وعايز يرجع حقوقو ، لاحظتا لي أسمر ملامحو إتغيرت و صر وغضب ، قمت قلتا ليهو خلاص ما تزهج ح اقعد معاك ما حامشي قال لي سندس الولد ده ما ح يسيب الإدمان هسي افترضي يوم وهو سكران عمل ليك حاجه امشي وين انا ؟ قلت ليهو عبد الله لو جنا ما ح يأذيني قال لي ليه ؟ قلت ليهو لأنو بحبني والبحب زول ما بيأذيهو يا أسمر مابيأذيهو فهمتا ! قام على حيلو وقال لي فهمتا هسي بس و رمى القروش وطلع خلاني ، ما قدرت اكل ولا امشي للمحامي كنت زهجانه وقرفانه من اي شي رجعت البيت و رسلت لي اسمر على قكره حركة انك تخليني في المطعم برااي وانت السقتني دي حركه ما ظريفه منك ، رد لي ولما انتي تطلعي وتنزلي مع واحد عارفاهو دايرك حركه ظريفه منك؟ قمتا ضربتا ليهو اول ماردا قلت ليهو ما تربط المواضيع ببعض قال لي انتي براك البتجيبي المشاكل لنفسك قلت ليهو انت عارف انو هو صحبي بس وهسي محتاج لي لو مالقاني هسي حيلقاني بتين يعني ! قال لي انا ما مرتاح لي علاقتك معاهو قلتا ليهو انا اعمل شنو يعني مثلا؟ قال لي اقطعيها بس! قلت ليهو اسمر؟ قال لي ما ح تعملي كده ولو عشاني؟ قلت ليهو ما ح اعمل قام قفل الخط في وشي ، غضبت غضب الساعه ديك شلتا الكبايه ضربت بيها الحيطه كسرتها ، تلفوني رن ابيت ارد رميتو برضو بعيد و رقدتا زعلانه وكنت مرهقه شديد ، طبعا نسيت كلو كلو عبد الله والمحامي واتاري الكان بتصل كتير عبد الله 💔 ما اسمر .. لما صحيت الصباح بدري مشيت الشغل لقيت نمارق مستنياني قالت لي سندس كنتي وين انتي امبارح ؟ قلت ليها كنت في بيتنا يعني ح اكون وين قالت لي تلفون المكتب ده ما هدا و بعدين مولانا محمد جا سأل منك وانتظرك وانتي ما جيتي قال لي كلميها اني جيت ضروري قلت ليها واااي يانمارق انتي عارفه ماشفت تلفوني من امبارح لما طلعت التلفون من الشنطه لقيت كمييه من المكالمات و الرسايل واكتر المكالمات عبد الله كان مرسل لي رساله " انا حسيت بيك في بيتنا انك ماعايزة تدخلي في القضيه عموما اسف لو ازعجتك و المحامي اتصل علي و قال انك مارديتي ارجعي ليهو واعتذري عن القضيه بس"
عرفتا انو زعلان وفهم غلط ، رجعتا لي محمد سرييع و اتكلمت معاهو اعتذرتا ليهو اني مارديت وقلت ليهو لازم اشوفك هسي .. لاقيتو في مكتبو مشيت ليهو قعدتا معاهو وشرح لي ح يعمل شنو في القضيه طلب مني تقارير المستفى و كان لازم امشي لدكتور طارق طلع لي فحوصات عبد الله النضيفه كلها بي كده حتى المحامي قدم الورق للمحكمه و طلعت طلب حضور لي كل اعمام عبد الله الاربعه ، ولي عبد الله شلت النشره من المحامي و مشيت لي بيت عبد الله ، فتحت لي هاجر سلمت عليها وما كانت على بعضها قلت ليها مالك ! قالت لي عبد الله من الصباح حالتو غريبه جبنا دكتور يشوفو و قال لي انو حالتو طبيعيه بس هو بحك و بكرش في جسمو ويدينو بطريقه مخيفه ،، قمتا جريت على السلم نزلتا للشقها التحت دخلتا غرفتو لقيتو رامي صينية الاكل في الارض واساسا شكلو بخوف وما مفروض زول يقرب عليهو لما ناديتو عبد الله! اتلفت علي غضبان قال لي جيتي ليه انتي اطلعي بره قلت ليهو عبد الله انا ما خلاني اتم كلامي ساقني من يدي قدام خالتو وهاجر وحبوبتو كانوا في الصاله فوق .. جاريني السلم كلو قال ليهم طلعوها بره وتاني ما تفتحو ليها الباب ونزل دخل ، خالتو دي دموعها جرت وهاجر اتحرجت من الموقف وحبوبتو بس بقت بتعاين لي ما قادره تعتذر وخجلانين مني ، بعد الموقف المحرج ده قررتا ما ازعل و قعدتا معاهم في الصاله ، كلنا متمحنين بس بنعاين في الارض بعد ساعتين شلتا الورقه بتاعت المحكمه ونزلتا ليهو تحت قالت لي هاجر ما تنزلي عليك الله ياسندس قلت ليها ح انول ومافي زول منكم يلحقني الحبوبه قالت ليها خليها ، نزلت كان قافل باب الشقه كلو كلو ، بقيت بدق جا جنب الباب قال لي منو ! قلت ليهو انا افتح لي قال لي رجعتي ليه ! قلت ليهو عشان اشيل قروشي منك ، فتح لي ولسه صاري .. دخلتا جوه قال لي قروشك كم حقت ورقة المحكمه دي ! قمتا قعدتا في الارض و بقيت ببكي ، طبعا هو واقف ماعارف يعمل شنو قال لي بتبكي مالك هسي! قلت ليهو فترتا قال لي انا مش طلعتك عشان انتي فترتي؟ قلت ليهو انا فترتا من الطرد انت ليه بتعاملني كده ! قال لي سندس ارجعي لي حياتك واهلك واسمر الكنتي دايراهو ، حياتي دي كلها تعب خليني فيها براي ، زدتا في البكا زياده زي الشافعه ،عارفاهو حنين قام دخل جوه غرفتو عشان مايشوفني ببكي بقى بكورك استغفر الله بس ، دخل جوه اتوضا وفرش مصلايتو صلى ركعتين😳 اتخلعتا فيهو جنني والله الولد ده ، دخلتا جوه عاينت ليهو وهو بصلي 💕 لما خلص وسلم شكلو راق شويه وهو في المصلايه سألني اتعمدتي انك ماتردي للمحامي! قلت ليهو ان بعض الظن إثم، قال لي صدقتك لأنك جبتي الورقه و مدا لي يدو للورقه اديتها ليهو عاين ليها كويس قال لي المحكمه بتين قلت ليهو بما انكم كلكم قاعدين في السودان الخمسه بس ح يستدعوكم ويستدعوا المحامي القسم الورثه بس ، قال لي بتين يعني ؟ قلت ليهو بعد بكره قال لي تمام قلت ليهو حيمشي معاك محمد بس لأنو محاميك ح يعملوا ليك كشف تاني هناك من الطبيب الشرعي التابع للمحكمه ، قال لي طيب تمام تاني في حاجه ؟ قلت ليهو أي أنا جعانه ، قعد يضحك الكلب😂😂 بعد ماعامل فيها زعلان ،، قال لي طيب ارح فوق قلت ليهو لأ ما دايره أكل بيت نفسي في بيتزا حاااره و قهوه بسكر باارده ، قال لي طيب اديك القروش ولا كيف😂😂 قمتا على حيلي وقلت ليهو يافالح انا مابدوني قروش انا بشيل براي فتحت جزلانو وشلت قروش منو وقلت ليهو ارح عازماك 😂😂 قال لي بقروشي! 😂😂 قلت ليهو اي يلا قوم البس انا فوق منتظراك ،، قال لي تمام لما جيت طالعه قلت ليهو اتذكر أول مشوار اطلعوا معاك عزمتك انا يا ماعندك زوق😂😂 قعد يضحك قال لي انتي وحده هبله بس ما اكتر😂😂😂..
