اشوفو حتى .. " قلتا ليهو عبد الله! ده كلام شنو البتقول فيهو ده .. ما كان بهظر وعيونو كانت غضبانه وفجأه الزول البضحك ويهظر قبل شويه اتقلب كده جادي وغضبان ،، قال لي انا ما بهظر اللحظه دي انا بكرهو الكره الواحد ده وما عندي استعداد اشوفو او اعرفوا ، قلت ليهو بتكرهو ليه! قال لي لأنو مابستاهلك قلت ليهو بستاهلني وهسي عايز يبقيني مرتو ، عاين لي وضحك بتريقه وسكت ، اتغظت منو قلت ليهو دي اخر مره تشوفني هنا لأنو انا بحب اسمر واي زول بكرهو انا ح اكرهو سمعتا! .. كلامي كان حار عارفه كده بس هو زعلني دخل جوه قفل الباب انا مسكتا دموعي ومشيت بيتنا ، كان صابح يوم الأحد مشيت الشغل و انا زهجانه شديد ، ماعارفه مالي ماقدره افهم نفسي اسمر جاني في الشغل وطلعنا مشينا برشلونه💔 اول ما دخلتا اتذكرتا عبد الله ولما جينا وكنا بنتونس ،، اكلنا انا واسمر و بعدها مشينا كافي لاقيت اصحاب اسمر وصحباتو كان عايز يعرفني عليهم اخدنا قعدتنا كلنا اتونسنا وكان يوم حلو ،، عدناهو كتير 💜
مرا شهر ونص و عبد الله ما سأل مني ولا أنا سألتا عن اخبارو ... كنت عارفه انو الامتحانات بدت و امتحن و انتهى من الامتحانات ، اتصلتا على هاجر وسألتها عبد الله ماشي كيف مع الامتحانات قالت لي كويس والله بجي من الجامعه بصلي وبذاكر وعندو مشروع بدرس فيهو بصمم في حاجه مافهمتها شركه ولا شنو المهم بعمل تلفونات كتيره وشاغل نفسو لحدي ماخلص ومنتظر النتيجه بداية الاسبوع ، قالت لي انتي كيف استعديتي للخطوبه باقي ليك اسبوعين بس قلتا ليها لسه ما جهزتا شي لخطوبتي ، اتونسنا شويه وقفلت منها هو كان بكلم هاجر بي اي حاجه بعد هاجر اتصلوا علي اخواني الاتنين محمد و مأمون سلموا علي وقالوا لي نازلين عشان الخطوبه اخوي مأمون قال لي انا مرسل لي امي مصاريف تظبطوا بيها البيت و شوفي العايزاهو كلمينا اول بي اول عشان نحنا لما ننزل ما بكون عندنا وقت كتير خلي مصطفى القاعد هناك ده يترسل ليك ويشوف الناقص في البيت .. قلت ليهو طيب ح اوريك بالتفاصيل كلها واللازمني شنو ، قعدتا كتبتا التغييرات العايزاها في البيت وضربتها براي ووريت ماما وفعلا بدينا طوالي في تجهيزات البيت والبوهيه والاساس والستاير ،، كنت متابعه التحضيرات و انا شبه محبوسه كده .. يوم من الشغل نزلتا لي حبوبه قلتا مافي زول حيفهمني غيرها مشيت سلمتا عليها وقعدتا تحت في رجلينها كانت بتمسح لي في شعري بي يدها وفجأة بكيت ، رفعت راسي وسألتني مالك يابتي! المزعلك شنو ! بقيت بتخنق ما قادره اتكلم بكييت شدييد حضنتني وقالت لي احكي لي مالك ؟ قلتا ليها ماعارفه مالي عشان كده ببكي قالت لي مامبسوطه ! خطوبتك قربت ياسندس ومن الزول الدايراهو الببكيك شنو ! قلتا ليها ما حاسه بي روحي مبسوطه اي انا كنت دايراهو بس ماعارفه مالي ، رفعت لي راسي تاني وقالت لي في حاجه داساها من حبوبتك! قلت ليها لا بس انا متوتره ومخنوقه رقدتا في رجلينها تاني قلت ليها يا حبوبه لما الزول يحب اتنين يختار ياتو ؟ قالت لي ما في زول بحب اتنين في نفس الوقت ، قامت رفعت لي راسي تاني قالت لي انا فهمتا انتي مالك ، قلت ليها انا بكون مبسوطه لمن اكون معاهو قالت لي الولد المدمن ! قلت ليها بقى ما مدمن قالت لي دايراهو ؟ قلتا ليهو ماعارفه نفسي دايره منو ماعارفه وتلني رقدتا في رجلينها قامت مسحت على شعري وقالت لي يابتي ياسندس كلنا عايزين نشوفك مبسوطه اذا حاسه انك مادايره الخطوبه دي ما تتخطبي عشان اخوانك عرفوا بس بالموضوع ، اقعدي مع نفسك وشوفي روحك عايزة شنو ونصيحه مني ليك اخدي البريدك و دايرك ، قمتا منها ومشيت بيتنا بعد المغرب لبستا وطلعتا مشيت لي بيت ناس عبد الله كنت بفكر في كلام حبوبه طول الطريق وكل ما اتذكر موقف حلو عبد الله كان بكون هو سيد الموقف ده ، كنت بتذكر كيف كنت بضحك معاهو وبنهظر و نكورك وكم مره طردني من البيت مشيت قعدتا في مصطبتهم في الشارع ما دخلتا البيت ماعارفه ده اسمو شنو ، ولا دخلتا ولا اتصلتا قعدتا بس في الشارع لحدي ما جا هو طالع من البيت كان بتكلم في التلفون مع شركة بنيان كدهه لما شافني اتخلع ، مشى بعيد كمل تلفونو وجا ، كانت اول مره اشوفو بعد الشهر وبعد امتحاناتو الخلصت قال لي سندس😳 مالك قاعده هنا ما رديت بس عاينت لي عيونو ، دخل تلفونو وجا قعد جنبي في المصطبه قال لي خطوبتك قربت باقي ليك اسبوعين قلت ليهو نتيجتك بتين قال لي الأحد الجاي علينا ده قلت ليهو اشتغلتا كيف! قال لي كويس .. خلينا من ده انتي قاعده كده ليه مادخلتي؟ قلتا ليهو ماعارفه .. قال لي خطيبك كيف! سكتا منو ، قال لي مالك في شنو؟ مزعلك كمان ! .. قلت ليهو مزعلني انت قال لي مالي كمان بسم الله😳 .. قلت ليهو انا بحب واحد تاني 😿 بحبو شديييد ،، قال لي طيب الواحد ده بحبك ولا لا ؟ قلتا ليهو مابعرف ياخ وصريت ليهو وشي ، قال لي احتمال طيب الواحد ده مشتاق ليك شديييد و ماعايز يخسرك و هو حظو دايما كعب لما قلبو اتعلق بي وحده كانت ما قسمتو وقسمة واحد تاني إسمو أسمر ، قبلتا علقلت ليهو أخواني نازلين السودان كلهم ، لي الخطوبه وإنت ما عارف أخواني ديل كعبين قدر شنو معاذ اكبرهم و مهند ومحمد ديل ورا بعض فرقهم سنتين ولا سنه ونص مأمون أكبر مني بسنه ومصطفى الصغير ، أخواني صعبين شديييد و كلهم متحكمين فيني كانوا للحظه دي هم صعبين لو ما امي كانت بترخي لي كنت جنيت زمان ، معاذ ده صعععب نااار وكلمتو تمشي على البيت كلوو ، مهند صاحب اسمر ، عبد الله شافني بحسب و بتكلم وهو قاعد بسمع فيني قال لي أول مره اشوفك مهمومه كده، ماتشيلي هم ربنا كريم قلتا ليهو انا عارفه الح يحصل لي قدام شنو ،قال لي يابت إستغفري و وكلي أمرك لي ربنا إنتي خلي الأمور كده وبتتحلا إن شاء الله ، قومي معاي قلت ليهو وين؟ قال لي ندخل بدل قعدت الشحادين دي😂 دخلنا جوه واحنا ماشين هو كان بمشي بي وراي عشان ضل النور بتاعي يعفصو😂😂 قلت ليهو شافع خلاص انت ، طبعا الحركه من جواي عجبتني بقيت انا برجع في ضلو وهو برجع يعفص ضلي اتعاورنا كده وبقينا بنضحك في روحنا😂😂 عاينا لي بعض و ضحكنا قلتا ليهو انت شااافع قال لي وانتي اشفع 😂😂 تاني ضحكنا ، ركبنا السلم وهو ماشي بي وراي برضو قلت ليهو السلم مافيهو نور يعني انت ما ح تعفصني قال لي والله صحي شافعه ، قام قررب قررب لي وانا برجع لي ورا لمن وصلتا حافة السلم مسكتا يديني الاتنين فيهم قلت ليهو انت بتقرب كده ليه وهو بضحك وعيونو عيون زول جادي قلت ليهو عبد الله في شنو😳 اوعك تقرب لي احسن ليك ، قال لي البيت فاضي جوه ، اتلفت براحه عشان اشوف البيت من وراي هو قرب اكتر وقف جنبي ما قدرتا اتحرك بعد ده قال لي خفتي ! لو اتلفتا عاينت ليهو في عيونو ما معروف يحصل شنو بقيت لسه مقبله على البيت ورديت ليهو إنت أبعد مني شويه كده زح ، قال لي خفتي ! قلت ليهو لا ، قال لي خفتي من شنو ؟ عشان أنا ممكن اعمل ليك حاجه ولا عشان ممكن أكون اللحظه دي شارب حاجه ، طوالي اتلفت عليهو وعاينت جوه عيونو بقوة عين قلت ليهو اذا خفتا ف دا لأنو قلت البيت فاضي ونحنا برانا قال لي مقاطعني كم مره كنا بنقرا جوه في المكتبه والبيت فاضي قلت ليهو المره دي بتفرق قال لي ليه؟ صرختا فيهو لأني بحبك يامتخلف لأنو انت هسي القدامي ده زول عاجبني ما مجرد صاحب ، عاين وصر لي ورجع لي ورا قال لي امشي قلت ليهو حبستني ليه ! عايز تتأكد اني ما خفتا عشان انت ممكن تكون شارب صح ! عبد الله انا عارفه انك ما ح ترجع تشرب و عارفه انك بتختبر فيني ، انا ما بشك فيك انا واثقه انك ما ح تشرب تاني و زح من طريقي انا راجعه البيت لأنك زهجتني .. اتلفتا انزل ماشه سريع رجلي اتلوت في السلم وقعتا جا جاري لاحقني قال لي حصل ليك شي قلت ليهو زح مني بعييد بس ، بكيت لأني زعلت انو للآن شاكي فيني قلت ليهو زح مني وما تقرب لي بس🤚 قال لي سندس ده ماوقت دلع خليني اشوف رجلك قلت ليهو ماتقرب مني ، لما شافني ببكي وقف على حيلو وكورك ياهاجر ياهاجر ، قلت ليهو يعني في زول في البيت قال لي خليك في جرحتك انتي قلت ليهو وانا بكورك يعني في زول في البيت صاح ، قال لي اي في كلهم قاعدين جوه في البيت ، ضغطتا على رجلي ما كنت قادره اقيف عديل وقفتا وانا ببكي و كوركتا فيهو زياده انت بتعمل كده ليه قال لي يابت سندس رجلك ، عايزة اقع مسكني من يديني الاتنين وانا صاره وبحمر ليهو ودموعي نازله قلتا ليهو انت حقير وشكاك و مستحيل تثق في زول ، ده وهو ماسك يديني😂😂 عادي كان ممكن يفلتني و اقع على ضهري اتكسر.. قال لي ماقصدتا شي ، قلت ليهو قصدتا انا بعرفك قال لي بتعرفي طيب انا بريدك قدر شنو 💜، اللحظه دي رخيت طووالي وسندس البتلعلع وتتزهج قبل شويه سكتت😂😂 ، هاجر جات نازله وقطعت لي وقفتي السمحه دي💔 كنت دايراهو يتم لي كلامو وهاجر قطعت لحظتنا السمحه ديك ، هو طبعا ابتسم وعايز يضحك لمن شافني رخيت قال لي بصوت واطي وهو عيونو فوق على هاجر النازله انا برييدك يانور عيوني🙈 بي دموعي ديك بقيت بتبسم ، هاجر لما جات لقتو ماسكني من يديني الاتنين وانا رجلي معوجه عاينت لينا كده الاتنين بنظره كنتو بتعملو في شنو😒😒 قالت لي عبد الله كدي زح لي امسكها انا ، قال ليها طبعا تعالي اساسا ناديتك عشان تمسكيها ، قالت ليهو طيب لو مافكيت يدينها حامسكها كيف😂😂 ، قام هو اتلبش و اتوتر وفكاني . جيت واقعه في السلمه زاتها 😂😂😂 هاجر فكت الضحكه ماقدرت تكتمها وانا زاتي ضحكتا فيهو وفي غباءو و هو لمن استوعب الحاصل حتى ضحك ، قامت هاجر جات رفعتني ونزلتني تحت قالت لي تعالي لي معاي ، لفينا بي ورا كده لقينا باب قلت ليها ده شنو ياهاجر قالت لي الباب ده بفتح في بيت عبد الله قلت ليها ياتو بيت ده قامت ضحكت قالت لي بيت عبد الله ياغبيه يعني باقي بيتنا قلت ليها باقي بيتكم 😳 يعني البيت ده ما تحت و فوق بس 😳 قالت لي بطلي نقه وارح ، اتلفتا لي عبد الله لقيتو بضحك فيني عاينتا ليهو مستغربه يعني عندكم بيتين😳 فتحت الباب هو زي باب نص كده ولما دخلنا كان بيت عديييل بس ارضي😳 قلت ليها ده شنو قالت لي ده بيت عبد الله البيت دكلامي ضربني كف قدامو وقدام زهره😿💔
