ه مبني لي العريس الاول الله يرحمو اخو عبد الله الاتوفى مفروض يكون ده بيتو بس بعد اتوفى البيت كان لعبد الله لما يتزوج يعني وعاينت لي بابتسامه كده 😊 قلت ليها ده بيت رهيييب 😳 رهيييب 😳 كانت ملاحظة لي اني اتخلعتا في البيت وبنيانو الغريب ، بيت ارضي بس من جوه جنه عدييل 😳 و واقفه عربيه فيهو رصاصيه عربية عبد الله كانت ... اللحظه ديك نسيت الوقعه و الجرحه وكلو من اندهاشي في البيت دخلنا كان البيت معملو بي تصميم راقي لأبعد الحدود الستائر والالوان قلت ليهو الصمن البيت ده منو قالت لي صحبتي مسكناها ليهو ، هو كان البيت جاهز بس مافيهو اثاث ولا ديكور لما اتوفى ابوهو ، لكن بعد انا كبرت أصريت أظبط البيت ده لأنو بيستاهل عاينت ليها بإستغراب هي فهمت نظرتي كانت في صيغة سؤال انتي كنتي دايره عبد الله ! عاينت لي وضحكت قالت لي مستحيل البتفكري فيهو ده ، ارتحت بعد قالت كده قالت لي ارفعي رجلك في الكرسي ريحيها انا ح امشي البيت التاني و اجيب ليك ضمادة طيب قلت ليها كويس ، هي طالعه سمعت صوت عبد الله بسألها سندس كيف! قالت ليهو ماشه اجيب ليها ضمادة و مطهر ، هو بعد لقاها مشت جا دخل ابتسم لي وابتسمتا ليهو ، قال لي رجلك كيف ! قلت ليهو فيها وجع بسيط قال لي ماتدلعي فيني يازوله انتي مستهبله بس😂😂💔 قلت ليهو اقعد جيب الكرسي داك ، قال لي والله شايف البيت عجبك لما بتتصرفي على راحتك قلتا ليهو ماتقعد زاتو اطلع بره😂👋 رجعتا اتكلتا في الكرسي ورفعتا ليهو حاجبي قلت ليهو مش بيتي🙊 اطلع بره يلا ، ضحك وقعد اتربع في الواطه قدامي قال لي يعني الشافعه دي تبقى مرتي 💜 قلت ليهو الشافعه دي عمرها٢٦ لو سمحتا قال لي برضو في نظري شافعه .. جات داخله هاجر وتاني قطعت لي كلامنا السمح ياخ😒👋 المره دي خلت عندها احساس لما لقتو قاعد قصادي بعاين لي وقالت لي عبد الله انا ماشه لحبوبه نادتني هاك دي الضماده و المعقم ، ابتسمت ومشت هو شال المعقم و مسح لي رجلي الوقعت فيها مكان الجرحه و لفاها لي كان رحيم ياخ💜 حنيين لدرجه بعييده جداً كنت مبسوطه وأنا بعاين ليهو بهتم بي كده كنت حاسه إني الأنثى الوحيده في الدنيا دي بسبب حبو ، عاينت للتلفون كان الوقت إتأخر شديد قلت ليهو انا إتأخرتا قال لي طيب قومي أنا بساعدك مدا لي يدو ومسكني لمن قمتا ، جاني إحساس ماعايزة افكها ياخ😿💔 بس فكيتها و بقيت ماشه براحه وهو منتظرني بمشي معاي براحه براحه ومابسبقني في الخطوات كنت بعاين ليهو وأنا جواي بحمد الله على السند القوي الأداني ليهو ده ، ركبنا العربيه ووصلني لحد البيت .. نزل قدامي وفتح لي الباب كان اول مره يشوف بيتنا وبيتنا قدام الجنه العايش فيها ولا شي ، نزلتاوبراحه وقلت ليهو بتعاين كده مالك في بيتنا قال لي حاسدوا لأنك عشتي فيهو كل السنين دي وأنا ما كنت بعرفك 💔 بنتبسم كده لبعض كانوا واقفين بعيد أسمر و زهره كان لاقتو زهره وهي راجعه وسلمت عليهو وسألها مني ، اتلفتو لقونا واقفين لحدي اللحظه ديك كنت مبسوطه بس لما قبلتا وشفتا اسمر 😳 بخلعه كوركتا لي عبد الله داك اسمر ، كانت اول مره يلاقي فيها عبد الله اسمر وزهره ، كان فاصلنا بس خطوات بسيطه منهم طبعا زهره بتعاين لي مافاهمه شي احساس ده منو! و ده شنو؟ أسمر طوالي وشو اتغير ٣٦٠ درجه حتى عبد الله اتغير زيو 😿💔 جات زهره اول وسلمت علي وعلى عبد الله اسمر كان واقف بعيد ، زهره عاينت لي احساس ده منو عرفيني! قلت ليهو عبد الله زهره صحبتي و زهره عبد الله و سكتا ما كان بتعرف عبد الله بس نظراتها ليهو احساس عجبها عجبها😍 اساسا هو منظرو بخلي الزول يتكسر فيهو .. أسمر قرب وجا سلم علي وعليهو و عاين لي مالك ؟ قلت ليهو وقعه بسيطه قال لي ايوا ، عاين لي عبد الله و قال ليهو حصل ليها شنو ! كانت وين ! اتغظتا لأنو سألوا بعد ما سألني قلت ليهو أسمر انا مش جاوبتا ليك , قال لي أسكتي إنتي ، أنا سألتو هو ، عبد الله قال ليهو ما تتكلم معاها بالطريقه دي .. زهره طبعا ما فاهمه شي الوقت داك قالت لي سندس مالهم بتكلموا كده بطرف نخرتهم الاتنين! عبد الله أساسا بحب المكاوه عاين لي اسمر وقال لي كانت في بيتي و وقعت في بيتي و انا اللفيت ليها رجلها دي تاني عندك سؤال ! أسمر عاين لي ونهرني الكلام ده صاح! كنتي في بيتهم لحدي الوقت ده ؟ زهره اول مره تشوف اسمر بكورك وبتزهج وبتنرفز ،، أخوي مصطفى الصغير كان راجع من البقاله وشافنا متجمعين جنب البيت كلنا قرب علينا و سلم و شافني ملفوفه بتحت قال لي سندس حصل شنو😳 قلت ليهو كويسه يامصطفى ، عاين لي زهره قال ليها وقعت وين وكيف .. طبعا كلهم صنوا شاف عبد الله واسمر قال لي اسمر ماعرفتنا ؟ احساس عبد الله تبعك ، اسمر عاين لي وقال ليهو خلي اختك الكانت قاعده معاهو لحدي الوقت ده في بيتو تعرفك عليهو واتلفت مشى ،، طبعا الساعه ديك مصطفى ما فاهم شي بس الكلام الوواضح ده ، سألني كنتي وين عبد الله رد ليهو كانت معاي والموضوع مازي إنت متخيلو قال لي مصطفى كنتي معاهو! قلت ليهو خليني افهمك وما صبر لي اتمدخلتا مع اخوي مصطفى للبيت سريع بعد الكف الأحرجني بيهو ده ، زهره كانت واقفه مع عبد الله بره سألتوا حاصل شنو ! أسمر بعرفك من وين ؟ وإنت بتعرف سندس من وين .. هو كان عارف إنو زهره دي صحبتي قال ليها اخوها ح يعمل ليها حاجه ؟ قالت ليهو لا مصطفى ده زول رايق انت ماشفتا مهند كيف لسه ، قالت ليهو أنا مافاهمه حاجه ممكن تفهمني! هو كان بالو في سندس الجوه دي ما تحصل ليها حاجه و زهره عايزة تعرف ، سألها قال ليها عندك رقم اخوها مهند ! قالت ليهو اي بس وريني في شنو ، لما لقاها بتنق كتير وقف معاها بره وحكى ليها اي شي بعد ماعرفت الحقيقه قالت ليهو طيب ح اديك رقم مهند ماعني ماعارفه عايزو لشنو بس يلا على الله قال ليها عليك الله خليك معاها الليله امشي بيتي عندهم قالت ليهو حاضر تمام ده كلو خوف عليها😂😂 ،، عبد الله مشى البيت ولما راق وجمع كلامو اتصل على اخوي مهند اول ما رد مهند وسلم عليهو قال ليهو عبد الله أنا عبد الله .. مهند طوالي انفعل قال ليهو اسمر كلمني قبل شويه بالتلفون ..
* الكلام الكان حاصل بعد أسمر دخل بيتهم شال تلفونو * واتصل على مهند كان معاهو معاذ الوقت داك في شقه واحده قال ليهو أسمر اختك سندس ليها فتره بتعرف واحد من حلة شيخ عثمان اسمو عبد الله انتو ما بتعرفوهو بس أنا سامع عنو هو زول مخدرات ومدمن ومعروف بي كده المهم اختك دي انا اتكلمت معاها كتير في الموضوع ده وما سمعت كلامي نصحتها كأخت لي وبرضو ما سمعت مني ، طلبت منها تقطع علاقتها بيهو لأنو زول ما كويس بس أصرت إنها تكمل وقلت مامشكله بعد نعرس علاقتها بتتقطع بس الظاهر أختك لسه بتتمادا ومافي زول مالي عينها ، يعني انا ارجع الساعه ١٠ مساء و القاها واصله البيت يادوب وكمان نازله من عربيتو ده كلام انا ما برضاهو اختك بالطريقه دي انا ما ح اقدر اكمل معاها و قبل ما الموضوع يكبر احسن يخلص من البدايه زي ما جيتكم بالمعروف هسي انا مفارقكم بالمعروف و قفل "
مهند ومعاذ سمعوا الكلام كلووو بس معاذ اتصل على الوكاله وقدم الحجز للسودان ، مهند قال ليهو سندس عايزة تكسر كلمتنا قدام كل الناس العارفين الخطوبه باقي ليها اسبوعين .. الكلام ده ما ح اخليهو يحصل ..
عبد الله لما اتصل على مهند طوالي انفعل لأنو كان عارف الحاصل ، قال ليهو لما نجيك السودان و نوريك انو بنات الناس ما لعبه عندك ما اداهو فرصه يتكلم و فصل في وشو ،، انا بس كنت قافله باب الغرفه علي ومصطفى بره بكورك حاجزاهو امي مني بالعافيه لأنو لسه عايز يضربني ، زهره دخلت و برضو حاولت تهدي الموضوع بس ماقدرت .. اتسحبت دخلت لي الغرفه لقتني منهاره ببكي في الارض ماعرفت تتصرف كيف شالت التلفون وضربت لي مهند و طبعا لانها حبيبتو فما ح يقفل في وشها ، اول ماردا عليها قالت ليهو مهند سندس منهاره شديد اضرب لي اخوك وهديهو شويه خلينا نوديها المستشفى قبل مايحصل ليها شيء ، قال ليها خليها تموت قبل ما نصل بكره المساء وقفل فيها .. طبعا كان عندهم قروب في الواتساب السته ف رسلوا لي بعض اي زول يقدم الحجز بتاعو مأمون ومحمد ومدثر في الامارات و مهند و معاذ في قطر .. كلهم قدموا الحجز و تاني يوم الصباح ركبوا طياراتهم المساء كانوا في السودان انا وامي وزهره في غرفتي ما طلعنا منها كلو كلو .. اول ما وصلوا اخواني قابلتهم امي بس جمعتهم كلهم في الصالون و قالت ليهم " انا ماراضيه عن اي واحد فيكم لو حاول يمد يدو على سندس " زهره الكلبه😂😂 وانا ببكي هي فتحت دولابي وشالت مني فستان وسرحت شعرها واتمكيجت وقالت لي دقايق اسلم على مهند و اجيك راجعه😒👋 انا في شنو وهي في شنو ،، لما مشت الصالون سلمت عليهم وقعدت طبعا كلهم سكتوا بحكم انو زهره قاعده ،، جا مصطفى واجتمعوا لي السته كلهم هناك ،، امي حلفت انو مافي زول فيهم يعتب باب غرفتي الا لمن خالي يجي .. كانت ضربت ليهو الصباح وكلمتوا برواقه .. هم قاعدين منتظرين خالي يوسف يجي انا شلت التلفون وضربت لي عبد الله قلت ليهو اخواني وصلوا و منتظرين خالي .. قال لي تمام بس ده الدايرو منك .. لما زهره طلعت تتكلم على مهند عبد الله كان ضرب اتكلم معاي وسألني اذا مصطفى ضربني قلت ليهو لا بس هم جايين قال لي لما يصلوا بكره كلميني بس ده الدايرو منك .. عشان كده كلمتو اول ما وصلوا وقعدوا ..
خالي جا 💔 دخل اول الصالون سلم عليهم وقعد وقال لي زهره امشي لي سندس ، قفل باب الصالون عليهم و قال ليهم اول حاجه عايزكم تعرفوها البت دي يتيمه " فأما اليتيم فلا تقهر " خالي كان معروف إنو زول متدين و صعب و كلمتو واحده بس منصف وحنين .. مهند قال لي اي يتيمه بس ما معنى كده نجدعها و هي ماواعيه لسه انو الصح وين ، قال ليهو ماواعيه! اختك عمرها ٢٦ سنه و قربت تدخل ٢٧ سنه ، اختكم الشايفينها صغيره دي عالجت زول عمرو ٣٥ سنه يتيم الاب و الأم .. وقفت معاهو و ساعدتو وطلعتو من طريق اسود كان ماشي فيهو .. اختك دي خصمت من نفسها وزمنها وساعدتها عشان تقيف جنب زول و تعلموا كيف يبقى ناجح .. اختك دي اعقل منكم انتو السته رجال ،،ما لأنها بنت تقيفوا في وشها وترهبوها ودايما واقفين في وش سعادتها ،، مهند قال ليهو سعادتها كانت مع اسمر الغيرها شنو هسي! قاال ليهو مافي زول بعرف سعادتها وين غيرها هي .. قاعدين جوه قلبها انتو ! معاذ قال ليهو اي دي حياتها وسعادتها تختار تعييش مع اي زول الا ده ، ده مدمن" قالها بكواريك وغضب " ياخالي قال ليهو اول حاجه ماترفع صوتك تاني حاجه كان مدمن .. مأمون كان ساكت و مدثر و محمد ،، قال ليهو مدثر طيب يا معاذ اذا هو اتعالج المانع شنو في الاخر انا بتهمني سعادة سندس ، قال ليهو انت مجنون ولا شنو ياتو يوم كان في مدمن بتعالج مافي مافي افهموا ، الولد ده لو اتعالج ح يرجع تاني انتو مافاهمين حاجه ،، خالي قال ليهو قلت ليك اقعد وماتكورك واتكلم براحه معاذ واقف على حيلو قال ليهو ما بتكلم وما بقعد مأمون ومحمد موافقين عليهو طبعا لأنو معاذ الأكبر فكلمتو هي الماشه حتى لو قالوا موافقين ، جرس الباب دقا امي قالت ليهم وطوا اصواتكم لحدي ما اشوف منو .. مشت فتحت الباب لقتو عبد الله💜 متأنق و قااشر ومتعطر عطر يلخم 😘 .. سلم عليها بإحترام و قال ليها انا عبد الله طبعا هي قربت تقع من الخوف قالت ليهو الجابك شنو هسي ! قال ليها خليني ادخل لو مادخلتا الامور ما بتمشي يا امي 💜 ما تخافي انا ح اتكلم بي رواق مع اولادك .. دخل وامي كانت خااايفه بترجف دق باب الصالون انا كنت ورا باب غرفتي شايفاهو داخل عليهم وخاايفه بس بدعي يارب استر انا وكلتك امري استر علي ، مهند فتح باب الصالون وعاين ليهو ما عرفو طبعا لانو ما حصل لاقو بعض ، مصطفى شافوا طوالي عايز ينفعل قال ليهم السلام عليكم .. ردوا عليهو و عليكم السلام مدا يدو لي مهند قال ليهو عبد الله .. خالي يوسف وقف طوالي على حيلو وقال ليهو شرفت مرحب بيك اتفضل،طبعا ديلك كتموها في جواهم و قعدوا بعد خالي رحب بيهو قعد في الكرسي بتاع الجلوس جنب خالي و كان في وش المدفع مهند ومعاذ و مصطفى جنب بعض و ديلك موزعين اي واحد في كرسي براهو ، " زهره جرتني وجينا وقفنا جنب باب الصالون بي بره و امي برضو معانا اول مره اسمع عبد الله بتكلم كده 💜
قال ليهم أنا عبد الله منصور ولد دكتور منصور خالي قال ليهو بالله انت ولد كتور منصور😳 قال ليهو ايوه امي دكتوره صيدلانيه و اخوي كان مهندس معماري والله يرحمهم كلهم متوفيين ، حاليا في البيت عايش مع حبوبتي و خالتي و بنتها هاجر مصممه برضو دارسه هندسه .. دي اسرتي البسيطه انا باقي لي شهور و استلم شهادتي دارس ادارة اعمال .. بيتنا في الشارع الرئيسي بيت اهلي و بيتي في نفس الوقت .. زي ما انتو عارفين كلكم إنو كنت بتعاطى الممنوعات بس وقفتها قبل شهور .. مهند عايز يقاطعو خالي وقفو قال ليهو مهند سيب عبد الله يتم كلامو 🤚 حمر ليهو و سكت ،، عبد الله كمل سندس بالنسبه ليكم اختك بس .. بالنسبه لي " امي الفقدتها و اختي الكنت فاقد معنى الاخوه الا لما جات هي .. دكتورتي النفسيه و البسببها اتخطيت عقبه أنا ما كنت متخيل نفسي في يوم اتخطاها .. سندس بالنسبه لي عالم كبييير اخر حاجه فيهو ممكن اقولها إنها حبيبتي .. كانت العوض لي من الله و السند القواني على حاجات كتيره .. جيتكم هنا عشان تعرفوا كلكم اني ما خايف من مواجهتكم ولا في يوم ختيت سندس لعبه و حتنتهي من حياتي ،، إنت خالها و الكبير هنا مع إحترامي لي أخوانها كلهم أنا جيت الليله عشان أتقدم لي سندس و ما عايز رد هسي ،، اخدوا وقتكم و اتشاورو و أسألوا عن اهلي بره في الحله انهم كانوا ناس طيبين قدر شنو بس ما تسألوا عني الا بتكم و بتكم عاقله و واعيه وبتعرف تميز بين الناس ،، انا ماغلطتا معاها في اي حاجه و لو صحي كنت بلعب ما كان لقيتني هسي في وشك يامعاذ اول ماجيت .. كلهم كانوا ساكتين و هو بتكلم خالي استناهو لما خلص من كلامو .. قال ليهو والله ياولدي ماعليك عيب كلنا عندنا عيوب و كلنا مستورييين من ربنا بس مافي واحد فينا هنا احسن من التاني و ياولدي انا خال سندس ده أديتك ليها انت راجل وعندك كلمه و اوفيت بي وعدك وجيت لو زول غيرك كان ممكن يتملص من الجيه ولا يتعذر ، بما انك جيت براك لحدي هنا انا والله ما عندي مانع لو بكره عقدتو .. قال ليهو ياخال تسلم والله بتكم مافيها ولا كلمه و اي زول بتمناها في الدنيا دي ، وقف على حيلو وقال ليهم منتظر الرد منكم انتو اصحاب الراي كلكم السلام عليكم .. جا طالع بره نحنا جرينا اتدسينا التلاته ورا غرفتي بس شفت خالي معاهو بودع فيهو بابتسامه و ديلك جوه الصالون صاريين وساكتيين ، خالي قدمو لحدي ما ركب العربيه مهند كان واقف بالبلكونه بشوف فيهم .. معاذ قال ليهم ما اتوقعتو تكون عينو قويه للدرجه دي ويجي مأمون قال ليهو والله انا احترمتو بعد جيتو دي ياتو واحد عارف انو البت وراها سته رجال ويجي يواجهم كده ! محمد قال ليهو مأمون معاهو حق في دي .. مهند جا داخل قال ليهم انتو كمان عايزين تلحقوا خالكم ! مدثر قال ليهم والله نحنا التلاته موافقين انا الولد ده عجبتني طريقة كلامو وثقتو ومتأكد لو ابوي عايش كان ح يوافق عليهو لأنو في الاخر عندو كلمه و جا لو مادايرها بالحلال ما كان جا .. طلعوا التلاته وخلو مهند ومعاذ و مصطفى براهم في الصالون خالي جا داخل لي ديل في الصالون قعد معاهم تاني كان بحاول يقنع فيهم وهم لسه جايطين لحدي ما دخل اي واحد فيهم غرفتو ونمنا كلنا للصباح ما لاقيتهم .. الصباح انا اول وحده صحيت في البيت دخلت عملت شاي بلبن و جيت ختيتو في حوشنا الكبير .. البسكويت والبخور صليت تاني ركعتين لحدي ماهم صحوا الساعه تسعه كده جوا نازلين الحوش تحت طبعا يادوب شفتهم اول واحد سلم علي مأمون و محمد بعدو ومدثر حضني شدييد عليهو و همس لي في اضاني انتي ست البيت 💜 ما ح نخلي زول يزعلك يا سكرنا انتي اميرتنا سمعتي .. وهو بتكلم معاي وانافي حضنو بكيت😭💔 و اتخنقتا جا محمد مسكني و برضو حضني قال لي ما تبكي قلنا جنبك والعرس ده ح يتم ما داير اشوف دموعك .. مأمون قرب مني سلم علي في راسي و يدي و قال لي إنتي سكرنا و حقتنا كلنا ما تزعلي .. امي جات نازله هي وخالي شافتهم بتكلموا معاي كيف سلمت عليهم يادوب بفرحه وقالت ليهم راضيه عنكم ما تكسروا قلبها .. كنت لسه بتخنق بعد مراضاتهم لي هم كانوا التلاته اكتر حنيه من ديلك كنت خايفه من ردت فعل مهند ومعاذ لما شفتهم نازلين للحوش طوالي جريت عليهم قلتا ليهم حمد لله على السلامه ردوا لي بزهج الله يسلمك .. طوالي جريت ركبتا ودخلتا غرفتي ..
اسبوع مرا و هم بتناقشوا في الموضوع كل يوم مدثر ومحمد ومأمون كنا بنتلاقى على صينية الغدا و لا الفطور لكن مهند ومعاذ ما بلاقيهم .. مواعيد الخطوبه قربت و الناس عارفين انو سندس جاها عريس .. مهند بعد مرا اسبوع كان بتكلم مع معاذ قال ليهو ح نتكلم مع سندس كيف ؟ قال ليهو معاذ نادي سندس وخليني معاها برانا .. ناداني من غرفتي كنت برجف من الخوف لأني بعرف معاذ كوويس لما يهيج ويكورك .. كم مره ضربني زمان و خوفني وقبل كده كان عايز يعرس لي واحد كبير شديد .. جيت داخله ليهو في الصالون منزله راسي و خايفه برجف 💔 قال لي اقعدي هنا جنبي جيت قعدت جنبو في الكنبه .. بدون ما اتوقع منو يعمل كده جراني على كتفو اليمين ختى راسي قال لي اخوك الكبير متوقعاهو يأذيك او ما داير مصلحتك ! قلت ليهو ماعارفه .. قال لي انا لو عملت حاجه قايلاني بعملها عشان اضرك ؟ قمتا على حيلي و بكيت اللحظه دي وماقدرت امسك نفسي اتخنقتا قام على حيلو ومسكني حضني💜 اول مره كان معاذ يحضني 😭😭💔 اتشبكتا فيهو زي الطفله وبكيت زيااده قال لي ليه خاته في راسك اني ممكن أذيك قلت ليهو وانا بتخنق لانك كنت بتضربني زمان وتقهرني وعادي ممكن تعمل كده هسي .. رفع راسي من كتفو كنت ماليه التشيرت بتاعو بالدموع مسك وشي ومسح دموعي وقال لي انتي قطعه مني انتي جوهرة البيت ده كانت عيونو مدمعه ماحصل شفتو كده قلت ليهو انا دايراهو هو بس .. قال لي هو بقدر يجهز للعقد بعد اسبوع ! بعد حالة الانهيار الكنت فيها ديك ركزتا معاهو واتخلعتا 😳 عقد شنو 😳 قال لي انا رديت ليهو امبارح المساء و قلت ليهو سندس و خالها واخوانها السته موافقين عليك وغيرنا راينا من الخطوبه عشان بتجرجر هو استعجل وقال لي انا جاهز للعقد قلت ليهو الحيعقد ليك منو قال لي خالي وكيلي .. قلت ليهو براحه انا ماقادره افهم براحه يامعاذ .. جات ماما وزهره واخواني الباقيين داخلين و خالي ماما كانت بتزغرد وعيونها مليانه دموع فهمتا انو الموضوع تما و هم وافقوا على عبد الله ...
...
....
.....
......
.......
......
.....
....
...
طبعاً ياجماعه القصه دي حصلت قبل تمنيه سنين ، بتهم الكبيره اسمها بسمة .. لو شفتوها حلاتها كيف💜💜 و عبد الله وجيييه وجييه ماشاء الله تبارك الله 🌼 ... عايشين في بيتهم السمح ده زاتو شفتو رهيييب رهيييب 😍 ..
الزوله دي ياجماعه انا اتعرفت عليها في مكتب محاميه بتبقى لينا مشيت ليها لورق وهي كانت قاعده العجبني فيها مره مرتبه وانيقه جدا جدا 💜 جا داخل عبد الله و احنا الاتنين منتظرين ماشاء الله وجيه بالجد ، قرب و جرا الكرسي و قعد جنبها سألها لسه قالت ليهو قربتا منتظره ورقه بس قال ليها طيب صلحي شبطك قالت ليهو مالو قال ليها اتفكا دقيقه ونزل صلحوا ليها 😍 كنت بعاين فيهم ومبتسمه ياخ الموقف كان حلو كيف وهم بعاينوا لبعض و بتبسوا ناس بشوووشيين شديد 💜😍 هي دمها خفييف و روحها حلوه لمن شافتني بتشمشر😂😂 ابتسمت لي قلت ليها ربنا يحفظكم ، قالت لي آميين سألتني منتظره شنو و وريتها بقينا نتونس و لحدي ما هم شالوا ورقتهم لما جات طالعه ادتني رقمها قالت لي لو عندك حاجه ده رقمي ، لحدي ما اتعرفنا كتير وزرنا بعض كتير و يوم حكت لي اتعرفت كيف على راجلها 💜 الاتنين دمهم خفييف لدرجه لما الزول يقعد معاهم بموتوهو من الضحك .. عبد الله أقنعني إنو الإدمان ممكن يتعالج وللأبد كمان 😂😂 قالت لي كل ما كان بزعلني كنت بخاف يرجع تاني ، بعد نتشاكل بجري وراهو اشوفو ح يعمل حاجه قعدت فتره لحدي ما قلبي ارتاح وجبنا بسمه 💜 عائله كده حلووه خلاص😭😭💔 الاتنيين سمحين و بتهم حلات الدنياعليها 💜😘
#سندس_مالك
