رواية خيال أقرب لزمان 🍃.

البارت الثالث

ميساء من يوم ضربها أخوها وطاحت أغمى عليها الى الصباح
في اليوم الثاني دخلت ام محمد تصحي ميساء
أم محمد : يممه بنتي
كان باين علامات الضرب ونزفت كثير صار وجهها من الابيض الى الازرق الغامق فمها أسود مرره
دخلوا كلهم غرفة ميساء وهم مصدومين ما عدا محمد عرف نفسه شلوها واتصلوا على أبو فيصل جو كلهم ووصلوا المستشفى وبعد مرور ٣ ساعات ونصف وفيصل متندم طلع الدكتور ووجهه ما يبشر بالخير
أبو محمد : بشرني يا دكتور !!
الدكتور منزل راسه : للأسف بنتكم صار لها زمان وهي مغمى عليها وتنزف سبب لها هالشيء غيبوبه وما ندري متى تفيق !
كلهم بكيوا وفيصل كان بيموت ولا يسمع هالخبر
الدكتور : أي صح بنتكم محتاجه دم نوعه O+ أبي متبرعين كلهم ما عندهم فصيلة الدم هذي
أم محمد : يا حسرررتي عليك يا بنتي بتموت
الدكتور : طيب معارفكم الله يخليكم شوفوا هذا الدم مو متواجد عندي بالمستشفى حياتها بخطر
فيصل : دكتور انا فصيلت دمي O+
الكل فرح نص فرحه سوا تحاليل وطلعت متطابقة وهو عنده " أجمل أنسانه دمي يمشى بعروقها"🥰
الدكتور : يا عمي البنت تعرضت لضرب شنيع فلازم نشتكي للشرطة
فيصل ومحمد : لا لا ما يحتاج
الدكتور : الا يحتاج عشان نتأكد
محمد : دكتور طاحت من الدرج
الدكتور : بس هذي آثار ضرب مو آثار أنها طاحت من الدرج زي ما تقول حضرتك
محمد معصب : أيش اسوي يعني طاحت وصار اللي صار الله يرحم والديك روح شوف أختي وفكني من كلامك وفلسفتك
الدكتور : الله كريم
من اسبوعين وميساء باقي ما صحيت من الغيبوبه
دق جوال ميساء بالليل
محمد شاف رقم غريب عرف انه حبيب ميساء : الو
محمد : انت منو بسببك اختي بين الحياة والموت انت قتلتها بأفعالك واعدتها وطلعت معها ومتعرف عليها من زمان ايش باقي ما سويت
جاسم منصدم هو حنون بس حقير شوي : انت ايش قاعد تقول اختك طاهره انتوا ظلمتوها هي ما تحبني ولا شافتني حتى وانا ما اعرفها بس وحده من زميلاتها بالصف نيتها سوداء واختارتني انا اللعب الدور ولا هي ما ترد علي ولا تكلمني بس أنا ازعجها وهي تسفه فيني والله اختك طاهره ونظيفة قفل محمد الخط طوووط طووط طوط!!
محمد صدمه كبيره ضرب اخته وهو ظالمها قال لفيصل كل اللي صار
فيصل ندم وبكى من شدة الندم
من شهر كامل
الدكتور : بنتكم الحمدلله بدأت تستجيب للعلاج الكل فرح واستانس
الساعه ٣ الفجر
دخل فيصل بعد ردود فعل دخل غرفة ميساء اكتشف انه يعشقها ويحبها وما يقدر يعيش من دونها تأمل فيها وكيف انقلبت ١٨٠ درجه مسك يدها الناعمه الباردة الصغيره وباسها
فيصل : ميسائي حبيبتي أنا اسف يا قلبي انا ظلمتك أرجعي لي تكفين واتقدم لك تكفين نزلت دمعه حاره من عيون فيصل ليد ميساء

ميساء : امم امم امم
فيصل قام بسرعه قبل لا تنتبه له
وطلع وقال لدكتور
كشف الدكتور عليها
فيصل : هاه بشر يا دكتور
الدكتور: الحمدلله بأذن الله بتفيق بكره ربي أستجاب لدعائكم
فيصل سجد سجدت شكر لله وبشر اهله والكل استانس
يوم جديد قامت ميساء والكل كان عندها ويتحمد لها بالسلامه بس كانت تبعد عن محمد وفيصل هم سبب خوفها وحزنها
ام محمد : فقدتك بالبيت يا امي انتي
ميساء بأبتسامه صفراء: وانتوا اكثر خلاص مليت من المستشفى
مدى : يا هوووه كيف تملين انتي بعقلك صاحيه لو انا مكانك فرحت وطرت من الوناسه

ام محمد : بعيد الشر عنك
ميساء : وليش ان شاء الله
مدى : رجيم شهر كامل خدم رأس الخدمه وايش تبين اكثر من كذا ولا احنا طبخ ومليون خادم بالبيت بس بكره ورانا زواج وعيال وتطالع في امها الكل ضحك ههههههههههه
مر اسبوع وخرجت ميساء من المستشفى بس ما قدرت تمشي عشان لها قعده طويله بالفراش

ام محمد : تو ما نور البيت يا شمعة ونور البيت انتي
ميس وهند وهنادي : فتحوا افمامهم وشهقوا ماشاءالله ميساء كل شيء هااه
ام محمد وميساء ضحكوا ههههههههههههه
بعدها طلعت غرفتها وطلبت من الكل يخرج تبي تظل لوحدها وكلهم عارفين ان هذي طبيعة ميساء توجهت ميساء لفراشها وظلت تبكي : أنا بيشكون بعرضي لا لا ما اصدق
شوي دق باب غرفة ميساء مسحت دموعها : تفضل
دخل محمد وهو منزل راسه
ميساء : يمه لا ابعد ما ابيك
محمد قفل الباب وقالها بصوت عالي : أنا آسففف
هدأت ميساء : آسف على ايش كذبت اختك وصدقت ولد عمك
محمد : حبيبتي انا وياه ندمنا اشد ندم ونقول لك اسفين
سكتت ميساء ودموعها تنزل شلالات : طيب خلاص اطلع برا مسامحتكم حصل خير
محمد ضمها : دايم دايم قلبك ابيض
ابتسمت ابتسامه مغصوبه : طيب خلاص ابي ارتاح
محمد باس جبينها وطلع **
أبو محمد قرر يسوي عزيمه لطلعت ميساء من المستشفى
يوم العزيمه

ندى : ميس اشتقت لك يا قرده
ميس : وانتي اكثر يا فيله
ميس وندى ههههههههههههه
مدى في غرفة ميساء : حبيبتي ميساء وشفيك يا قلبي
ميساء : والله احس بالوحده وان ما فيه احد حولي
مدى : افااا واحنا وين رحنا
ميساء : انتوا معي لكن !!!!
مدى : لكن ايش؟
ميساء : ولا شيء
مدى : انتي تبين ايش
ميساء : اخاف من الدنيا ومن اللي حولي يا مدى
مدى ضمتها : هدي حبيبتي ويالله اللبسي وتجهزي الناس على وصول
ميساء : طيب
تجهزت ميساء ولبست فستان وسيع من تحت وضيق من عند الصدر الى الخصر وموديله كم لونه بيج وعلى الخصر فيونكه حمراء سوت شعرها كعكه مهمله ونزلت خصلات وحطت شدو وروج احمر بسيط وضل وغلوس كان ما يحتاج لها مكياج لأن طبيعتها كأنها حاطه مكياج اما الكعب ( وانتوا بكرامه) صندل احمر موديله جميل وناعم
نزلت وسلمت على اللي بالمجلس
ام راشد ، ام عادل ، ام يزن ، ام عبير ( من القبيله)
بنات ام راشد : لمياء فاطمه وسميه وخوله
ام عادل : نرجس وارجوان
ام يزن : خديجه وغاليه
ام عبير : عبير الوحيده
ام راشد : يا هلا وغلا الحمدلله على سلامتك يا يمه
ميساء : الله يسلمك خالتي
والكل تحمد لها بالسلامه
وطلعت عند خواتها تساعدهم .

نهاية البارت .
-ايش تتوقعون للبارت الجاي
انتظر تعليقاتكم❤️