بعد حفله الخطبه اتفق سليم ورفيده على ان يلتقيا غدا ليخرجا مع بعضهما
فى الصباح قامت رفيده واستعدت لكى تخرج هى وسليم ولكن فجاه رن تليفونها برقم سليم فردت
رفيده:الو
سليم:صباح الرقه والجمال والحلويات
رفيده بخجل :صباح النور
سليم: ها يا حببتى جهزتى اجى اخدك
رفيده:ايوه خلاص خلصت اهو
سليم:خلاص يا حببتى انا جاى اهو
رفيده:تيجى بالسلامه
واغلقت الخط وبعد قليل جاء سليم واخذها واتجهوا الى احدى الاماكن الراقيه واول ما وصلوا هتف سليم قائلا
سليم:حببتى ممكن بس تسبقينى انتى عقبال ما اركن العربيه
رفيده:حاضر
دخلت رفيده وفجأه طفأت الانوار فاستغربت رفيده وخافت بشده وبعد قليل اضيئت فوجدت المكان كله مليئ بالبالونات الحمراء ومكتوب اسمها بالنار على كل جوانب المكان وبعدها تقدم اليها سليم فهتفت قائله والدموع بعينيها
رفيده:كل ده عشانى
سليم :دى اقل حاجه اقدر اقدمها لاجمل وارق حاجه حصلتلى فى حياتى
ثم اقترب منها اكتر قائلا
سليم: عجبتك المفأجاه يا قلبي
ارتمت رفيده بحضنه وتعلقت برقبته وهتفت قائله:اوى اوووووووى يا حبيبي
انزلها سليم بسرعه قائلا
سليم :ايه قولتى ايه
خجلت رفيده ولم ترد
سليم بتمنى :وحياتى عندك قوليها نفسي اسمعها منك
رفيده برقه: حبيييييييبى
سليم :بجد انا حبيبك بجد بتحبينى يا رفيده
رفيده:انا مش بس بحبك انا بعشقك يا سليم
احتضنها سليم بفرحه ثم اخذ يلف بها ثم انزلها قائلا
سليم:تسمحيلي بالرقصه دى يا ملكتى
هزت رفيده راسها بايجاب وهى فى قمه السعاده فأخذها سليم واخذ يرقص معها على موسيقا رومانسيه وبعد قليل اخذ سليم المايك واخذ يغنى لها بصوته التى ما ان تسمعه تشعر كانها تحلق فى السماء
ماتبعدش عنى ولا ثانيه احضنى نسينى الدنيا
واوعدنى طول مااانتى معايا متسبش ايدى
من ايداااك ....
يا نوووور عينى ضمينى حسينى
حبيبي حبيبي
معاك هقدر امشي واكمل
ولو مين جرحنى هتحمل
عشان عيونك يا حبيبي
انا اموت بجد ولا اسيبك
بعدقليل انتهى سليم من الغناء وجلسو يتحدثون قليلا وفجاه اخر سليم من جيبه علبه بها سلسه مكتوب علبها اسمه وفتحها فهتفت رفيده بفرحه:الله يا سليم دى جميله اووووى
سليم : انا مش عايزك تقلعيها من رقبتك طول مانا عايش ولما اموت ابقى...
لم يكمل سليم كلامه حتى قاطعته رفيده قائله
رفيده بخضه :بعد الشر عليك ......اوعى تجيب سيره الموت دى على لسانك تانى يا سليم
ابتسم سليم بسعاده وقال :طب خدى يلا البسيها عايز اشوفها عليكى
رفيده:طب لبسهالى
سليم:انا؟
رفيده:ايوه
سليم:بس انا عمرى ما لبست حد سلسله قبل كده عشان كده مش هعرف
رفيده:طب تعالى بس جرب وانت هتعرف
قام سليم من مكانه واتجه اليها فقامت بلم شعرها كله على جانب واحد والبسها لها سليم
وبعد فتره اتجها الى البيت اوصلها سليم وعاد الى المنزل
