تستيقظ رفيده فى الصباح على صوت والدتها
سنيه:يلا بقي يارفيده هتتأخرى على الجامعه
رفيده بنوم:ممممم ياماما لسه بدرى سيبنى شويه
سنيه:يلا بقى بلاش دلع الساعه بقت 9
رفيده:حاضر
استيقظت رفيده على مضض وتوجهت الى المرحاض وارتدت ملابسها واستقلت سيارتها وذهبت الى الجامعه عندما وصلت وجدت صديقتها فرح فى انتظارها بالخارج
رفيده:صباح الجمال
فرح بعصبيه :صباح الزفت على دماغك
رفيده:اعوذ بالله..ايه يا بنتى البلاعه اللى اتفتحت عليا دى
فرح:طول الليل أأكد عليكى متتأخيرش متتأخيرش وفى الاخر جيالى الساعه 10
رفيده بتذكر:يالهوى دانا نسيت خالص ...سورى يا فروحتى اخر مره وبعدين يا ستى انتى محموقه كده ليه نبقى نروح بعد المحاضره عادى
فرح:طب يلا ياختى عشان هنتاخر على المحاضره وانتى عرفه الدكتور ده رخم اووى
............................
(على فكره رفيده وفرح رايحين عشان يجيبوا شويه حاجات لفرح عشان خطوبتها قربت)
بعد المحاضره خرجت فرح ورفيده واتجهوا الى احد المولات واشتروا بعض الاغراض واستقلوا سياره رفيده وهم فى السياره
رفيده:كان نفسي اوصلك من زمان عشان اسلم على مامتك دى وحشانى اووى وادى الفرصه جتلى
فرح:وهى كمان كل يوم تقولى ابقي هاتى رفيده وانتى جايه معاكى بس انا بنسي .....بقولك ايه
رفيده:ارغى
فرح:انتى مش ناويه تتخطبى ولا ايه
رفيده بهيام :هييييييح ادعيلى
فرح:يالهوى هى فيها هيييح
فرح بغمزه :ايه هى شبكت ولا ايه يا قطر
رفيده وهى تضربها على كتفها:ماتتلمى بقه يا بت متخلنيش اندم انى حكتلك
فرح:طب ايه
رفيده:مانا حكيالك ...سليم ابن عمى ..يالهوى يابت يافرح الواد مز اوى يخربيته
فرح:هو انتى قلتيله
رفيده:لا طبعا ...ده هو هيموت عليا بس انا منفضاله
فرح:يا واد يا تقيييييل
وبعد فتره اوصلت رفيده فرح الى منزلها ثم اتجهت الى منزلها
.........................
فى هذه الفتره مرت الايام بدون احداث جديده
بعد اسبوعين
فى المساء فى منزل رفيده كان الجميع جالسون يتناولون وفجأه هتفت سامى(والد رفيده)
سامى:تعالى يا رفيده عشان عايزك
رفيده:حاضر يا بابا
فى المكتب
سامى:رفيده اظن انتى كبرتى وتقدرى تفهمى اللى هقوله دلوقتى
رفيده بقلق:فى ايه يا بابا قلقتنى
سامى:من غير لف ودوران كده فى عريس متقدملك
رفيده:.....
------------------------------------------------------
اتمنى يكون البارت عجبكوا وعايزه اعرف رأيكوا اكمل ولا ايه
