حب من المراهقه ( القصه كامله)

البارت الرابع عشر

جنئ : بعد ما سولفت لماما على لي صار بيني وبين علي واني خبرته انو راح ابقه هنا كم يوم عدهم على ما يهده علي شويه وارجع بس هي ما قبلت أنو ابقه
وأني مستحيل ارجع لأن إذا رجعت اكيد علي راح يستحقرني وبعد ما يحترمني لأن أني كتله راح اروح وبعد ما ارجع لمن إنته تجي ترجعني فه هسه شلون ارجع وضليت الح على ماما إنو ابقه حته لو بس اليوم والحمد لله قبلت أنو ابقه عدهم طبعا ماما تريدني نفسه أنو اسكت وما احجي واذا يضرب بس أني مستحيل اصير نفسه وطبعا بابا وماما علاقتهم بعض نفس الشي أبد ما تغيرت بل عكس صارت وابتعدو عن بعض حيل لدرجه أنو ما ينامون بغرفه سوه كل واحد نايم بجه وشكد ما احجي وي بابا ابد ما يفيد ولا يغير طبعه وخواني كل واحد عايش حياته ومرتاحين وابد ما يفكرون بماما ولا كنو هي لي ربت وتعبت ولازم يجازون تعبه بس أبد كل واحد يفكر بروحه بل جذب محد كلف نفسه يسئله ولو مرة وحده ماما هم معتازه شي ومهئ وسجى ملتهيات بل دراسه ما يكدرن يسون شي طبعا سجى هسه هي مرحلة رابعه هاي اخر سنة ان شاء الله وتتخرج ومهئ بل سادس صارت  ومر أليوم واجه ليل وأني وسجاوي ومهاوي كعدنه نسولف شلون جنه نسهر بليل على الأفلام الأجنبية وبعدين تعبن ونامن وأني ضليت ما جايني لنوم افكر بعلي وشنو لي خلا هيج يتغير وياي وشلون جنه قبل عايشين اني وياه بحب وسعاده واذكر لمواقف لي جان علي يسويه بيه حته يختبر حبي اله😭😭😭😭😭😢😢😢😢😢 يارت ترجع ذيج الايام🌹الكاتبه آمل الروح🌹
يالله شكد جانت ذيج لايام حلوه لحد هسه اذكر لموقف لي سوه علي بيه واضحك مره تعاركنه أني وعلي وأني زعلت منه وضليت احجي عليه انو أني اكرهك وما احبك وراح اعوفك واروح لهلي فه هو كال كملتي هسه كتله أي كال يعني هسه انتي ما تحبيني كتله أي ما أحبك كام هو بدل واخذ مستمسكاته كلهن خلاهن بجيبه وباسني من راسي وكال حبيبتي أني احبج واموت عليج وأني ما جنت ناوي اروح بس ما طول أنتي ما تحبيني بعد شعدي أني باقي يمج بس قبل لا اروح حبيبتي بريني لذمه وديري بالج على نفسج ولا تنسين أني احبج واموت عليج فه أني بهاي لحظه فقدت وضليت ابجي 😭😭😭😭😭😭😢😢😢😢 علي حبيبي فدوه لأ تزعل مني وين تريد تروح والله أني اكذب عليك و الله احبك واموت عليك 😭😭😭😭 وابجي أني فه هو كال ها وهذا طريق واحد رايح بيه فه مبريه لذمه وانتي هم بريني لذمه فه كلشي يصير لأ حبي فدوه وين رايح ضليت أني احرمصله حته يبقه وقبل دقائق جان يحرمصلي وبعدين هو ضل يضحك ويكول ها غير إنتي ما تحبيني وتريدين تروحين لهلج شو هسه ضليتي تبجين وتكولين احبك على فكرة أني ما راح اروح لمكان بس ردت اشوف منو لي ما تحبيني 😁😁😁😁😁😁😁
حته بعد لا تعيدينه ياريت ترجع هذيج لايام ونرجع إني وعلي مثل قبل 😢😢😢😢 ....آمل الروح 🌹

أمير : بعد ما وافق والد دعاء انو نزوج بس لازم نسافر لأن اخوانه واخواته رافضين انو نزوج بهذا لوقت لأن والدتهم توفت صارلهه اربعين يوم اني وافقت انو نسافر وفرحت لأن حيل مشتاق أنو احجي واشوف دعاء وخاف هم يصير شيء بعد أني ما اتحمل بعده عني فه اخذت مستمسكاتي ورحت إني ودعاء حته نسوي جوازات  سفر وكمنه وكالو بعد اسبوع ارجع تلكاهن كاملات ومرت الأيام وخلص لاسبوع ورحت حته اجيب لجوازات ولكيتهن بيهن خطا وهم تاجلن بعد يومين هنا أني وكفت لأ مستحيل شنو لي جاي يصير ويانه أني ودعاء وخابرت على دعاء وكلتله انو لازم نزوج إني باجر جاي حته اخذج وسولفتله على كل لي صار وياي وافقت انو نزوج بدون عرس جبير وصار لعرس وأخيرا بس عائلتي وعائله دعاء  الحمد الله تمت على خير وأخيرا التقيت بحبي يالله شكد مشتاقلج ومشتاق لشوفتج

علي : قبل فتره وأني كاعد بل مجمع اجت عليه منى أني كنت بره اشتري هديه لجنئ وهي جايه ومنتظرتني على ما اجي لأن هي سائله اخوي عليه كاله طالع هسه شويه ويجي من رجعت هي لا كتني السلام عليكم

منى : السلام عليكم علي شلونك شخبارك

علي : هله وعليكم السلام ها هاي أنتي منى واخوي يكلي اكو بنيه منتظرتك شلونج شخبارج من زمان ماشايفج خير خو ما صاير شي

منى : اي أني كتله هيج يكلك علي أني أني اريد احاجيك بموضوع من زمان بس متردده كل ما اريد اجيك اخاف ما تصدكني واخسرك وانته عزيز عليه وما اريد اخسرك من وره هذا لموضوع بس بعد أني ما اكدر اتحمل اكثر واليوم قررت اجي واكلك بل موضوع

علي : تفضلي منى احجي خوفتيني خو ما صاير شي

منى : هلو هسه صار لدور لي أني اعرفكم عليه اني اسمي منى صديقه نرجس أخت علي عمري 23 سنه طولي 165 ووزني 63 حلوة بشرتي بيضه ولون عيوني اسود حيل وعيوني كبار أني لوحيه لعائلتي يعني مدلله عدهم بابا دكتور وملتهي دائما بل عياده مالته وماما مهندسه وكلشي اسوي محد يعرف وبكيفي اسوي لي يعجبني محد يدخل ويكلي هذا خطأ أو صح أني ونرجس حيل قريبات من بعض تعرفنه بل كليه وكانت نرجس دائما تحجيلي عن علي
اكثر سوالفه كانت بعلي وانو شلون يحب جنئ بت خالته ومتعلق بيه من كانت بل متوسطه بس جنئ ما تعرف بهذا لشي  و من زوجو علي وجنى شلون علي يعامل جنئ بكل حب كانت دائما نرجس تسولفلي عن علاقه جنئ و علي وانو تتمنه تزوج أحد مثل اخوه يعامله بهذا لحب بينما إني كنت كل ما تسولفلي نرجس عن علي يزيد تعلقي يبه ومو بس تعلق صرت احب علي اني أبد ما شايفته بس مجرد كلام اسمعه عنه من نرجس هيج صار بيه ومرت الأيام وأني يوم بعد يوم يزيد حبي اله وكنت حيل اغار عليه من جنئ
اموت من اسمع نرجس تجيب طاريه وكنو علي حبيبي وزوجي واغار عليه وطبعا أني قررت لازم اشوف علي واسولفه عن حبي اله ولتقينه أني وعلي وأخيرا بحفل لتخرج كان جاي وي نرجس وعرفتني عليه نرجس وطبعا من شفت علي زاد حبي اله اكثر واكثر وتمسكي بيه هم وبذيج لحظه قررت انو لازم علي يصير الي ويحبني مثل ما أني احبه وطبعا من عرفت علي عرفت منه أنو هو شكد يحب جنئ ويموت عليه فه من شفت علي شلون يحجي عن جنئ هنا كلت لازم الكه خطه حته اخلي علي يحبني ويترك جنئ وطبعا اني ونرجس بقينه على تواصل بعد ما تخرجنه وكل فتره وحده زور وحده
وتعرفت على جنئ هم وكنت كل فترة اروح حته اشوف علي وكنت كل ما اشوفه يزيد اصراري وتمسكي بيه وانو لازم يكون علي إليه وبس ومحد يشاركني بيه وسويت خطه حته يصير علي إليه بس بل فتره لي اجيت انفذ خطتي بي توفه والدي بحادث سير  ولتهيت فتره ومرت الأيام وابد ما نسيت علي بس هسة رجعت حته انفذ لي خططتله من قبل واجت لعلي للمجمع وكتله أنو جنئ ما تحبك وجاي تخونك وطبعا علي ما صدك بحجي بس أني كنت مخططه لهذا لشي راويته محادثات فه هو هنا فقد وضل بعد ميشوف أني حيل فرحت بذيج لحظه أنو وأخيرا راح علي يصير اليه ويترك جنئ ...بقلم الكاتب امل الروح 

يتبع

اتمنه شاركوني آرائكم بل بارت

احبكم فديتكم 
🌹🌹🌹🌹🌹بقلمي انا آمل الروح🌹🌹🌹