السلام عليكم اليوم راح اكتب قصتي احيانا نسوي اخطاء نندم عليها العمر كله ولو الندم بعد ما يفيد
المهم نبدا بسم الله :
اني نور من محافضه بغداد اني طالبه ثالث متوسط مواصفاتي طولي ١٦٩ وزني ٦٠ بيضاء البشره ومثل ما يكولون اليه جمالي طاغي اعيش باسرة متكونه من اب محافض جدا وام ما الها راي بالبيت يعني كلام بابا هو الي يمشي كلشي يكوله نكول تم حتى لو هذا الشيء اياذينا ومو لمصلحتنا المهم احنا ٣ بنات و٢ ولد عندي اخت اكبر مني اسمها سميه واخت اصغر مني اسمها زينب اختي الاكبر مني تدرس سادس اعدادي والاصغر مني اول متوسط اما اخواني واحد سادس ابتداءي والثاني اول ابتداءي كعدت الساعه بالعشره الصبح دوامي ضهري سميه بالمدرسه وزينب نروح سوه ونرجع سوه نفس المدرسه كعدت زينب كتلها كومي لج نضفي وياي شنو سالفتج كله عليه
زينب ،اي كمت اووووي هو هيج الواحد يكعد تف على وجهج
نور ،ولج عليمن والله اليوم ما اعبرج الشارع روحي ولي ما اخذج
زينب ،اوووف سويلنه ريوك بين ما اكنس وانتي تمسحين
نور ،فديتج عفيه عليج
ماما جانت بالسوق واخويه بالمدرسه والصغير نايم فبسرعه تريكنه ولبسنه باوعت الساعه ب ١١ ونص كتلها ياله زنوبه اتاخرنه
زينب ،اوووو اي جيت
سلمنا على ماما وطلعنا وصلنا لمدرستنا زينب ،باي حبي نور ،باي تعاليلي بالفرصه اوكي
لكيت صديقاتي الشله التعبانه سوالف وشقه وضحك ودرسنا من درس لدرس اجتني زينب بالفرصه تبجي نور الحكيني هاي كتلتني واخذت مصرفي
نور ،اوووف شون ولج كون يوجعج شيء وين ضربتج صحت الشله مالتي ٤ واني الخامسه رحنالها للبنيه كتلها لج بربوك شون تاخذين مصرف اختي هيه شافت واجت تموت كالتلها العفو هاج مصرفج وباستها وصالحناهن كتلها شفتي صيري مثل صديقتج وخافي مني
زينب ،يا والله مو الزمج واموتج
نور ،صدك اوكي هسه اصيح هاي الكتلتج عليج
زينب ،نور شبيج ما واحد يشاقه وياج اوي اروح لصفي احسنلي
خلص اليوم عادي رجعت للبيت لكيت سميه اوووف اعشقها علاقتي وياها من الطفوله على اتفه شيء اكلها وهيه كذالك كتلها هلوووو
سميه ،انجبي نصي صوتج بابا هنا لا يسمع صوتج عالي ويموتج
نور ،شعنده هنا
سميه ،عزه بعينج لعد غير بيته وين يروح ههههههه
نور ،اوووف سويلنا غدا
سميه ،انتضرتج ما تغديت هسه اصب بسرعه
نور ،اوكي
بدلت واتغدينا وسبحت وصليت ونمت كعدت لكيت سميه تتحضر راح تتطلع للدوام
نور ،بربوك هاي صدريتج بيها فتحه اذا شافها بابا يكصها على راسج
سميه ،اوووف يمعوده راح يطلع قبلي هو والعامل مالته واروح
نور ،باي مقدما
سميه ،هههههه نامي
كعدت ونفس الروتين رحت للمدرسه رجعت اجتني سميه تركض للمطبخ
سميه ،نور الحكي هاي جيرانه اجت اليوم وكالت الساده البركن خطبوج
نور ،شنننننو
سميه ،وبابا جاي يحجي بالموضوع ويه ماما وجنه موافق
نور ،بجيت وفتت الغرفتنه فرشت ونمت وابجي بصوت ناصي وسميه هم تبجي لان بابا اذا فكر بشي معناها موافق
زينب ،عزه اذا بابا زوجها يعني يزوجنه كلنه وراهه
فاتت امي للغرفه شافت حالنه كالت اسكتن اجه ابوجن راح يكعد يمجن بس يغسل انتي شيكلج كوليله لا اذا ما موافقه سكتت
بابا ،ها شونجن
البنات ،هلو بابا زينين الحمد لله
بابا ،اي نور شونج
نور ،زينه حمد لله
بابا ،اليوم اجو خوش ناس عليج ساده جديدين بالدربونه وخطبوج الى ابنهم الجبير
نور ،بس بابا اني ما اريد اتزوج
بابا ،........ بين الغضب على وجهه
نور ،بابا والله بعدني صغيره اصلا اني كاسبه سنه والله بابا يعني اني لازم بالثاني حباب بابا ما اريد اتزوج
بابا ،تنجبين وتزوجين وغصبن عليج
نور ،بابا
بابا ،نوووووور
بابا، هاي تربيتج ام حسين كرت عينج تقنعيها بالزواج وغصبن عليجن
طلع بابا وبجينه كلنه اني وماما وخواتي على حضي
واستمرت المشادات الكلاميه بين بابا وماما والمشاكل بينهم زادت لحد ما يوم بليل زاد صوتهم عن حده طبعا بابا وماما غرفتهم وحدهم وبابا طلع وضرب الباب مال غرفه وراح دخلنه على ماما لكينه الدم يجري من خشمها وحلكها كلنالها شكو ما رضت تحجي اخير شيء حلفتها بابوها
نور ،ماما بروح ابوج شكو ليش هيج بابا اذاج
ماما ، نور ابوج يضربني علمود اضغط عليج وتزوجين
نور ،كل هذا علمودي ......ماما من يجي بابا كوليله موافقه خل اتزوج
ماما ، وج يمه لا تضيعين نفسج بعدج صغيره
نور ،ماما اول وتالي اتزوج واذا بقينه رافضين اياذينه ويجوز يبطل البنات من المدرسه بسببي
اجه بابا وكالت امي اله اني موافقه واجه اليوم الي اجت ام الولد تشوفني حضرت نفسي ورضيت بالواقع وكلت افرحلي يومين احسنلي فجهزت نفسي واجتي المرة شافتني
ام الولد ،صلوات على النبي تخبل اني هم ابني حلو واشكر
ماما ،هو شكد مواليده
ام الولد ،والله خيه ما اعرف اقره اني
ماما ،زين هو شدارس
ام الولد ،خيه ٢ ابتداءي وبطل لا يقره ولا يكتب بس هذا الموبايل شويه كام يعلمه يقرة ويكتب
ماما ،زين شنو يشتغل
ام الولد ،ابوة شغله قبل شهر ب ........ عقد ياخذ ٣٠٠ الف
ماما ،الله كريم يصير خير
راحت المرة اجه بابا ماما كلتله ترا لا دارس ولا تعرف مواليدة
بابا ،واذا ما دارس شتردن قابل دكتور اني راح اسءل عليهم وخلي الولد يشوفها والله كريم
راح بابا سءل كل الناس كالوله ما نعرفهم جديدين بالمنطقه المهم كم يوم واجه الولد شافني وشفته
لبست وتعدلت وشلت الجاي وفتت الولد ضخم وزين حلو طويل وابيض عيونه خضر وشعره بي شكار يعني حلو المهم هو ساكت ما يحجي ولاحرف بس ابوه هو المتولي الكلام اني كعدت ٥ دقايق وكمت اتفقو بابا وابوة على ١٠ ملايين مواخر ومقدم ٥ المهم تحددت الخطوبه يوم الجمعه
يوم الخطبه رحنه للصالون اني وسميه وخالتي لبست بدله تركواز ورتبت وعدلت كاي عروس
ورجعت للبيت صارت ب٣ الضهر اجوي بس عاءلته وجيرانهم بدون اقارب لاخوال ولا عمام فاجه السيد عقدنه وطلع الولد هم طلع وياهم احنه عدنه الولد يضل شويه يكعد يم العروس ياخذ صوره شو هذا بسرعه طلع وياهم
