راحت ماما واجاني محمد كبل كمشني من شعري
محمد ،لج صاقطه شكايله الى امج وخليتيها تكلي ديربالك عليها
نور ،والنبي كلشي ما كايله والله
محمد ،انتي صاقطه وكحبه والله بلاني بيج وضربني على وجهي وبهاي الاثناء دخلت عمتي
نور ،عمه الحكيلي وختلت وراهه
عمه ،وج شمسويه
نور ،عمه والله كلشي ما مسويه بس اجت امي وكالت دير بالك عليها وهو يريد يكتلني يكلي شكلتيلها
عمه ،شو وخري مني اني شعليه بيكم انتي ورجلج طبكم مرض
محمد ،امشي كحبه سويلي ريوك
نور ،ليش تكلي كحبه شبيك شمسويتلك
محمد ،كحبه واكبر كحبه هم لو ما كحبه جان ما ضليتي بالمدارس ام المدارس الصاقطه
رحت سويت الريوك وخليت الكيمر الماما جابته واكلو كلهم بس اني لا صاحتني عمه نور تعاي اكلي
محمد ،ختولي والله بس تاكل اني اكوم
فمحد صاحني صعدت لغرفتي بجيت لحد ما ورمت عيوني اليوم صباحيتي بس مو مثل ما تخيلتها ابد ليش هيج حضي اني خايفه وموجوعه من الدم الجاي يطلع مني وتعبانه بجيييييت لحد ما ورمن عيوني وراسي كام اياذيني نزلت لكيت عمي جاي
كتله
نور ،الله يساعدك عمو
عمو ،هلو عمي شونج كون احد مضوجج
نور ،لاعمو الحمدلله تمنيت اكله اني تعبانه وابنك اماذيني بس خفت لان محمد جان كاعد ويخزر بيه فسكتت الضاهر عمتي فد مرة مسيطرة على عمو والبيت كله والامور بيدها عمتي جانت طابخه الغده فسويت زلاطه وساعدتها بتحضير السفره وكعدنه نتغده وعميت على روحي وسالت سوال غبي
نور ،عمو انته ما عندك لا اخوان ولا اخوات
عمو ،لا عندي خير من الله ليش تسالين
نور ،عمو يعني لا بخطبتي اجو ولا بحنتي ولا بالعرس ليش
محمد ،كحححححبه كومي من الاكل ولي وانتي شعليج بصياح وكلب المركه وكام جرني من شعري وضربني بالحايط
عمو ،اكعد عوفها
عمه ،خلي ايادبها الضاهر اهلها ما مربينها ام المدارس
نور ،الله عليك عوفني العفو والله اعتذر بس عوفني عافني وصعد فوك كلش مو لغرفتنه واني صعدت للغرفه وبجيت انوب اندك الباب
زينب كومي امي تكول انزلي غسلي الاماعين مو شردتي
نور ،هسه جيت
نزلت لكيتهم يشربون جاي بس محمد ما موجود بعده فوك غسلت المواعين ورحت كعدت يم عمو لان عمه راحت يم صديقتها والبنات بالغرفه الثانيه
نور ،عمو اني اسفه اذا جرحتك على الغده
عمو ،لا عمو اني الاسف انضربتي من وراي شوفي عمو راح اكلج كلشي بس سوي روحج ما تدرين
نور ،اوكي
عمو ،شوفي نور عمي اني جنت بالجيش بالنضام السابق وصارت حرب ايران واخذوني اسير ايران وبعدين طلعت بايران محد الي فتعرفت على ابو عمتج عراقي وعايش ابيران المهم بقاني عدهم بعدين كلي خلي اطيك مرة حتى تاخذ راحتك فتزوجت عمتج وبعد سنه مات ابوها فرجعنه كلنه اني وهيه وعاءلتها وبهاي الثناء هيه جابت محمد وحامل ورجعنه اهلها اشترو بيت نص قطعه وكعدو واني جبتها ورجعت لاهلي اهلي عاءله جبيره ابوي متوفي وبس امي عايشه واخت ما متزوجه و٥ ولد وكلهم متزوجين وعدهم جهال يعني البيت هوسه مرتي كالت اطلب ورثك وخل نطلع لان اتاذت بشهرين العشتهم يم اهلي فمن طلبت الورث صار ت مشاكل وقال وقلت بين النسوان اخواني طردوني من بيت ابوي فعشت بالايجار وبعدين صارت عندي فلوس واشتريت نص قطعه وعشنه بيهه ومن ذاك الوكت اخواني لا يردوني ولا يحبوني اما بالنسبه لخوال وخالات محمد فبعد وفاه ام عمتج اتعارك محمد وخاله الجبير على الورث فبعد لا يجونه ولا نروح الهم عرفتي عمو لا تجيبين موضوعم بالبيت خوش
نور ،خوش عمو
تمنيت احجي وياه واكله عمو اني مو زينه ويطلع مني دم بس خفت واستحيت اتمنيت اكله ليش خطبتوني اذا تدرون ابابنكم يحب وحده بس هم استحيت منه لان هوه ما ابيده شيء كاعده اكوي يم عمو وهو يشرب جاي ويسولف وياي وفاتت عمتي
عمه ،ها ولج كومي سوي عشه عوفي الكوي عمج يكمله متعلم هو يكوي ملابسه ويغسلهم انتي عليج بملابس رجلج والجهال
نور ،خوش لعد شسوي عشه
عمه ،سوي نواشف
نور ،رحت جبت الغراض والبتيته والباذنجان واجيت كعدت ردت اكصص
عمه ،لا روحي صلي اني اكصص وانتي كلي
نور ،خوش توضيت وصعدت ردت اصلي انتبهت محمد من صعد لهسه ما نازل صعدت فوك للغرفه ماكو صليت وكملت واسمع صوت فوك صوت طيور وصوت ضحك مال محمد وصوت بنيه كلت يجوز اخته فوك نزلت كليت وكملت عمتي كالت صعدي صيحي رجلج خل يجي يتعشه
نور ،هسه
صعدت صحت محمد...محمد...محمد..تعال اتعشه
محمد ،من فوك وبصياح ما اريد زقنبوت ولي وبعد اذا صحتي اشكج بالنص وراح
نور ،يشكني بالنص ليش انته شبقيت على الشك ما شكيتني وخلصت نزلت كتلها عمه محمد ما يريد وكعدت اكلت لفه وكمت غسلت المواعين وسويتلهم جاي وكتلهم تصبحون على خير وصعدت اشو هذا ما نزل ياله خفه وراحه فرشت بالكاع واتمددت اول ما تمددت سمعت صوت الدرج نزل محمد على الغرفه
شافني متمددة
محمد ،كومي سويلي عشه
نور ،مو صحتك مساعه ليش ما نزلت
محمد ،وانتي شعليج تحاسبيني كومي لج نزلي سوي عشه ورفسني برجله
نزلت كليتله نواشف وزلاطه وخضره وصعدته الا
محمد ،انزلي جوه لا تكعدين يمي واني اكل تلعب نفسي
نور ،خوش ،طلعت من الغرفه كعدت على الدرج وخليت راسي بين رجليه وبجيت لان متاذيه من حياتي كلها مجروح كلبي من بابا لان شمرني هيج وتعبانه وزعلانه من نفسي لان وافقت بس والله مجبورة ليش بابا ثكلت لكمتي عليك جان كتلي لاتاكلين وفضيت السالفه مشتاقه لسميه وزنوبه وحياتي كلها ومدرستي وصديقاتي ليش يارب اني شنو شفت من حياتي نزل محمد واني ابجي على الدرج
محمد ،كومي شيلي الصينيه
نور ،ميخالف
صعدت شلت الصينيه وغسلت المواعين واتحرك كانو جسد بلا روح تعبانه ودمي خلصان ومحد يدري بيه صعدت كعدت على الجربايه اجه محمد
محمد ،لج نكسه شتسوين على فراشي وخري تلعب نفسي منج
نور ،نزلت كعدت على افراشي واني احس اني مو بوعيي شويه ودك موبايل محمد بابا ابويه يخابر
محمد راح افتح خط بس اذا كلتي شيء لو شكيتي اكطعج
نور ،خوش
جاوب
بابا ،ها محمد عمي شونك
محمد ،هلا عمي زين خو ما محتاج شيء شعجب تتصل
بابا ،لا بس ردت اسلم على نور وامها تريد تسلم عليها
محمد ،والله عمي نور نايمه
بابا ،ها لعد ياله تصبح على خير
وسد الموبايل محمد
نور واني ابجي ،ليش محمد والله مشتاقه لبابا ليش سديته
محمد ،ولي تنسين بابا وماما وعشيرتج كلها فهمتي ادبسزز
بجيت لحد ما نمت كعدت اليوم ٣ يوم اني مزوجه بس هوه ابد ما سوه شيء ويايه بس اول يوم لعد شون اكلهم اني انزف اووووف استحي هاي بفراشي وافكر كمت بعدين غسلت وعزلت الغرفه وهو نايم على الجربايه ونزلت جوه لكيتهم نايمين باوعت الساعه ٦ الصبح اوووف شكعدني غمضت واني واكفه كبال الساعه تذكرت لمن جنت عند اهلي اكعد بالعشرة بجيت واني صافنه بحياتي بعدين رجعت لغرفني فتحت شعري جنت غاسلته البارحه بليل مشطته وبرمته وجان كلش طويل طلع حلو وضربت كياج قوي ولبست ثوب ازرق مخصر صارت الساعه ب٨ نزلت لكيتهم كاعدين ضلو يباوعون عليه عمتي ياستار شعندج من الصبح
نور ،ماكو عمه بس كعدت من وكت ورتبت نفسي
عمه ،دروحي غسلي مكياجج اليوم ثالثكم اخذكم ازوركم
نور ،انصدمت من كالت ازوركم شون اروح واني انزف شسوي واخاف احجي خاف محمد يكتلني صعدت فوك كعدت محمد
نور، محمد كوم اليوم عمه كالت ناخذكم للزياره
محمد ،اي كاعد امشي سويلي ريوك
نور ،محمد اكلك عندي موضوع وياك بس عليك الله لا تصيح ولا تضربني
محمد ،ياستار شعندج الكحبه كولي
نور ،محمد اني ما اكدر اروح وياكم للزيارة
محمد ،ليش بسلا تكليلي انتي كافره اي والله مبين على وجهج ملحده
نور ،شبيك محمد ملحده شنو ما تشوفني اصلي بس انته من اخذتني بالعرس طلع مني دم وبعده لهسه يطلع فما اكدر اروح وياكم
محمد ،اي لعد ما نروح واكعدي وانجبي انتي كايله لامي
نور ،لا خفت منك
محمد هجم بيتج يالكحبه انتي هم تخافين امشي نزلي كلي لامي
نزلت لكيت عمه بالمطبخ كتلها
نور ،عمه عندي موضوع وياج
عمه ،خير شعندج
نور ،عمه اني محمد من نام ويايه بليله العرس انفجر مني دم ولحد الان اني انزف
