مابجيت ضليت على حالتي هاي لحد الساعه ١١ اجتني عمتي فوك كالت اليوم السابع مالتج كلشي ماتحجين عن مشاكل بيتنه المرة الاصيله هي الي تضم اسرار بيتها وزوجها وما اعرف شنو نصائح هواي واني جسمي وكلبي وكلشي بيه يوجعني ضليت نايمه لحد ال٢ الضهر كوه كمت منا عندي دم يطلع مني ومنا هو اذاني كوه امشي نزلت سبحت وسشورت ومكيجت وهذا كله واني ما باجيه دمعه احس دموعي نشفن خلصت لبست بدلتي المارونيه ونزلت لكيتهم جايبين كيك وكذا نزلت كعدت على كرسي ودخلت امي وسميه وزنوبه وعماتي وخالاتي المقربين بس اني شفت امي واني بعد ما تحملت وبجيييييت لحد ما خربت الكحله والمكياج امي كالت شبيج
نور ،مبيه شيء يوم بس اشتاقيتلكم
سميه ،حبيبتي شبي وجهج شو تعبان وضعفانه كلش شصايربيج عود هاي بس اسبوع فاركتينه وهيج صاربيج شبيج نور احجيلي اوعدج اضم سرج كولي مرتاحه لولا
نور ،اي الحمدلله سميه شنو السالفه بخير اني
زينب ،هههه اذا الزواج يسوي الوحده ضعيفه لحد راح ازوج احسلي من الرجيم ههههه
نور ،كمزت من كالت هيج وطفرت بوجهه لالا ديربالج لاتزوجين هنه سكتن وضلن يباوعن عليه
سميه ،نور انتي مرتاحه
نور بتوتر ،ااا اي ااالحمدلله كومن خل اشوفجن غرفتي واخذتهن وصعدت فوك وجبنه الكاميرة مال عمتي ولبس سبع الوان واخذت صور بعدين نزلت جوه رحت يم امي
نور ،شونج ماما
ماما ،بخير اذا انتي بخير
نور ،ااا ماما اريد اسالج سوال بس بيني وبيج فدوة لاتكولين
ماما ،خير نور اكو شيء
نور ،ماما من ازوجت بليله العرس محمد اااا من نام وياي طلع مني كومه دم ولحد الان يطلع هذا شيء عادي كلت لعمتي وكالت عادي كل وحده هيج
ماما ، شسالفتج نور ليش ماحجيتي ليش ما كلتي يجوز هذا جارحج يجوز ماذيج غير تكولين
نور ،يعني شنو ماما شسوي حتى يوكف
ماما ،اسكتي هسه اني احلها الج الصافي
نور ،تفاجات شنو هيه تحلها كلت يله يجوز تجيبلي دواء وكذا
نزل محمد طبعا هو من السواه لحد ما اجو كرايبي هو فوك موفوك بالغرفه لا اقصد فوك القاطين
المهم نزل لابس ومرتب نفسه سلم على ماما وعلى الكل وكام يباوع عليه صافن بوجهي اني ما احجيلكم عن الرعب الحسيته خفت كلش بعدين
سميه حجت
سميه ،يله كوم محمد خل ناخذلكم صور سوة انت ونور
محمد ،بدون تعابير كام وكف يمي اخذت النه سميه كم صورة بس بدون مبالغه وحق رب العزة ماشفت ابتسامته من ازوجته لليوم
خلصت السابع مالتي وراحو اهلي وكرايبي صعدت بدلت ونزلت نضفت البيت وكليت عشه وغسلت مواعين العشه وكعدت يم عمو وعمه والجهال بالاستقبال ومحمد كاعد على جهه ماخذله زويه ويتراسل بالموبايل فجاءة دك موبايل عمو كلي هذا ابوج رد عمو
عمو ،اهلا شونك ابو حسين شخبارك
بابا ،حمدلله انتم شونكم شخباركم محمد وين شو ادك علي وميجاوب
عمو ،ااا محمد نايم
بابا ،ها يله نوم العوافي
عمو ،الله يعافيك
بابا ،اكلك ابو محمد اني اريد احاجي نور ممكن
عمو ،اي تفضل
نور ،هلو بابا شونك مشتاقتلك
بابا ،هلو يابه شونج شخبارج اني حمدلله
نور ،اني حمدلله زينه
بابا ،يابه اني خابرت علمود ترحين للدكتورة امج سولفتلي وسالت عماتج مكالن هذا جرح ولازم تروح للدكتورة
نور ،اني كمت الطم على وجهي عزة العزاني ساعه السودة الكلت لامي شون هسه شكلهم غير محمد يجنزني دخيلك ياعلي شون شسوي
نور ،بابا ميحتاج دكتورة هسه اطيب
بابا بصياح ،ولج شنو بايعه نفسج شنو ميحتاج روحي بابا لدكتورة واذا رجلج ماعدة اني اخذة
نور ،بابا ما اريد اروح ارجوك لاتضغط عليه ميحتاج دكتوره وهاي هسه اطيب حتى عمتي كالتلي
بابا ،اطيني عمج خله اكله ياخذونج للطبيب المضوع مو بكيف حضرة جنابج
نور ،عزة كما ارجف اني بين نارين بين بابا الي ارجف من خياله وبين محمد الي ممكن يموتني لو سمع بالسالفه
نزلت جوة نطيت الموبايل لعمو وختلت على جهه
عمو ،ها ابو حسين
بابا ،والله ما اعرف شكلك بس بنتي ابنك من اخذها مخليها تنزف ولهسه يطلع دم وهيه متحجي واليوم كالت لامها واني سالت عماتها كالوخاف مجروحه اخذوها لطبيبه خل تشوفها
عمو ،اي صار ميخالف ناخذها طبيبه تامر على شيء بعد
بابا ،سلامتك ياغالي
محمد من سمع طبيبه وخر الموبايل وكال لابوة شكو خير شعليه هو بمرتي ويكلك اخذها طبيبه
عمو ،شون شعليه غير ابوها وبعدين من يدكون عليك ليش متجاوب
محمد ،بكيفي
عمو ،شمسويلها يكولون تنزف ولك شبيك وحش انته
محمد ،شبيك تصيح عليه لاتحجي وياي هيج
عمو ،طيح الله حضك نور نور عمو نور وينج
نور اني جنت بالغرفه الثانيه وسمعت كلشي اجيت واني ارجف خوف دخيلك يابو الحسن ساعدني
عمو ،نور بابا حضري نفسج باجر عمتج تاخذج للدكتورة
عمتي ساكته وتعوج بحلكها
نور ،ميخالف عمو بكيفكم
محمد ،اي احسابج بعدين نور اني الج
نور ،حسيت بالخوف منه وسكتت كتلهم تصبحون على خير وصعدت فتت للغرفه وضليت اكول بكلبي عزة يمكن اليوم محمد يذبحني يارب ساعدني وبجيت ووفرشت النفسي بالكاع وغطبت راسي وطفيت الضوة ورة عشر دقايق صعد هو
محمد ،كومي نور عندي حجي وياج ادري بيج كاعدة
نور ، اني متت بدمي شسوي ياربي ارجوك ساعدني وخرت الغطا من راسي وكعدت بالفراش
محمد ،نور ليش كلتي لاهلج
نور ،محمد شوف وحق رب العزة مو جان قصدي اشتكي منك بس اني سالت ماما كتلها عادي يبقه يطلع مني دم وهيه راحت كالت لبابا عليك الله لاتضربني والله تعبانه من الضرب وكمت ابجي حيل هو ضل ساكت بعدين كلي
محمد ،نور اني اعتبرج خدامه بس مو زوجه بس مرة ثانيه من تردين تسوين شيء تكوليلي خوش
نور ،اي خوش طبعا كلمه شكت كلبي وجرحتني مال خدامه بس اني خلي يعاملوني خدامه ولا يضربني ويسوي وياي مثل ماسوة الصبح سكتت شفته نام اني هم تمددت وغطيت راسي وهجمت عليه الذكريات وبجيت لحد ماتعبت ونمت طبعا بهاي الفترة اني ابد ما انام هوايه لو ٤ ساعات لو ٥ واكعد لان نفسيتي تعبانه لا اكل هواي ولا انام هواي بس جسمي تعود على هيج
صار الصبح كعدت كمت سبحت ونضفت روتين صباحي نفس يوميه لحد ما صارت الساعه ٢ الضهر عمتي كالت حضري نفسج نروح للدكتورة
لبست وهاي ورحنه الدكتورة فارغه محد عليها فتت فحصتني وكالت مجروحه بس جرها شويه عميق راح انطيج علاجات وامشي عليهن واذا ماصار تحسن عندج هم تعالي حتى اخيطلج الجرح اني خفت شنو تخيطه كلت يارب كون اطيب بالعلاجات وطلعنه واخذت العلاجات من الصيدليه ورجعنه فتت للبيت لكيت عمو جاي سلمت عليه وكعدت يمهم شويه وصعدت فوك لغرفتي ضليت بيها لحد ما اذن صليت ونزلت سويت عشه وغسلت المواعين طبعا هذا الحجي محمد مو هنا ما اعرف وين
