سجينة الروح

❤❤❤

جمعه مباركه أحبتي 🥀

اليوم حابه اوضح نقطه بخصوص يمامه وهذا الشى عن لسانها طبعاً وحبت توجه الكلام لكل الي يتابعون قصتها الكلام من يمامه
اول شى اني اشكركم لتفاعلكم الحلو للقصه صح صار تجاوز وكلام بحقي وبحق عائلتي واتمنى بالايام القادمه متحكمون قبل نهايه القصه بس اوجه كلام لكل امرأه وبنت من تقرين قصتي غمضي عينج وتخيلي نفسج بمكاني بين يوم وليله تنتقلين وانتي عمرج تجاوز ٣٠ لحياه ثانيه تختلف اختلاف كلي عن حياتج من حيث التقاليد والعادات والتصرف ويكون برقبتج ٣ بنات متعلمات على نظام معين بالحياه ومجبوره تعيشين هذا النظام وغصب عنج

اعرف حقكم مشاعركم للشيخ حامد وفعلاً حبه نادر الوجود لهذا يوم متجرأت ارسل قصتي للكاتبه ريام اعرف راح تستغربون بعمق حبه وبنفس الوقت تستغربون للتناقض الي اني بيه اعترف اني انسانه بذاك الوقت متناقضه ومااعرف شريد ساعه اريده وساعه لا وهذا بسبب الي مريت بيه حبي لحامد كان وليد ايام قليله لكن حبي لبناتي حب فطري مااكدر اتنازل عن راحتهن لخاطر حبي الي بوقتها مجنت اعرف مدى عمقه صحيح قريت بهواي تعليقات يلوموني ويكولون قابل بيت عمامهم مأذين بناتج

اي مأذيهن لان حياتنا تختلف عنهم تعرفون شنو بيت هادئ واكل بمواعيد ونوم والصحوه بمواعيد ومحد يتحكم بيهم بس امهم وبلحظه يرحون بيت ٢٤ ساعه مشاكل ودم وعياط واذا فرغ البيت يبقى بيه ١٠ عدا العزايم والفصول وغيرها وغيرها وياهو اليجي يملي عليهن ويتحكم بيهن ولازم يكولون صار نظام حياة بناتي انقلب كله اني ربيت بناتي بيئه تختلف اختلاف كلي عنهم اني مكلت كل اهلنا بالعماره هيج بيوتهم لا هم اكو بيوت هادئه ومرتبه مثل بغداد واحسن بس البيت الي رحت اله بيت شيخ وبيت الشيخ ميفرغ من المشاكل والمصايب والعزايم تحسين روحج طول اليوم بدوامه عدا سالفه بنتي هاي كافيه تكسرني وتخليني اكره كولشي يخص ذاك المكان رجاءاً اتمنى كل واحد انتقد طريقة تصرفي ويه حامد يتخيل لو هو بمكاني شراح يسوي وخاصه اذا عندج بنات وتعرفين حتى مصيرهن ومستقبلهن مجبوره عليه واعترف كل انسان اله اخطاء بحياته ويخطأ حتى يتعلم والعمر ماله دخل بالتصرفات كل تصرف يصدر من الاشخاص نتيجه الظروف مو العمر واني متناقضه ويه حامد لأخر لحظه موبيدي هاي مشاعري هيج وكل انسان واله طبع ميكدر يغيره او يصير شى يجبره بأن يتغير اتمنى تفهموني وتحكمون عليه بنهايه القصه تحيه من قلبي الكم
يمامه

اني حبيت هاي القصه وتمسكت بكتابتها بسبب كميه التناقض بشخصيه الابطال الكل مو بس يمامه تحسهم بحرب كل واحد يريد يثبت للثاني هو الصح لهذا تميزت عن كل القصص الي ارسلت اليه وخاصه عمق حب حامد وشخصيته المميزه وتناقض يمامه وتصرفاتها الغريبه والحجيه الي يوم تحبوها وتدعولها ويوم تكرهوها وتدعون عليها 😊 ابطالي بجميع تصرفاتهم ومواقفهم حقيقيه مع تغير بسيط لتجنب معرفه الاشخاص الاصليين

كثير من المتابعين طلبو مني اوقف القصه بسبب امتحانات نصف السنه يعني اوقفها لمده ١٠ ايام لان الكل ملتهي يقري اطفاله ويكولون القصه تأثر على تفكيرنا بسبب احداثها والتشويق الي بيها اضافه التفاعل بدا يقل وهذا الشى حقكم بيه لان فعلاً الوقت ممناسب لهذا حابه اعرف رأيكم بشأن توقيف القصه لمده ١٠ ايام لحين انتهاء الامتحانات

واكو ناس تطلب مني اختم القصه بسرعه ويتهم القصه بالملل او التكرار اعتقد اني مبتعده ابتعاد گلي عن التفاصيل البسيطه تجنباً للملل فأذا حابين اختمها بأختصار ماعندي اي مانع

وانزعاجكم بسبب نهايه كل بارت ليش تختمي بحدث مشوق هذا الاسلوب اني اتبعه حتى القارئ يتحمس للقصه ويبقى معي على طول الخط بالاحداث وميمل ويشاركني حتى مشاعره وهذا الشى يسعدني ويسعد صاحبه القصه تحبون نهايه البارت تكون عاديه هم ماعندي اشكال

اما تعليقاتكم كلها اقراها يشهد الله وجداً احب تفاعلكم صّـْْ(☑)ـْْحّ مرات مااعلق بس اخذ وقت من يومي واستمتع بقراءة تعليقاتكم سواء الانزعاج او السعاده او الاشعار او المدح وحتى السلبيه منها كلها تسعدني

لهذا حابه اسمع ارائكم بسبب النقاط الذي ذكرتها
وانتظروني اليوم واحداث جديده من (سجينه الروح )

تحياتي لًلًـّــ💎ــجٌٓمٍَُٓيِّعَْٓ