سجينة الروح

33

سجينة الروح
للكاتبة Reem
البارت الثالث والثلاثون

انتهينه
وانتهى
الما ينتهي وخلَّص حجينه
انتهينه
وبقت
كَطرات الوفه المذبوح تتناثرعلينه
وبقت
للمجفين كوم اسرار عد روحي الامينه
وكون ندري
بالعتاب يفيد بيهم عاتبينه
وكون يسوون
البجي
جاب ثنعش
ناظر بجينه
غافلونا
وباكَو
العشرة غفل من بين ادينه
وباكَو من
ايد العمر سنتين وبوجهم رضينه
تالي نزعوا
شوكَنا من كَلوبهم
وكَالوا
عوض عنكم لكَينه
تالي سدوا
بابهم من شافوا عالباب اجينه
شكَكَوا مكتوبنه
وبلا خجل ذبو علينه
تندمينه
جينه
بجنازة عشكَنه المات غفله وأيّسينه
وابتعدنا
بعيد لكن طيفهم ظل يعتنينه
ظلت
حجاياتهم عالبال ما جلمه نسينه
ياما لسعتنا الشمس وبفي كَصايبهم غفينه
يامافيَّضنه الوفه وحطّولنا المهجة سفينه
ياما ذبنه
العطش يمهم وبجدح جفهم روينه

ودق : كام وعافني واني بس راح لو دموع الدنيا كلها اتجمعت بعيوني ابجي بهستريا
ومااسمع غير جنه تتقرب مني فزيت بقوه وانداريت وجان تكولي
جنه : تحبي لمازن
ودق : انتي من شوكت واكفه هنا
جنه : من لحظة كلچ ابدي صفحه بيضه ويه جنه
ودق : وليش تتسنطبن على حجينا
جنه : سألتج سؤال جاوبيني تحبي لمازن
ودق : مسحت دموعي لا
جنه : چا ليش تبجين
ودق : شى خاص بيه كمت وجان تصيحني
انداريت عليها
جنه : انتي بت عمي رغم دوم بعيده عني ومايوم كعدنا وسولفنا بس الله شاهد مايوم كرهتچ وحتى من وكعيتچ بالشط من حركت گلبي على ابويه ومن شفتج جان متي تندمت ومن يومها وانه انظرلج بأحترام وماتجاوزت عليج صح حجي لو لا
ودق : اي صح
جنه : ماطول انه احترمج واحسب للدم الي بينا اريدن انتي هم تحترميني
ودق : ليش اني شسويت
جنه : ابتعدي عن رجلي ولاتقربين عليه
ودق : هو منو واصل يمه
جنه : انه اعرفن گلشي وانتي تعرفين گلش زين هذا الشى ورضيت اتزوجه عبن احبه بس ماتكربت عليه الا من رفضتي ولا حاولت ابين اله حبي خفت لا انتي تحبي ويصير من قسمتچ وانزل من نظره حافظت على المسافه الي بينا ويوم مارفضتي تكربت عليه وافقت اريدن منج تبتعدين عنه وهذا حگي هو زلمتي هسه وكلها يومين واكونن بحضنه وماارضى قربج منه
ودق : حقج ولتخافين مراح اتقرب منه بس تكدرين تعيشين وياه وانتي تعرفين گلبه ويه غيرج شون كدرتي
جنه : هذا شى راجعلي وانه اعرفن شون اداري زلمتي واعوضه عن تعبه انت اطلعي منها
ودق : ماشي مبروك جنه تستاهلين كل خير
جنه : الله يبارك بيج يوم مانفرح بتخرجج لان اعرفنج ماتهوين الزواج
ودق : تسلمين وعفتها ومشيت واني غصه بگلبي رغم محجت شى اكيد حقها ادافع عن رجلها ماالومها ومراح اخلي مازن هاي الفتره كلها يشوفني مااريد اخرب فرحتها اني اختاريت واتحمل نتيجه اختياري

جنه : رجعت للبيت والكل يدور عليه واولهم ايه
أيه : ولج وين جنتي مخبله كلها ادور عليج
شبيج جنه ليش دمعتج بعينج جان تشمر نفسها بحضني وتشهك بالبجي شبيج فدوه شصار احد حجه وياج صار شى تعالي واخذتها لغرفتها وبس حاضنتني وتبجي قفلت الباب حتى لحد يجي
اكعدي هاج اشربي مي همزين اكو مي هنا واله شطلعني بهاي الهوسه
جنه : مااريدن
أيه : لج اشربي لتخبليني واحجي وين رحتي
جنه : انه جنت يم امج بالمطبخ ردت اشوفن العشا كمل دك تلفونها واختج على الخط سمعتها راح تجي نغزني گلبي وانه اعرف مازن بره لان شفته كاعد بالحديقة
أيه : اي
جنه : بقيت انتظرها ادش (تدخل) تأخرت مديت راسي شفتها كاعده جار مازن وانه تسودنت
ماشفت روحي اطلع بسكوت حتى لحد يحس علي وختلت وتصنطت على حجيهم
أيه : وبدت تسولف كل الي صار بين مازن ودق وحتى كلامها ويه ودق
أيه : انتي مو سمعتي كال ابدي صفحه بيضه وياج ليش بعد هذا البجي ياعيني وانتي تعرفين كولش زين هو جان يحبها يعني مو شى جديدعليج
جنه : موبيدي نار وموجره بيه انه حنتي باجر على اكثر واحد حبيته بدنيتي واسمعنه شون جان يحب غيري رغم اعرف يحبها بس صعب اسمعنه بأذاني ولازم اسكت ومااحجي
أيه : هاي اخر الي يتصنط على حجي غيره وتوبين لا والله
جنه : انه وين وانتي وين
أيه : اني احجي الصح لو ممصنطه على كلامهم مجان هيج تأذيتي تشوفيهم كاعدين عادي بس اي كلام بينهم راح يجرحج بله هسه شستفاديتي من سمعتي غير المغثه والبجي انسي جنه مازن زوجج وعكب باجر الزفه مالتك ودق انتهت من حياته وعادي يحجي وياها حتى يرتاح ويبدي وياج من جديد وانتي اذا سباعيه نسي حب ودق وخلي يحبج انتي ورده وكولشي تكدرين تسوين امسحي دموعج وامشي نطلع وانسي كل الي سمعتي لان لا راح يقدم ولا يأخر بس فكري مازن صار الج رجلج الج وبس ويله الناس بره كلها وكراينا كلها تسأل عليج باجر الحنه ونردح للصبح