الجريمه

الفصل الثالث عشر

الفصل الثالث عشر.     من (الجريمه)

سكت الجميع عندما سمعو صوت طرقات على باب مكتب ادهم وتفجأؤ بدلوف احدهم رغم عدم موافقه ادهم بالدخول
.......ادهم انت هن............بتر كلماته عندما رأها صمت وتسمر مكانه لا يصدق انها هنا
ميرا عندما راته اختبأت وراء اخيها بعد ان دب فى اواصلها الرعب
..اخذ عمر وحسام وادهم يوزعون نظراتهم بين ميرا ومنير فى صمت ولكن نظرات فارس كانت مصوبه باتجاه منير فى صمت قاتل وعيناه تشع بالشرر الوضع المسيطر على الجميع هو الصمت بينما ميرا ترتجف من شده الخوف والرعب من منير ....قطع هذا الصمت هو صوت ادهم
ادهم : منير السيوفى فى مكتبى
انتبهه له منير وقال : سمعت انك هنا قولت اجى أسلم عليك
ادهم : كلك زوق ياباشا
منير : بنت عمى عندك بتعمل اى يا. ادهم
ادهم بثقه بعد ان رأى الخوف فى عيون ميرا : جت تشوف فارس
منير : نعم
ادهم : اى دا انت متعرفش ان فارس اخوها ولا اى
منير موجهه كلامه لميرا : انطقى ياميرا فارس دا اخوكى فى الرضاعه ولا واحد تانى ..ثم اكمل باستفزاز : ما انا الصراحه مش بثق فيكى كفايه انك هربتى من اهلك
تشددت ميرا فى مسكتها لفارس من الخلف فى خوف بينما احمرت عيني فارس ونطق بصوت عالى مفعم بالغضب : منيييييييييير ...الزم حدودك ومتجبش سيره اختى على لسانك
منير : اى دا فارس طلعلو صوت بس مش مشكله انا مش هضيع وقتى فى الكلام ...ثم نظر لميرا قائلا : ميرا تعالى معايا
..نظر له الجميع فى دهشه ثم نظرو الى ميرا الذى تخبأت اكثر واكثر فى فارس
ادهم : تيجى معاك فين
منير : بنت عمى اهلها ميتين ومينفعش تقعد لوحدها ف هترجع معايا بيت عمها
فارس : بس هى مش قاعده لوحدها ..هى قاعده معايا
منير : انت مين ..انت اخرك اخوها فى الرضاعه انما احنا اهلها انا ابن عمها بيجرى فى عروقنا نفس الدم
فارس : ميرا مش هتتحرك من هنا
منير : مش بمزاجك ولا بمزاجها ..يلا ياميرا
ادهم : منييييير انت مش واخد بالك انك فى مكتبى وكمان دخلت من غير استأذان
منير : مش موضوعنا دلوقتى ..انا دلوقتى عايز بنت عمى ومراتى
...نظر له الجميع فى صدمه حتى ميرا تملكتها الصدمه ونظرت له بعد ان كانت تتخفى وراء اخيها
ادهم : مراتك ازاى
منير بثقه : هى مقالتلكوش اننا متجوزين
فارس : ازاى
منير : اى يا فارس شكلك مش عارف اذا كانت اختك متجوزه ولا لا
صوت صفعه قويه تنزل على وجه منير نظر الجميع فى صدمه وما كان صاحب الصفعه الا ميرا
ميرا بعد استماعها لكلام منير الكاذب لكى ياخذها تحلت عن خوفها وتقدمت اليه و اعطته صفعه قويه التف وجه على اثرها نظر لها الجميع لم يتوقعو هذا منها ف هى دائما خائفه متردده متوتره قطع الصمت صوت ميرا الذى خرج قويا : انت اتجننت ..انت ازاى تكذب وتقول مراتك ولا تكون مفكر انى مضيت على حته الورقه بتاعتك ولا انت مفكر انى عشان ضعيفه مقدرش اقف وادافع عن نفسى ..فوق يامنير انا ممكن اكون ضعيفه بس مش بسيب حقى وقريب هتفهم معنى كلامى دا انت اه ابن عمى بس ابن عمى وبس بسببك عيشت سواد اوعى تكون مفكر انى مش عارفه ان انت وابوك الى قتلتو ابويا وامى .........صدمه دهشه نظر الجميع الى ميرا حتى منير صدم من معرفتها بذالك ولكن ميرا لم تبالى اكملت حديثه بقوه اكبر........قتلتو ابويا عشان رفض يدخل معاكو فى شغلكو الزباله وكمان كان عايز يبلغ عنكو قتلتوه وقتلتو امى معاه حادثه حادثه بسيطه بعتو الى يلعب فى العربيه. بس باحتراف شويه يخلى العربيه تزداد سرعتها وتنحرف على الطريق والى بيسوق ميعرفش يسيطر عليها تقوم العربيه مقلوبه وتبان الحادثه طبيعيه ماترد يا منير ساكت ليه بعد اما ماتو جتلى انت وابوك تمثلو عليا الحزن وانا صدقتكو رحت كعاكو اول شهر عشتو وسط اهلى بعد كدا كرهتونى فى عيشتى واخر حاجه كنتو عايزنها عايزين تموتونى تحب اكمل ولا كفايه كدا يا ..يا ابن عمى
سكتت وحل الصمت المكان لا احد يستوعب ماذا قالت هل قتل عمها اباها .....ماذا يحدث
منير هو من اخترق هذا الصمت
منير : ميرا انتى فاهمه غلط احنا ملناش علاقه بموت ابوكى احنا .....قاطعته ميرا
ميرا : بس ..بس ..بس بقى مش عايزه اسمع منك حاجه مش عايزه ولا كلمه جاى بكل بجاحه عايز بنت عمك عملت اى عدل مع بنت عمك يخلينى اوافق ارجع امشى يامنير مش عايزه اشوف وشك تانى واحمد ربنا انى لحد دلوقتي مبلغتش
منير : انتى هبله تبلغى اى بقولك احنا ملناش دعوه بموت ابوكى وامك .....ثم مسك يديها ....تعالى معايا انتى مش هتفضلى هنا
ميرا وهى تزيح يديه: ابعد انا مش همشى معاك انا هفضل مع فارس ابعد عنى
......بينما هجم عليه فارس وادهم لكى يخلصو ميرا من بين يديه
فارس : سيبها ابعد عنها
ادهم : منير ابعد عنها انت اتجننت
منير : انا ابقى مجنون لو سبتها
ادهم : منير لو مسبتهاش هعتبر كلامها بلاغ عنك وانت مقبوض عليك
....ترك منير يديها على الفور لانه يعرف مدى قوه ادهم وانه ان قال شئ س ينفذه
منير : انت بتهددنى يا ادهم
ادهم : اعتبرها زى ما تعتبرها
منير : ماشى بس هى مش هتطول معاكو لان انا مش هسيبها ليكو
ادهم : اعلى ما فى خيلك اركبو ..والباب وراك وانت خارج
منير ..رحل بغضب يكفى لان يفتك بمن يقابله امامه بينما نظر فارس وادهم الى ميرا المصدومه مما حدث ومما قالت فى تعلم ان عمها سبب موت اهلها ولكنها لم تبلغ احد بهذا فضلت الصمت بعد معرفتها بذلك اقترب منها فارس
فارس وهو يهزها : ميرا ..ميرا انتى كويسه
نظرت له ميرا والدمع يلمع فى عينيها : تعبت ...تعبت يافارس
فارس وهو يحتضنها : ليه خبيتى عليا
ميرا من بين دموعها وشهقاتها : عايزنى اقولك اى اقولك ان عمى الى المفروض يحمينى ويبقى سندى بعد ابويا هو الى قتل ابويا وامى عايزنى اقولك ان انا دمى مرتبط بدم قاتل
فارس وهو يشد على احتضانها : هشششش خلاص مفيش حاجه هتزعلك بعد كدا انا موجود معاكى
ميرا : انا عايزه ارتاح بقى يافارس
فارس : خلاص الراحه هتيجى بس انتى متفكريش فى اى حاجه
ادهم : ميرا لو عايزه تقدمى بلاغ ان هما الى قاتلو والدك ووالدتك انا ممكن اتكفل بالموضوع دا
ميرا : واى الدليل ياحضره الظابط
ادهم : انتى عرفتى منين
ميرا : كنت سمعتهم
...دلف حسام وعمر الى الداخل حيث انهم عند دخول منير المكتب اشار لهم بان ياخذو الرسومات التى كانت ترسمها ميرا ويخرجو حتى لا يلاحظها منير
عمر : حصل حاجه
حسام : اى دا مالك ياميرا ....هو منير عملك حاجه
فارس : مش وقتو ..انا هاخد ميرا واروح
ادهم : تمام واحنا هنحصلك على عندك نطمن على ميرا
فارس : ماشى ..يلا ياميرا عشان ترتاحى
ميرا : والرسم
فارس : تبقى تكمليه فى وقت تانى
ميرا : طيب
ادهم بغموض : فى حاجه مخبياها تانى ياميرا
...نظر له الجميع وميرا التى ازدرت ريقها بتوتر ..
ميرا بتوتر : ..هاا.
ادهم بنفس نبره صوته : مخبيه اى تانى ياميرا
ميرا بتوتر زائد : هخبى اى يعنى يا ادهم مش مخبيه حاجه
ادهم : متأكده
ميرا : اه
لم يرغب ادهم فى الضغط عليها فتحدث قائلا : تمام اتفضلى عشان ترتاحى
اخذ فارس ميرا وتوجهه الى منزله بينما تحدث عمر قائلا : هو اى الى حصل يا ادهم
ادهم : حصل اى فى اى
حسام : منير عمل اى لما شاف ميرا
ادهم اخذ يقص لهم ما حدث فتحدث حسام قائلا : ينهار اسود عمها قتل ابوها
عمر : الموضوع دا معقد
ادهم : عايز مراقبه على عصام وابنه ومراقبه تليفوناتهم وطبعا من غير ما حد مايعرف هجبلكو اذن من اللواء محمد بس متنسوش ان منير رائد شرطه  عايز كل حاجه فى سريه والى تشغلو معاكو فى المراقبه يكون راجل من رجلتنا الثقه
عمر وحسام : تمام
حسام : وقضيه القتل
ادهم بغموض : كل حاجه هتيجى فى وقتها سيب كل حاچه ماشيه زى ما هى ماشيه
حسام : انت بتفكر فى اى يا ادهم
ادهم : مفيش كل واحد يروح يشوف هيعمل اى
عمر : تمام
____________________________________
فى شركه السيوفى
.........يدلف منير الى مكتب ابيه فى سرعه وبدون استاذان
عصام : منير انت اتجننت ازاى تدخل بالطريقه دى
منير : جنان اى يا باشا الجنان هيجى بعدين
عصام : فى اى يا منير مالك
منير : ميرا
عصام : مالها
منير : عند ادهم فى المكتب وعارفه انك الى قتلت ابوها وامها وضربتنى بالقلم لما جيت اجيبها معايا
عصام بصدمه : عارفه انى الى قتلت ابوها وامها ....عرفت منين
منير : مش وقت عرفت منين وقت هتعمل اى
عصام : ميرا وادهم يموتو الليله
منير : طيب وفارس
عصام : فارس مين
منير : فارس الى شغال مع ادهم وبيكون اخو ميرا
عصام : اى اخوها هنا فى مصر
منير : وظابط شرطه مع ادهم
عصام : التلاته يموتو مش عايز ليهم اثر الصبح
منير : تمام
عصام : الصبح اسمهم فى الوفيات يا منير ومن غير اى غلطه
منير : انت هتعرفنى شغلى ولا اى
___________________________________
.....باشا .منير وعصام بيتفقو على قتل ادهم
==اى ...ازاى دا
....دا الى سمعتو ياباشا عاشزين يموتو هو وواحده اسمها ميرا وواحد اسمو فارس
==ميرا ..بنت اخوه وفارس الى شغال مع ادهم
....تقريبا كدا يا باشا
==تابعلى الموضوع دا ادهم لو حصلو حاجه روحكو هتتطلع فى ايدى مفهوم الاتنين التانين مش مشكله ادهم لو حاجه حصلتلو مش هيكلينى روحكو مفهوم
.....م..مفهوم يا باشا
==امشى دلوقتى ........غادر الرجل بينما تحدث هو فى نفسه : ماشى ياعصام انت وابنك شكلك كبرت وخرفت
__________________________________
فى شركه الشناوى ......
عماد : سهى كلمتى اصحاب الصفقه
سهى : ايوه يافندم
عماد : والميعاد امتى
سهى : النهارده الساعه 4 الاجتماع هما هيجو
عماد : تمام اتفضلى انتى
......رن تليفون عماد
عماد : باشا ..
المتصل : اتفقت على الصفقه ولا لسه
عماد : النهارده الساعه 4 الاجتماع
المتصل : وافق على اى عرض يعرضو عليك
عماد : بس..
المتصل : مفيش بس نفذ
عماد : تمام يا باشا........ثم اغلق الخط
عماد فى نفسه : ربنا يستر
..........سهى فى الهاتف  : الو ....ايوه يا باشا .
....ايوه قولتلو على الميعاد........اه .....هو حضرتك هتبقى موجود فى الاجتماع........تمام ....حاضر .....مع السلامه يا عصام بيه .
....___________________________________
فى المشفى. ......
ياسمين يا ..ياسمين
ياسمين : ايوه يارنا
رنا : يابنتى وقت البريك مش هناكل
ياسمين : ديما جعانه كدا
رنا : يابنتى اهم حاجه الصحه امال دكتوره اى ..
ياسمين : تصدقى صح يلا بينا
رنا : يلا
توجهت رنا وياسمين الى مطعم بجوار المشفى لكى يتناولو طعامهم
.....فى المطعم يجلس عمر وحسام
عمر : هنعمل اى ياحسام
حسام : الموضوع بيتعقد وادهم فى ف دماغو حاجه بس لسه مجاش وقتها اننا نعرفها
عمر : تفتكر منير هيسكت
حسام : منير دلوقتى بيخطط عشان ياخذ ميرا
عمر : ربنا يستر ....يلا ناكل
شرعو فى تناول الطعام الى ان احس حسام باحدهم يضع يديه على عيونه
.....انا مين
حسام : مفيش غير الهبله رنا
رنا بتزمر : انا هبله يا حس طيب يرضيك كدا ياعمر
عمر بضحك : لا ميرضنيش ..عيب كدا يا حسام مينفعش تقول لاختك هبله وهى عبيطه
رنا بغضب : عمرررررر
عمر وهو يتصنع الخوف : خلاص ياباشا
رنا : ايوه كدا ....ثم وقفت فجاه ...اوبا نسيت ياسمين.......

#بقلم_شيماء طارق ابوتايب
...تفاعل عشان اكمل