دخلو سعيد وعلي وجميله بيت الشيخ ولقو الشيخ محضر كرسي وحوالين الكرسي خاتي ٤ ترابيز عاليه وفي اي تربيزه خاتي مصحف وفاتح فيهو سوره مختلفه جميله اول مادخلو بيت الشيخ بدت تصرخ بصوت اعلي ومرعب اكتر وبقت قويه شديد لدرجه انو سعيد براهو ماكان قادر يمسكها علي والشيخ مسكوها مع بعض قعدوها ف الكرسي وهي بتحاول تتفكا منهم وتجري قعدوها ف الكرسي ولانو هي كانت لابسه ملابس المستشفي ماكانت مستوره الشيخ نادها مرتو تجيب عبايه الصلاه وتجيب خمار كبير تلبسها ليهو لبسوها بصعوبه شديد وكانت هي بتتكلم وبتصرخ وبتقول عبارات مامفهومه الشيخ جاب حبل كبير وقال لسعيد لاذم نربطها عشان ماتتفكا سعيد اعترض وقال ليهو ياشيخ دي حامل كيف اربطها 😨😨 قال ليهو محاتحصل ليها حاجه باذن الله كل المصاحف دي جنبها حاتحمي جنينها ربططوها وهي بتتشنج وبتصرخ الشيخ قعد ف كرسي قصادها وطلب من علي وسعيد يبعدو بعيد منها
#الاثناء دي مياده كانت جاريه وجاريه ف الشارع بتفتش لعربيه عشان توديها محل الشيخه العملت ليها السحر الاسود وتعبت شديد من الجري وقفت عشان تاخد نفسها والغريبه انو ماف ولاعربيه جات فجأه الشارع بقي مضلم شديد ولافي اضاءه واثناء ماهي ماشه حست بحركه من وراها كأنو زول جري وراها ودخل وسط الاشجار ولانو الشارع كان فيهو اشجار كتيره م انتبهت وقالت يمكن ده صوت الهوا مع الاشجار بس للحظه خافت شديد وبقت تتلفت حوليها وتتنفس بسرعه تاني حست بحركه وراها اتلفتت وراها لقت جميله بس ماكانت جميله كانت شكلها غريبه وكأنو شيطان كان لابسه كانت عيونها من غير سواد وشعرها منكوش ولابسه عبايه من دخان وحوالينها ثعابين ملفوفه بجسمه مياده صرخت شديد وجرت وكل ماتجري باتجاه تلقي جميله وراها لحد ماجميله جات قريبه منا وقالت ليها هاربه وين ها مفتكره اني حاسيبك ف حالك جميله صرخت ااااااااخ وفتحت فمها كبيير وصرخت الاشجار كلها بقت تتهز والدخان الاسود بقي حوالين مياده وفي ثعبانين طلعو بين رجول مياده ومشو لرقبتها واتلفو حولها بس رؤؤس الثعابين كانت باتجاه جميله كأنو بتنتظر من جميله تديهم الامر بالتنفيذ 😰😰😰😰 ميادده الثعابين خنقتها وبقت تمد في يدها عشان تصل جميله لكن ماقادره لحد ماجميله ابتسمت ابتسامه خفيفه وهزت راسها لتحت كانو بتقول للثعابين نفذو والثعابين خنقت مياده ورفعتها فووووق ومياده فاتحه عيونها لاخرها وشايفه حاجات مخيفه من كل اتجاه الثعابين فضلت تخنق فيها لحد ماتت واتكتم نفسها ورموها من فوق لتحت بعد ماارحلها وايدينها اتشنجو واتكسرو بالعكس واختفت جميله وفضلت مياده واقعه ف الارض وميته 😰...
الكلام ده كلو حصل وجميله قاعده قصاد الشيخ وعلي وسعيد ومااختفت ولاثانيه منهم
علي الحانب التاني
الشيخ قاعد قصاد جميله وبدا يقرا قران صرخت جميله بصوت عالي ماتقرا لااااا ماتقرا سعيد اتخلع 😳😳😳 وعلي مسك المصحف وبدا يقرا مع الشيخ جميله اتلفتت اتحاه علي واشرت بعيونها علي فجأه حاجه سحبتو لنهايه الغرفه وقفلت المصحف وبقت جميله تعاين في الشيخ بكل حقد والشيخ بيقرا في الايات
1- {اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ} (255) سورة البقرة
كانت كل ماتسمع القران تصرخ ااااااااااخ وتتحرك من الكرسي شديد سعيد وعلي بقو الاتنين بقرو في سرهم والشيخ ختا يدو في راسها وواصل
أنت تقرأ
جحيم السحر الأسود
Horreur#جحيم_السحر_الأسود 🔞 🔞 قال تعالى: ((يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَ...
