جميله لبست الصباح وطلعت من غير ماتكلم زول اتصلت ع مياده وهي ف الشارع وقالت ليها انل تعبانه عايزه الاقيك هسا مياده كانت ف الشغل بس طلبت منها تتلاقي معاها بره وبعيد ووصفت ليها مكان ولما جات المكان ده لقت جميله واقفه حنب كوم زباله كبييييره ووسخانه والزباب من كل مكان والروائح كعبه شديد واتصلت عليها ولما مياده شافتها كانت جميله واقفه بس وبتعاين علي اتجاه المزبله جات جنبها وكانت خايفه شديد لاحظت لشكلها المتغير وشها كان شاحب شديد واصفر كانو مانايمه ليها شهر ويديها برجفو وشفايفه جافه جات اخدتها من المكان الهم واقفين فيهو ومشت قعدت معاها ف تحت شجره قريبه من مكان شغلها وده كان بطلب من جميله لانو هي ماعايزه تمشي اي مكان ودار الحوار بينهم
جوجو انتي مالك 😨 شكلك تعبانه ومرهقه عايني وشك بقي كيف في شنو مالك ??!😳 .....
عاينت ليها بنظره ورجعت عاينت اتجاه الكوم بتاعت الزباله تاني المره التانيه لما اتلفتت جميله خنقت مياده بيدينها ومياده بقت تصرخ وتصرخ ✋🏻😰 وتكح وتقول ليها فكيني وجميله كانت مستمتعه بالحاجه دي وفجأه مياده ختت يدها ع كتف جميله وقالت ليها
،،، جميله انا بتكلم معاك مالك ف شنو مارديتي علي (جميله وعت وعاينت ليدينها واكتشفت انها ماقربت علي مياده بس كانت بتتخيل او هي حاسه انو عملت كده فعلا بس مافاهمه كيف 😰) حكت جميله لمياده كل شي من اسبوع حاصل مياده خافت شديد وطلبت منها تمشي معاها لشيخ هي بتعرفو وفعلا ساقتها ركبو عربيه ومشو مكان بعيد تقريبا ساعه ماشين وصلو حته كده شبه صحراء فيها بيوت بس اي بيت ببعد عن التاني قرابه ١٠٠٠متر وصلو البيت عباره عن سور من القش جواهو غرفه مبنيه ع شكل خيمه وصلت ونزلت بس جميله ماكانت قادره تمشي كانت بتتسند علي مياده ولما دخلو ع الشيخ الشيخ برضو كان بتاع اعمال وسحر اسود وبيعرف كويس اي حد معمول ليهو سخر اول ماشاف جميله فتحح عيونو 😨😨😨😨 واتخلع قعدو جنبو تحت اول ماقعدو الغرفه بقت فيها اصوات حااااااده والحاجات المعلقه بقت تقع من علي الحيطان ومياده خاته يدينها في اضنينها وخايفه تسمع عكس حميله اللي كانت مفتحه عيونا بطريقه مخيفه وبتعاين لكل ارجاء الغرفه واي مكان ولا حاجه بتعاين ليها بتتحرك من مكانها وبتقع الشيخ ف اللحظه دي بقي يكب ف البخور ويقول طلاسم غريبه ومامفهومه وبيتمتن كلام مامفهوم لحد بعد شويه الوضع استقر والاصوات وقفت حتي جميله غمضت عيونها وبقت تبكي وتبكي الشيخ قال ليها
ابكي ابكي انتي الجواك كتير .... ويرمي ف البخور ويتمان بالطلاميس مياده سالتو في شنو ي شيخ حميله مالها 😰😰😰.....
رد عليها جميله مسلطين عليها جن وفي الجن من الجن السفلي شرير ومسيطر عليها (مياده بلعت ريقها وقالت ليهو طيب والحل ) قال ليها الحل انو الحن ده يطلع منها والا عمرها محاتتعالج ...... جميله سالتو وهي دموعها حاريه وكيف ياشيخ الجن ده وصل لي ✋🏻😭.... رد عليها وقال ليها وصل ليك عن طريق اثرك ملابسك الداخليه مفقودع الزول العمل ليك العمل اخد نجاستك وعمل بيها عمل وللاسف العمل ده مدفون في مقبره بعيييييده عشان كده لاذم تدفعي قروش اكتر عشان اقدر اساعدك ولو دفعتي اكتر حاوريك كمان منو العملو ليك واعمل ليك سحر للعملى ليك )الشيخ كان ببتسم ابتسامه خبث وهو كان بقول الكلام ده عشان دي شغله جامده جاتو لعنده بس فجأه مياده قامت ورفعت جميله وقالت للشيخ حانجيك وقت تاني ..... ود عليها الشيخ محاتجو تاني وانتو الخسرانين 😅😅.....
رفعت جميله علي يدها وسندتها جميله وهي قايمه يدها اتجرحت بحديده كانت قاعده تحت وماكانت شايفاها طلعو بره واتصلت مياده ع بتاع العربيه الوصلهم عشان يرجعهم جميله حالتها تصعب ع الكافر لابسه عبايه سودا ومليانه تراب من اثر القعده ع الارض عيونها وارمه من كتر السهر والارق والبكا وشفايفه ناشفه كأنها ماشربت مويه لمده يومين لما جات تركب العربيه طرحتها وقعت وماانتبهت ليها لاهي ولا مياده ....
مياده قالت ليها انا عرفت العمل ليك كده منو دي اكيد نسيبتك ام سعيد هي العملت كده بدليل انها اليوم داك كانت بتغسل وغسلت ليك جزو من هدومك معاها اسمعيني كويس انا كلمتك تخلي بالك من المره دي وانها مابتحبك .. جميله سامعه اي كلمه بس ماقادره ترد ربطت كلام مياده ب الحصل ولقت انو فعلا ام سعيد غسلت ليها اليوم داك وانو بعدها بيوم طلعت واتاخرت مع خاله سعيد ومع كلام مياده الكتير ثبتت ليها ف راسها انو فعلا الكلام ده صحيح
#في_الاثناء_دي
سعيد وامو فتشو البيت وطلعو ع الجيران وبتصلو ع جميله مابترد حتي سعيد بلغ الشرطه ورفضو يقبلو منو البلاغ لانو اختفائها ماتم ٢٨ ساعه ورجع البيت وهو خايف وماقادر يقعد ومقلق 😰😨😰 ،،،،
طيب ي امي هي ماورتك طالعه وين ؟!،،،،
ياولدي سالتني السؤال ده عشرين مره وكلمتك ماورتني يعني حاتكون كلمتني وداسه منك ياخ البت دي عزبتنا معاها 😡😡 وعملت لينا فضايح هسا الجيران يقولو شنو 😡😡؟؟؟
شنوووو ي امي جيران شنو انتي ماهمك حميله
أنت تقرأ
جحيم السحر الأسود
Horror#جحيم_السحر_الأسود 🔞 🔞 قال تعالى: ((يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَ...
