ف صباح اليوم التاني سعيد بلبس وماشي علي شغلو صحت جميله وقامت حضنتو وهو واقف من ورا وبقت تتكلم معاهو اعفي لي حبيبي اعفي لي ماخليتكً تنوم وفضلت طول الليل مساهر معاي 😔😔 التفت عليها وحضنها وقال ليها 😍😍حبيبتي سهرك بالنسبه لي راحه انتي ماعارفه انا بحبك كيف ووعدتك قبل كده وانتي معاي ماتخافث يبقي خلاص حبيبتي انا اهم شي عندي انك ماتخافي 😘😘 انا حاطلع لانو اتاخزت ع الشغل كلميني اذا احتجتي اي حاجه اجيبها ليك وانا راجع طيب باسها من راسها وطلع ..... بعدها قعدت ف السرير وهي بتتركر في موقف امس وبتقول ف سرها معقول يكون ده كابوس اثناء ماهي بتتكلم مع نفسها تلفونها اتصل ردت
الووو .. ميمييييي واحشاني يابت الكلب بقي تغيبي عني اسبوع كامل وماتسألي مني عارفاني بحتاج ليك خصوصا الوقت ده يعني باقي لي شهر واخش ف السابع لاذم تكوني جنبي ي كلبه ولا امشي اشوف لي بنت خال تانيه 😔😔😔😏😏
..... ردت عليها معقوله ي جميله تقولي كده ياخ احنا متربين مع بعض كيف اسيبك ف الظروف دي انا بس كنت مشغوله الايام الفاتت ف الشغل وعاصرني شديد البت الشغاله معاي سافرت وكل الشغل وقع ع راسي بس اعملي حسابك حاجيك اليوم واتغدا معاك وماتجهزي اي شي انا حاجيب معاي الغدا جاهز ماناقصه نقه وكلام كتير من سعيد 😅......
حبيبيني ياخ ماف مشكله انتي اصلي بس وخلي الباقي علي 😍...
طيب يلا مع السلامه ✋🏻
مياده بنت خاله جميله وصحبتها شديد تقريبا متربين مع بعض وصحبات شديد ومابتفارقو ابدا جميله بعد رتبت الغرفه حقتها طلعت بره لاام سعيد اللي كانت بتعمل ف الشاي سلمت عليها وجات وقفت ف البوتجاز وقالت ليها
ي امي صباح الخيييير ي جمييييييل ليه تعملي الشاي انتي امشي ارتاحي خليني اقيف انا ✋🏻😊 ....
يابتي انتي ف السادس ياخ ارتاحي عليك الله بقيتي تقيله بعدين انتي ناسيه اني في يوم كنت زيك المره الحامل ف الوقت ده بتتحرك بصعوبه وبتحتاج راحه وانتي يابتي من يوم حملتي للان وانتي بتقيفي تشتغلي وتطبخي وترتبي والله كده حرام وانا بحس بالذنب 😔...
معقوله ي امي زنب شنو انتي مامقصره وبتعملي اي شي وانا بساعدك شويه شويه بعدين انتي عارفه سعيد نظريه 😅😅 الاكل ده مابعجبو العجب ولا الصيام ف رجب والطبايخ ماباكلها معزبني الا اقيف اعمل ليهو الحاجات بنفسي .....
والله ي جميله ي بتي انتي زاتك تستاهلي التعب لانك بتدلعي هو ولدي انا مابدلعو زيك ههههههه المهم انا حاشيل الشاي وانتظرك ف السفره بره انتي اخدي حمامك وتعالي نشرب الشاي مع بعض ماشي ي بتي 😊😊....
حاضر ي امي خمسه وراجعه ليك ، دخلت حميله الحمام وطلعت ملابسها ووقفت تحت الدوش فتحت المويه واثناء ماهي بتستحم سمعت صوت زول بضرب في باب الحمام طق طق طق ✋🏻✋🏻✋🏻 وقفت الدش ومسحت الصابون من وشها وبقت تنادي من جوه الحمام امي ياامي انتي بتناديني ???! 🧐🧐
أنت تقرأ
جحيم السحر الأسود
Horor#جحيم_السحر_الأسود 🔞 🔞 قال تعالى: ((يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَ...
