لالا ي دكتور جميله كويسه وممحتاجه طبييب مخ واعصاب ولا محتاجه طبييب نفسي انت اكتب لينا خروج وانا حاكون جنبها لحد حالتها تتحسن ✋🏻😔.....
انا اسف استاذ سعيد انا ك دكتور واجبي المهني بيحتم علي اني م اسيب مريضه تطلع بالحاله دي خصوصا انها حامل هي الليله حاتبات هنا وبكره حاننقلها مستشفي متخصص ف المخ والاعصاب وبعدو علي طبيب نفسي (الدكتور كان بتكلم وكانو بلوم سعيد انو خلي زوجتو تصل للمراحل دي وكأنو بحملو المسئوليه كامله😒) زوجتك منهاره ي استاذ انت يمكن ماحاسي انها منهاره من حاجه معينه وانت لو كنت قادر تعتني بيها ماكان خليتها تصل للمرحله دي..... هنا سعيد هاج وغضب ومسك الدكتور من البالط بتاعو وقال ليهو تقصد انو انا السبب 😡يعني انا مابعرف اعتني بزوجتي انت عارف احسن مني وكان عايز يضربو لولا تدخل علي وحل المشكله بينهم وطلب من الدكتور يمشي لانو سعيد نفسياتو تعبانه الممرضه جات وطلبت من علي وسعيد يستنو الاستراحه ويخلي حد واحد بس يقعد مع جميله ومياده طلبت منهم انهم يمشو وهي حاتستني مع جميله سعيد طبعا كان رافض بس مع الحاح علي وافق وطلعو
دخلت مياده ل جميله جوه الغرفه وجميله شكلها كان مخيف اكتر من الاول وكانت تعبانه لدرجه انو مقيدين يدينها ورجلينها ف السرير خوفا من انها تأذي نفسها او الجنين كانت اصابع رجولها ويديها متشنجين 😔 وعروقها طالعه ولونها اسود وعيونها وارمه وحوالين عيونها لون اسود ووشها شاحب شديد وشفايفها جافه كأنو مجرحه بموس جميله ليها يومين وهي مامع الناس عايشه في عالم خاص بيها هي عالم كلو خوف ورعب وضلام ماكانت شايفه الحواليها كانت بتتجه علي اي اتجاه بتشوف اشباح واشكال غريبه وناس وجوههم مليانه ثعابين وبهمسو ليها في اضانها وبيتكلموً معاها وبخوفوها شافت جميله اتنين لابسين اسود جو رفعوها من السرير ماخدينها وماشين بيها في عاينت ف الارض لقتها كلها ثعابين وحشرات بس هي كانت بتقاوم وماعايزه تمشي معاهم وقعت ف الارض وبقو جارينها معاهم .. ف الوقت ده مياده كانت واقفه جنب سرير جميله وبتعاين ليها وهي بتتلوي جات قريب منها في وشها وقالت ليها مبسوطه حبيبتي مرتاحه 😂😂😂 مش ده كان السؤال اللي كل ماتشوفيني بتسأليني ليهو مبسوطه ي مياده مرتاحه حبيبتي وكانت بتقلد جميله في تعابير وشها اكون مرتاحه كيف وانتي اخدتي راحتي مني واكون مبسوطه كيف وانتي انبساطتي عندك هههههههههه ماتتخيلي انا سعيده كيف وانا شايفاك متعذبه كده وبتتألمي ايوه ايوه اتألمي اكتر ضوقي من الانا ضايقاهو شويه 😂😂😂 جميله كانت بتعاين ف السقف بس وبتتلوي وبتتعزب وبتحاول تتحرك وتفك رجولها ويدينها وتحاول تقوم بس مابتقدر عشان يدينها كمان مقيدات بتقوم وبترجع تقع تاني ف المخده ومياده مربعه يدينها من بعيد ومبتسمه .....
بعد كم ساعه اذان الصباح اذن طلعو سعيد وعلي للجامع القريب للمستشفي وهم ماشين ع الجامع علي قال ل سعيد ،،، بعد الصلاه نتكلم مع الامام ونسألو ونحكي ليهو بالبحصل ل جميله يمكن يساعدنا او يعرف حد يساعدنا طيب ؟.....
تاني ي علي شيخ يعني انا ...(قاطعه علي )
اسمعني ي سعيد المره دي حانمشي وغصبا عنك ده طبعا لو بتعتبرني صحبك انت شايف حاله مرتك بقت ماشه كيف حاتنتظر شنو بما تموت فجأه والدكاتره كمان مايلقو سبب للوفاه زي مالقو سبب لمرضها اعقل شويه ياخ 😡✋🏻...
حاضر حاضر ي علي خلاص نتكلم مع الامام
(بعد الصلاه انتهت والمصليين طلعو قعد الامام الشيخ فتح المصحف وبقي يقرا ف قرآن جو علي وسعيد وقعدو جنبو وانتظروهو بعد خلص السوره وسلمو عليهو ،،،،
اهلين بيكم ي اولادي اتفضلو جلسو جنبي 😊.... بدا الحوار علي وسال الشيخ ،،، ي شيخنا انا بسال عن انو ممكن حن يتلبس بني ادم ويخليهو يتصرف تصرفات ماواعي بيها وهل في دليل قاطع من السنه علي الحاجه دي ???!
الشيخ قفل المصحف ورفعو فوق وبقي يسبح ويتكلم معاهم .. ي ولدي الجن اتخلق من بدايه البشريه وزي ماربنا قال في محكم تنزيله (وماخلقنا الجن والانس الا ليعبدون) ده دليل كافي ع انو الجن موجود وايضا إثبات السحر ثابت في مواضع من كتاب الله عز وجل وثابت في سنة النبي صلوات الله وسلامه عليه بطريق القطع، وقد نصَّ الله جل وعلا على وجود السحر ونصَّ على تأثيره، فقال تعالى: ((يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ ))[البقرة:102 صدق الله العظيم
رد عليهو سعيد صدق الله العظيم ي شيخنا
أنت تقرأ
جحيم السحر الأسود
Horror#جحيم_السحر_الأسود 🔞 🔞 قال تعالى: ((يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَ...
